| مجادعات دار جعل | |
|
+12ذوالفقار الأمين محمد أحمد عبد العزيز الدراش أيمن فضل الباري هاديةعبدالرحمن عثمان احمد أبو ريناد عاشق الحتانة ناجى أبو تسنيم ياسر سليمان عمر سراج الدين عثمان محمدين حذيفه محمد أحمد عثمان عبده محمد أحمد المسلمابى نادية حسن عمر 16 مشترك |
|
كاتب الموضوع | رسالة |
---|
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الأربعاء مايو 27, 2009 5:43 pm | |
| كان لى قول المسادير .. عارفنك شديد كتّاب
وإن عمرى أكبر منك .. تبقى زول كضّاب
إلا العمر ما مهم .. مادام النسويهو صواب
الريد للهلال والحمد لى الله .. الما سوّانا مريخاب
| |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الخميس مايو 28, 2009 6:22 am | |
| يا حاج يا عجوز جنيت 0000 بتجيب كلام من راسك
بتذكر ونحن صغاااااار 0000 في ضهرك شا يل فا سك
معقوله انت ند يد نا000000ومقا سنا زاتو مقا سك
خا يفك تكون خرفته 000000 وحا يم كما ن بي لبا سك | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الخميس مايو 28, 2009 7:25 am | |
| لو انت الهلال بتريدو 000 ماتنسي قون اللفه
نحن البلد اسيا دا000000 مريخنا ليها الزفه
يوم النزال ما قرررب 000 اركزو سيبو الرجفه
عارفنك لي سودانا 0000 ماجبت لو كان قفه | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الخميس مايو 28, 2009 1:53 pm | |
| قالوا اخير الزول يستر باللباس حالو من لا يكون عريان
كأسكم زى كلامكم قدييييم .. شوفلك غيرو يا أب عثمان
كان لي غُلبنا ليكم هييين .. و التلاته نقط اصلن ضمان
اصلوا معروف .. اكل الكستر مابدورلو زولاً ليهو أسنان
| |
|
| |
أبو ريناد
عدد المساهمات : 406 تاريخ التسجيل : 13/04/2009 العمر : 59
| موضوع: رد: مجادعات دار جعل الجمعة مايو 29, 2009 11:22 am | |
| يا ياسر أخوي شيل أمريكا ودولارا من راسك وعيش في بلدك مطمئنة انفاسك كدي وقت المغربية شوف احساسك وكتن تجي القوز وتلاقي وناسك عشان كدة خليك في وطنك مجدٌع ورافع راسك | |
|
| |
ياسر سليمان عمر مشرف قسم الصور و الاستشارات
عدد المساهمات : 181 تاريخ التسجيل : 08/03/2009 العمر : 55
| موضوع: رد: مجادعات دار جعل الأحد مايو 31, 2009 5:55 pm | |
| البلد جميلة ....وجاري نيلا ..... هي ساسنا ....وصعب رحيلا ...... منبع جدودنا .....وفي القلب بنشيلا..... الحتانة ....وين نلقى في الكون مثيلا .......
( والله يا ناجى ..قلنا القحة ولا صمة الخشم ) ...رايك شنو ...؟ | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الإثنين يونيو 01, 2009 12:58 am | |
| شعر البكور يا يا سر-------- مشرومه طوبا ت بيتو حقيقه قولك رائع -------- اسماعيل حسن جا ريتو قصا ئد ريدك في الحتا نه ---- ديوانا شن سميتو خشمك نطق با لقحه ------ يا رييت اكان صميتو | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الإثنين يونيو 01, 2009 4:01 am | |
| داير أجيب نَص الكلام ... الإنت كنت ذكرتو
بى كلمة "حقيقة قولك رائع"... ظنينا شعرو شكرتو
إلا لقينا باقى الكلام ... حقيقي زايده عكرتو
يا ود جاره خوى ..منيص الجانا كاشف كرتو
عدل سابقا من قبل عاشق الحتانة في الأحد يونيو 07, 2009 5:33 pm عدل 1 مرات | |
|
| |
عبده محمد أحمد المسلمابى مشرف المنتدى العام
عدد المساهمات : 484 تاريخ التسجيل : 19/03/2009 العمر : 54
| موضوع: رد: مجادعات دار جعل الإثنين يونيو 01, 2009 5:22 am | |
| نقل لى مزمل ود الشيخ ود حمروعن غيره أنه قال :
ياحليل البلد ياحليل جزايرو وطينو
ياحليل البلد ضج ورطن عرزينو
ياحليل البلد طش ورحل مسكينو فجاوبته فقلت :
ياحليل البلد سايقنى ليهو حنينو
ياحليل البلد جميل يعوم وزينو
ياحليل البلد مسكينو الله يعينو | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الإثنين يونيو 01, 2009 6:10 am | |
| يا ياسر ابو سليمان ليك مني سلام
قولك عن الحتانه ما فيهو حرفا سا م
احسا سك من الاعما ق والله ما في كلام
خلي العجوز يكتب في البعره وعبد التا م | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الإثنين يونيو 01, 2009 7:06 am | |
| ود خا لتك يا عجوز بي طبعو اصلو حنون بيكتب كلام مليا ااان جواهو ريد معطون
حب البلد لي نفسو زي الجني المجنون
يا مجدي اكشف ورقك قبا ل تخش الزون
| |
|
| |
ياسر سليمان عمر مشرف قسم الصور و الاستشارات
عدد المساهمات : 181 تاريخ التسجيل : 08/03/2009 العمر : 55
| موضوع: رد: مجادعات دار جعل الإثنين يونيو 01, 2009 6:13 pm | |
| يا جماعة هوووووووووووووي ...كلامكم دا مايفرقنا خلونا النكتب في البلد ...........أصلا مـــالكة عشقنا ود الخالة ...المنيصة ...مي المقصودة ...وماهي هدفنا كيف تمنيص ..(عمك وخالك )..... ..الباقي لينا درعنا | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الأربعاء يونيو 03, 2009 1:31 pm | |
| - ياسر سليمان عمر كتب:
- يا جماعة هوووووووووووووي ...كلامكم دا مايفرقنا
خلونا النكتب في البلد ...........أصلا مـــالكة عشقنا ود الخالة ...المنيصة ...مي المقصودة ...وماهي هدفنا كيف تمنيص ..(عمك وخالك )..... ..الباقي لينا درعنا الدنيا العبوس يا ياسر ... من يومها داك فراقه
الرماد التشوفو عيونك... من تحتو نار حراقه
ما تنخدع يا خويا ... بى كلمات زولك البراقه
بخاف عليك يسيكك ... و ما تلقى ليك مراقه
| |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الجمعة يونيو 05, 2009 7:34 am | |
| واقف كثير يا ياسر .. من الشعر لي مده
شايف براك ود خالتك .. بكتب حرو ف الرده
الليله جاتك تاره.. شوفلك طريق للشرده
ابعد بعيد ياياسر .. خلي الرهيف ينقده | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الجمعة يونيو 05, 2009 8:43 am | |
| انا ليك قبيل حزرته ... ما سمعته مني نصيحه
تكتب ياعجوز سااااكت .....وعامل كمان تفتيحه
نسيت جواب الشيخ ...... .الرجفه واللوليحه
الليله عاد يايا سر ...... زولك بسوي فضيحه | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الجمعة يونيو 05, 2009 9:44 pm | |
| فوق فرسى صامد و راكز ... عاد أمسك عليك دحشتك
خلى ياسر واقف و شاهد ... أخاف باكر يقولو نبشتك
تبحت للقديم . ذى التقول ... فوق إيدك الواجعاك دقشتك
لو قايلك عوير يا خوى ... ما كنت ذاتو هبشتك
عدل سابقا من قبل عاشق الحتانة في الجمعة يونيو 05, 2009 9:55 pm عدل 1 مرات | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الجمعة يونيو 05, 2009 9:54 pm | |
| البارح في المنام يا ياسر حلمان وجدت فلوس ضاعت مني في كوم رمله تعبته شديد معاي تكوس فجاءه صحيت علي جنون اشوف ود خالتك المفطوس قاعد في تكل جنب صاج شايل القرقريبه يعوس | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل السبت يونيو 06, 2009 3:48 am | |
| انا المن ولدونى ... ماسك علىّ لسانى
بسمع كلام أمى ... و أبويا كان وصانى
إلا مكان الدوكة ... ما ظنيتو يوم تلقانى
والزنقة ما خلت ... عبدالعجور فيوم سكانى
| |
|
| |
هاديةعبدالرحمن عثمان احمد
عدد المساهمات : 15 تاريخ التسجيل : 07/05/2009
| موضوع: رد: مجادعات دار جعل السبت يونيو 06, 2009 4:27 am | |
| والله حيرتونا عديل وزى ماقال اخونا حزيفة دايرين قاموس ودروس وبصراحة انا ثلاثة ارباع الكلام دا مافهمتو | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل السبت يونيو 06, 2009 5:35 am | |
| [/b] اخير الجاري من الصوط ...... بدل ما يخون كبير وعجوز
اصلو الغش حرام شرعا ......... كيف لي زيك يبقي يجوز كيف تسمحلك نفسك اصلا ............. تصوط الشاي معاهو المويه جوه الكوز
اكيد التومه لو عارفاك ............كان الليله بره البيت تكون منبوز | |
|
| |
عبده محمد أحمد المسلمابى مشرف المنتدى العام
عدد المساهمات : 484 تاريخ التسجيل : 19/03/2009 العمر : 54
| موضوع: رد: مجادعات دار جعل السبت يونيو 06, 2009 6:54 am | |
| أجمل شئ الشعر ياهادية لو عايشاهو
خلى أبوك خليل يديك كل معناهـ
شديت وعبد التام وبوبى الجنى السكاهـ
وشريكنا فى العيشريف مافينا زول بنساهـ | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل السبت يونيو 06, 2009 12:15 pm | |
|
يا سراج يا ود اللذين خلينى أشيل نفسى .. الكلام ده ما منك براك ... الظاهر إتلميتو إنت وياسر ... أصبرو لى جايكم صادى
| |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الأحد يونيو 07, 2009 4:48 am | |
| ما قلتا فارسا جد صعب ... جا يينا راكب فوق فرس
الليله ما لك ياعجوز ... تطلب تجر حبه نفس
قول الشعر غلبك عديل ... ضربك فلس
خلينا نعلن للجميع ... ونقول خلاااااص مجدي اِ نفنس | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الأحد يونيو 07, 2009 1:17 pm | |
| ما إنفنست إلا باقى مشغولين
***
لميت عليك "ود طيبه" ... سويتو لي ضُــره
عجبو كلامك المعسوول ... أصلو واحداً طُـــره
بقيت تحرم للحلال ... و ربنا قال " فمن اضطُـر "
أهلك عليك ما غلطو ... وكت دفنوك و خلو الصُــره
***
عدل سابقا من قبل عاشق الحتانة في الجمعة يوليو 17, 2009 2:58 pm عدل 2 مرات | |
|
| |
ياسر سليمان عمر مشرف قسم الصور و الاستشارات
عدد المساهمات : 181 تاريخ التسجيل : 08/03/2009 العمر : 55
| موضوع: رد: مجادعات دار جعل الأحد يونيو 07, 2009 4:37 pm | |
| ود الخالة ....كلامك فيهو حقارةً ...مُرة تُوب وإستغفر ربك ...قبال تجيك الكــــرة .. | |
|
| |
| مجادعات دار جعل | |
|