مجادعات دار جعل

يا عـــاشق الحتــانة مرات شعــــرك شـــين
ما وازن القوافي ومــا عـــارف المضــامين
بتقــــول كلامـــــا ساكت وتتمو موية وطين

ابواتنـــا الكبـــــار قالــوا الشعر ده بحـــــور
ومن طرف القوافي لازم تشـــوف الحـــــور
إلا على ضفاف شعـــــــرك وقـفت دهـــور
لا شفت لي برقاً سطع لا شفت لي ضوء نور

يا ود بنت وهب إختـــــار كــــلام مـوزون
اتــنـقى الحروف ومـــا تنسى حرف الـنون
وبقية الجمــــل أمــــلاهــــا فيهــــا فنــــون


انا ما قاصد الحرب بالذات عليك يامجــدي
اصلك في الحساب فايتات حــدودك حدي
ما بينا إخـتلاف بس الهظــار كان قصدي

أيمن فضل الباري كتب:

انا ما قاصد الحرب بالذات عليك يامجــدي
اصلك في الحساب فايتات حــدودك حدي
ما بينا إخـتلاف بس الهظــار كان قصدي

جاى دافر زول نـُصح و نيتك فى حربنا تبين

ما دسيت شماتة حرفك سـويت كلام الهـِين

عاد اثبت فى الدواس ما تبقى زى مسكـين

جايك مطراً تقييل نازل ما بشاور بيوت الطين

يا ناس هوي خلاص استوب كفي ..

وكدي صلوا وسلموا علي الحبيب المصطفي..

وخليكم زي اخونا معتصم محمد مصطفي ....

زولاً رزين ما بحب المزاح وكتر الكلام والسفسفه...

شيخاً ود شيوخاً عزاز سلاسة ابونا الشيخ مصطفي ...

[b] جيتك راجع يا عجوز ..... حاضن تراب بلدي الحبيبه

جا ييك مبسوط با لنصر .... غرقا ن محبه حنا ن وطيبه

رفعنا ليك حتا نه فووق ....... ودفعنا للبلد الضريبه

الا انت زي ما كنت ...... عجوووز وما سك قرقرييبه

البلد من يومو فوق النجوم قاعد متفـّن

ونصر أولادنا سرانا بكى عيونا ما جفـّن

إلا وراكم قالوا كلامنا جوه الطين مدفـّن

أصلو الكديسه ما لحقت اللبن قالت عفـّن

تلاتة ضد واحد والله مافى عدالة

الشئ البنشهد بي مجدينا ورا بسالة

واحد بجدع فيه والتانى بس تكالة

فكيتو بت الهارطى عشرتو جر وشالا

ياأخوانا هوى ماممكن نقيف فراجة

للقول الرصين بلدنا يوت محتاجة

دايرين العم يكون للحلة ديما سراجا

ومجدى حافظ عشقو مافى يوماً جاجا

وقلت أيضاً :

عاجبنى النضم كشتينة أو فى الكورة

بس تلاتة ضد واحد يازمرة مى معقولة

الخاين وقت يكتب كلماتو ديمة خجولة

ده مجدى الهلال فاكرنوا زول ماسورة


وقلت لأيمن :

إيديك شايفة تكتب شوية وترعش

ياأيمن أقيف حالف يمين ماتهبش

تاكل عرض أخوك تكشف معايبو وتنبش

ده إن صدع شوية عينيك شهر مابترمش

[b]راكز يمين ما بخا ف من غا ره..

انا اخو البنا ت الدقن النقا ره..

يا عجوز راجيك وراجي احفا د جا ره..

جدي انا المجذوب ما دح ودق الطا ره

[b] راكز كالجبل. الما بتهزو هبوب

انا الصنديد لبست العجوز التوب

ما بضا را في ود خالي . الماسك للقلم يادوب

بصارع فيكم بجدع شعري . لامن تجروا و تقولوا الروب

[b] عمك يا الزبير راكز في الاراضي الصلبه

مابخاف من ديل .بحشو السندوتش . كسره ومعاها مربه

انا المر . قارش القرض . وبسف معاهو الحلبه

مليون من زي العجوز. مابسو.. الحبه ..

[b] عمك يا الزبير .. عندو الشعر احساس

وكت الحرابه تقوم .. بيكتب حروف رصاص

مابضارا زي العجوز .. اتحاما بين الناس

عمك جاهز لي الثلاثه .. لامن يعلنو الافلاس

[b]بقولوا ليك يا ايمن.. كلام امام عينيك

ابعد بعيد من دربي .. ابوك محتاج ليك

اصلو العجوز معروف . . باكر بيغدر بيك

حرم اجيك دافر .. شيخ زوفه ما يحميك

ياسلام علي مجاداعاتكم الحلوة
ياهو دا نفسنا الطيب الحابانا بيهو المولي
سر ناظرنا قال ماشالله ماقال لاحول
كلكم منتصرين كاسبين الجولة

حذاراك يا سراج ما تكتر النضمي
والحلبة قدامك اركز عديل ما تجري
اسعالك سيوف و اوعاك بس لا تشري
والكضاب دوام ما بعرفو غير الشتمي

الزول السمح بالخير دوام متعلي
والزول الكعب للقول حديثو مجلي
الناس العزاز دايماً سماها مضوي
في كبد السماء واقف هلالا بضوي
مليانة الأرض بي نور ضياهو .. محلي
والنجم الصغار ما فيهو حيلاً يسوي
شامخ زي ملك جعلي وعظيمة اوصافو
من حولو العبيد واقفين حرس عند راسو

أمبارح رسلت رسالة فى الجوال لذو الفقار قلت ليه:
رف القليب حن لى واحدة ماها عجولة
ست اللهيج حالى كلماتا معسولة
حرقت شغاف قلبى والحكمة مشغولة
لو جن العقل فارق مريودتى مسئولة
رد قال :
هام الفؤاد على كالمزن فى رحولة
لهيجة أحلى من عجوه المحوس المشتولة
محروق تشفيهوالزفره قصره وطوله
قبلى قيس جننته ليلى أنا اسبابى هذى الزولة
قلت ليه:
لو قيس زمان جن أسبابو معقولة
أنا مالى يالأخوان مالكانى مجهولة
خلت شغاف قلبى دوايرومشغولة
وبى ريد فريع البان جزايرو ماهولة
رد قال :
البحسبوا النجوم إن شافوا حالتى يعطفولا
مشغول فؤادى بيه من زمن الطفولة
صعب عليكم وصول دياراياالبتناوطولا
دى شتلة بى سبعة بحور مقفولة
قلت ليه :
يفرح يطير قلبى أقول ده مسكولا
مع أنو ياصاحبى زولتنا مجهوله
يمكن تكون غلطت قايلانى بس زولا
دى الجننت عقلى ياأخوانى بى قولا
رد قال :
ياأبو عروة شوف الخلوق كيف مزهولا
فى حب الصيده الراتعة فى سهولا
زى شهر رمضان نترغب مسكولا
شباب وشيب حتى الكهوله
قلت ليه :
الحير بنات فكرى خلاها مذهولة
نون حاجبا المقرون وعينيها مكحولا
لو قبلت تمشى خطواتا بى ميلا
خلتنى ياخلان حالتى يرثولا

رد قال :
ساهى ساهر حالتى يبكولا
أفكارى تحت هلاله جوه ود عينة مقفوله
ياأطبا الغرام كدى فتشولا
الغرام كم ضيع زى فى القرون الأولى

قلت ليه :
من وراء القمرة ضفايرو مسدولة
وفوق صدير عالى رمانة مشتولة
قواما يتنى حق عاجة مصقولة
لحاظا زى الريل سهاما مسلولة
رد قال :
دى لؤلؤ الخليج المامز قولا
مانطق فاها بى ملحتا مسقولا
هميمة للضيفان ماها الخملة المهمولة
السمايم تنقلب نسيم لو جسيمة مسولا

ختمت وقلت :
بتظلموا التمرة لو قلتوا معسولة
داير أختم الجولة ولى بكرة مقفولة
فى درب الغرام والريد كم أمة مخبولة
رادار حبيبى الزين سلوكو محلولة

ياأخوانا هوى يافاكهة المجادعات أكتبوا كلام رصين بعدين فى إستفتاء مفتوح عن أجمل مجادعة وأفضل من يكتب فى المجادعات وأجمل قصيدة فى المنتدى أوزنوا النضم

يا خوانا كدي في شعركم فجو لي شوية *** أنا باقي أخش معاكم وعاقد النية

نحن ناس الحتانة ناس كرم والفينا محرية *** وناس حارة نفزع الغرقانة في الشنقية




[ color=red] ( تعريف الشنقية هي جزيرة فيها اراضينا)[/color]

ياعبده المحاولة دى مكتوبة فى مكان اخر من المنتدى
وقلت احسن تكون بى جاى .

الكلام الفصيح مو محتاجلو لكراسة
والحديث السمح والزين مو دايرلو دراسة
والبحر الغريق بترسوهو بلا غواصة...
اقيف يا زول ...........
اسمع حديثا عابق فايح عطر كلماتو
نحنا السم النجوع كم شتت قبايلا جاتو
نحنا الرعد الضرب الصعيد وشرقت مطراتو
اهل الكرم والجود وقت الضيق يمد جنحاتو
ويا الحتانة حبك فى القلوب كم غرس ونبتت شوكاتو..........

يا ود الخال الليلة الشباب وين راحو
خلو البلد الوريفة ضربو البنادر تاهو
راقدين قفا رايق دمهم نامو وارتاحو
خلوك يا الحتانة ذى المريض كاوياهو جراحو

اه يا البلد.. يا البى فراقك الجوف انهرد
هداها السموم والروم خراب راقد لبد لبد
فقدنا العشم خلاص قطعنا الرجعة للابد

حالفين برب الكعبة الا نعيدو نشيدا
ويارب ياكريم اكرمنا فى تشييدا
ترجع تعود اياما حلوه جديدا
وانا في رجا الباقين نعيد للبلد الجميلة افراحا وعيدا

عبد العزيز الدراش كتب:

يا ناس هوي خلاص استوب كفي ..

وكدي صلوا وسلموا علي الحبيب المصطفي..

وخليكم زي اخونا معتصم محمد مصطفي ....

زولاً رزين ما بحب المزاح وكتر الكلام والسفسفه...

شيخاً ود شيوخاً عزاز سلاسة ابونا الشيخ مصطفي ...

إلهي صلى على النبى المافى زول بسواهو

يا ود الشيخ محمد ليك منى السلام تلقاهو

ود دراش زهجان هناك فى البلد البعيدة براهو

معذور أخوك يا عبده الغربة حارقة حشاهو