مجادعات دار جعل

[b]ولي زمان الهلال واليوم يادراش في عهدٍ كلنا مريخ

كنا فعل ماضي مفردٌ من كان فلابد لك من الاَن ان تذاكر التاريخ

تريد يادراش تذكيرنا بالكنتين ما اشترينا يوما غير فضلات الاسماك تسمي بالفسيخ

ان تباهت نفسك باكل التسالي فهو في النهايه حبٌ مزبول من البطيخ

يا عاشق الحتانة حبيت اكسر النغمة بأروع مجادعات والحقيقة الابيات دى من اميز واعمق الاشعار القريتها وبقول :


نحن الشينْ ونحن الزين
ونحن العقبه والعتمور ونحن القِبله .. والقرعانْ
ونحن الشانْ ونحن النانْ
أتينا عشانْ نسوى الدّنيا للإنسانْ
نحن الصّافى والوَافى
ونحن الشّافى والكافِى
ونحن الزادْ
ونحن العِينه والزِيّنه ، ونحن – يمين – أهالينا
أهلى سرورْ ووكَتين ينزل المستورْ
تَرَانَه النور
نحن الجبنه واللبريقْ ونحن قداحنا سَاوات ضيقْ
ونحن بيوتنا مفتوحاتْ مَسَاىْ .. وَصباحْ
ونحن وشُوشنا مطروحاتْ مَسَاىْ وصباحْ
ونحن السَمحه والقَمحه ونحن الطله .. واللمحه
ونحن الصِيدْ ونحن العيدْ ،

ونحن الهِجره .. والأوبه ،
ونحن كُتَارْ ونحن كُبَارْ ،
ونحن – يمين – جُمَال الشيلْ ونحن – يمين –كلامنا قليلْ ،
نحن السورْ ونحن الحُورْ ،
ونحن بناتنا محروساتْ ونحن وِلادنا ضُلالاتْ
ونحن أُماتنا ياهِنْ .. ديلْ ،
وجِيب ورينى زيىِّ منو ،
نحن العَاجْ ونحن الصَاجْ
ونحن البوشْ ونحن الحوشْ
ونحن الناسْ وكتين الديارا ..يباس
وإن درت العديل والزين

تعال يا زول ،
وإن كست الكعب والشين
أرح .. يا زول

با أبو عثمان شنو ديل الطرش
كل واحد ملى سعنو هوا وداير يخش
نحنا أصلنا للهلال الجنازة ما بننبش
قول لدراش صحي النوم وأخدلك دش

سراج الدين عثمان محمدين كتب:

[b] راكز كالجبل. الما بتهزو هبوب

انا الصنديد لبست العجوز التوب

ما بضا را في ود خالي . الماسك للقلم يادوب

بصارع فيكم بجدع شعري . لامن تجروا و تقولوا الروب

جينا راكبين خيولنا ... المتل الجبال راسيات

لابسين عزيمة أبواتنا ... عزة أمات و حبوبات

كيف يفرقنا عازل ... و تبقى دروبنا متفرقات

و الله عيب إن شردن خيولنا ... و حمير سراج قاعدات

**

نجى بحروفنا وننبهل

نسن سيوفنا وننمهل

امسك دربك وفى الطريق انعدل

سمح الكلام الا من غير زعل

**
وكت ننضم كلامنا حروفو مكربات

بنركب خيولنا خيول حوبات

نحنا الطريقنا كلو عقبات

الا عيب خيولك يعركسن قاعدات وخيولنا يرقصن واقفات


*

[b] إ نقفل البيت وقعت معاهو الشعبه

رحلن بنات السيد جوانا كسرن ضلعه

كيف يا الاهل نحجر مسار الدمعه

مادام السفر خروج بدون الرجعه

سراج الدين عثمان محمدين كتب:

[b] إ نقفل البيت وقعت معاهو الشبعه

رحلن بنات السيد جوانا كسرن ضلعه

كيف يا الاهل نحجر مسار الدمعه

مادام السفر خروج بدون الرجعه

الببكن وراك يافاطنة ماجابن جديداً بدعه

حزنانات عليك وماظن يضوقن متعة

وحت قلبى الرهيف زادت عليهو الوجعة

ولى سنين العمار كيفن دريب الرجعة

[b] البيت الكبير بي أ ماتنا كان يجمعنا

اصبح خا لي لي زمن الحزن رجعنا

وكت نغشاهو نطرق بابو مين يسمعنا

اه ياخله فراق سكانو جد اوجعنا

شعر هندى


إسم أنا كومار عتيق **** أخو أنا والله صديق
بابا أنا شيبه كبير **** ماما أنا مريض كتير
أخو أنا كلو صغير **** مافي فلوس أنا فقير
عشره سنه شغل هنا **** مافي شوف أهلي أنا
ممكن موت أنا هنا **** فكر مشغول تعبان أنا
أتنين سنه مافي فلوس **** كفيل كلام بعدين يشوف
والله هرام لازم فلوس**** مسلم أنا مافي هندوس
لازم أنا سفر رمضان **** إنسان أنا مافي هيوان
لازم أنا روح بلد **** سوي زواج جيبو ولد
كفيل كلام هدا بلد **** مافي زواج مافي ولد
انت شغل هنا همار **** مفهوم كلام يا كومار
كفيل أنا كرشو كبير **** ممكن اكل لهم همير
أنا كرشو كتير صغير **** لو نفختو والله يطير
جيتو بلد شعر كتير **** شعر أسود سيم سيم هرير
دهين شعر كلو يطير **** مافي صغير مافي كبير
سكن أنا غرفه صغير**** مافي مكيف مافي سرير

سراج الدين عثمان محمدين كتب:

[b] البيت الكبير بي أ ماتنا كان يجمعنا

اصبح خا لي لي زمن الحزن رجعنا

وكت نغشاهو نطرق بابو مين يسمعنا

اه ياخله فراق سكانو جد اوجعنا

البيت الكبير ياعمى كان مرتعنا

ياما شبعنا فيه محنة وياما رضعنا

حليل عماروا الليلة مين بسمعنا

بعد الولف ياخلة جار القدر فجعنا

عبده محمد أحمد المسلمابى كتب:

سراج الدين عثمان محمدين كتب:

[b] البيت الكبير بي أ ماتنا كان يجمعنا

اصبح خا لي لي زمن الحزن رجعنا

وكت نغشاهو نطرق بابو مين يسمعنا

اه ياخله فراق سكانو جد اوجعنا

البيت الكبير ياعمى كان مرتعنا

ياما شبعنا فيه محنة وياما رضعنا

حليل عماروا الليلة مين بسمعنا

بعد الولف ياخلة جار القدر فجعنا

آه من الجرح الغور

قدر ماأقول يبرأ ألقاه يتطور

شوف ياأبوعروة الزمن كيفن بيدور

شال بنات السيد الحتانة بالحزن ليها سور

البيت الكبير كنا كبار وصغار فيه نتلمة

فى عزالهجير ناخد لينا فيه جمة

رحلن بنات السيد الحزن شرق وغرب عم

نص الحلة ياأبوعروة الليلة إتخمة

سراج الدين عثمان محمدين كتب:

[b] إ نقفل البيت وقعت معاهو الشعبه

رحلن بنات السيد جوانا كسرن ضلعه

كيف يا الاهل نحجر مسار الدمعه

مادام السفر خروج بدون الرجعه

الطير فى السماء الليلة صبح متألم

بى قفلت البيت الكان بلم

مسخت على قولة ياأخوى قوماك على الحلة نسلم

عزانا ياأبو عثمان نصبر وللمقدور نسلم

هاكم دى مشاركة منى:


البيت الكبير الكان لينا ضلالات
ومشتاقين كتير للطلة والجيات
يالحتانة خلاص بنات السيد فوات بلا رجعات


فى الزول العزيز قوماك نجر النمة
فى داركن هناك بتحلى الونسة و اللمة
حليلها دى الخلت حياتنا يباس و ضلمة

يا ضل الضحى المنشر فوق حلتنا حب و محنة
يا الصدر الحنين الفيهو تحللا الضمه
باقى كانت لينا الخالة والعمة



فوق صبرى ما شفت ابدا طيف
يا بحر السموم الدنيا امست صيف
انعصر الكلام شوفوهو نازف كيف

داعين للكريم البيهو بتحقق املنا
يارب النعم يا سيد الكرم والمنة
فى دار الخلود تتهنا وتخش الجنة

عاشق الحتانة كتب:

قالو سابوها الديار و الباب وراهم سدُّو

و الوجع الكان بتاور الليله فايت حدُّو

عاد البنوهو جدودنا كيفن بيسهل هدُّو

و الله لا انقفل الباب و لا ضيفانا ذاتم صدُّو

الحتانة لوفضل فيها فد نفر مابقولو ضيفا صد

ياعاشق الحتانة دايرلك فى إضانك عضة

ماشفت بى رحولن كيفن الناس منقرضة

كبار وصغار حتى البرضع فك الشطر جضة

ويامجدى :

البنوه أجدادنا حقيقة بقى خراب

خليه قولنا أسأل القاعدين فى العقاب

ولو ماقالولك حقيقة إنقفل الباب

يبقى إحساسنا جامد ولسانا كذاب

عاشق الحتانة كتب:

عبد العزيز الدراش كتب:

يا ناس هوي خلاص استوب كفي ..

وكدي صلوا وسلموا علي الحبيب المصطفي..

وخليكم زي اخونا معتصم محمد مصطفي ....

زولاً رزين ما بحب المزاح وكتر الكلام والسفسفه...

شيخاً ود شيوخاً عزاز سلاسة ابونا الشيخ مصطفي ...

إلهي صلى على النبى المافى زول بسواهو

يا ود الشيخ محمد ليك منى السلام تلقاهو

[color:8b89=[/color]

ود دراش زهجان هناك فى البلد البعيدة براهو

معذور أخوك يا عبده الغربة حارقة حشاهو

[color=yellow]yellow] فى الغربة البعيدة كم خلوقاً تاهو

مو الدراش برا الوصفوا الجهال ناسياهو

يالدراش تعال والدايرو جت تلقاه

تلقى الغنى وتلقى الأمان المافى مال بسواه

تزاور الأهل تقالد أمك أبوك تسوى رضاه