مجادعات دار جعل

بعد غيبة طويلة نعود إلى أرض المجادعات ..

و قد سمعنا أن بعض الأعضاء صاروا يجادعون فى منتديات " دار جعل " .. فنقول لهم قول الشاعر:

من يك ذا فضل فيبخل بفضله على قومه ، يـُستغن عنه و يـُذمم

و من يجعل المعروف فى غير أهله، يكن حمده ذماً عليه و يندم


و أنا أقول لهم :

واللة نحن الدرب ماسكنوا عديل لية ما بنفارق
غيابنا من المنتدة يوم دهر علينا فارق
بى ناخدلنا خفسة لى غادى بنعكس وجة الحتانة الشارق
نحن اهل حارة مابتلقة فينا فد نفر لى ايدهو فارق
نحن اهل حارة يامجدى اسود معارك

عبده محمد أحمد المسلمابى كتب:

سراج الدين عثمان محمدين كتب:

البيت الكبير بي أ ماتنا كان يجمعنا

اصبح خا لي لي زمن الحزن رجعنا

وكت نغشاهو نطرق بابو مين يسمعنا

اه ياخله فراق سكانو جد اوجعنا

البيت الكبير ياعمى كان مرتعنا

ياما شبعنا فيه محنة وياما رضعنا

00000000000000000000
حليل عماروا الليلة مين بسمعنا
بعد الولف ياخلة جار القدر فجعنا

[b]

00000000000

الليله الفريق ياخله دمعتو سايله

ياحليل بنات السيد والبشير كبير العايله

غداره ام قدود مخلوقه من فوق مايله

فارقوها احبابنا يادنيا اصلك زايله

[b] يأخوانا العجوز الليله وين إندسه

إنشاء الله مايكون مريض او كمان في نكسه

مالك ياعجوز حـازه فيك الخمسه

والله الكُبر خشاك مستني ليلك يمسي

[b] وينك ياعجوز ووين بيوت اشعارك

جاتك الشيخوخه وإتْبلدت افكارك

نِم ياعجوز قُبال تموت انوارك

ياشيخنا العمر جاري وتاني مابدْارك

المجادعات دى المنفذ للمنتدى عشان كده بنرمى فيها احزانا وافراحنا


نبكيك النحيب بالدموع دم البقول اه واحى
كوراك نتح فى الحلة جاب القريب الفى الخلا والصى
اااه .........
يا فرح الحلة نور الحلة وشمس الحلة الشاله الغى
بعد نسينا رجعنا بدينا جرحا نازف بالقديم فى اللحم الحى
مسخت الحلة وجية الحلة وحتى القمرى بقينا نشوفو حدى

[b] قست علينا الدنيا وزادنا الزمن اوجاع

راكبين امواج احزان ما عرفنا ليها شراع

غداره العبوس ما لينا فيها متاع

شلعت حِلتنا ولي امر الكريم ننصاع

الهزاني من جوّاي وجنن فكري
بنوتاً متل فلق الصباح البدري
سارب من ضحاي لي ليلي لامن فجري
شاكي الفرقة والصد المضيّق صدري
قسّام الصبر انجدني ضايع صبري

أبو عثمان اخوى انا داير اقولك قول
اصلو الدنيا زايلة وما بتدوم لى زول
والايام بتجرى الحول يسك الحول
زى رمشة عيونك بس تقول مس كول

أبوعثمان اصيل الساس وحالى لسان
معطر من جروف اهله وسفوح قيزان
فى رتب المعانى ماخد النيشان
وبحرك فى الكرم فى موسم الفيضان
__________________________________
أبو عثمان الاصيل والجوهر المكنون
كل مااشوف حروفك القى فيها فنون
ليك سلامى مرسل من اقاصى الكون
ياخير الرجال قلبك نضيف وحنون

اظهر ياعجوز اعمل شويه هِمه

جادع بالحروف جيب الشعر والنمه

بيت القصيد ياعجوز الليله باقي ضُلُمه

حرك لي مشاعرك ماتبقي زولا رِمه