مجادعات دار جعل

يا حليل البلد الكنّا من عُمّارها
لاغُل لا حسد كانت قلوبنا عذارى

ما بنعرف نشتهى فطورنا بى كُرّارة

بنربى الغنم راحلتنا باقية حمارة

كــعب ريد الصغيرة الجاهلة
ان جاك في الكبر بضيق عليك الماهلة
الزول في المشيب يسعالو شيتاً ساهلة

مايبرى الصعاب فيها المخاطـر باهلة

ياحليل البلد يانادية وين سمارها

وقتى الكت صغير ببرى الفصوص زمبارا

ويوم الرحمتات نلف من رابحة لى عن جارة

وفى العيد الكبير شية ومعاها مرارة

يا حليلي انا الما ركبت لي حماره

لا بعرف الكُرّاراه و لا يوم بريت زمباره

عزوني يالاخوان ضيعت عمري خساره

مرحبا ابن اخي حزيفه حليتك حقيقه ود اخوى حزيفه حليل عمرك الراح ما بت يوم فى زيفه حليلك حليلك ما اكلت يوم النيفه ماشفته ليك سمبر واقف قصا د القيفه ما شركته يوم للقمرى فوق تقى العشريفه ماضا ق لسانك حمبك او شفتا ليك عليفه لو عاوز معنى الكلما ت زور الحتانه وريفه

ياحليلنا نحن الما سافرنا لامريكا بالطيارة ...
لاجانا لوتري ...و لا قبضنا لينا دولارة ...

والله يا أبو سليمان اولاد عثمان ديل حيرونا عديييييييل ماعارفين عثمان محمدين دا كان شاعر
والجماعه ديل قاموا ورثوه واللا شنو .

ياحزيفه مابراك العاوز ليك كراسه في الكلاكله هناك طلعت معا ك دبا سه عازه بت الشايقى ما عارفه لامعراكه لادراسه ما عارفه السعف بيعملو مكناسة و لابتعرف السنسنه و لاحرف قراصه

والله ياناجي أنا من قبيل بفكر اجيب لي حاجة اجاريهم بيها
ما جاتني الا البيتين الكتبتهم ديل ...لكن انت مالك ...والله نادية شالت حقك

عزززززززززززززززززززززززة بتقول ليك نحن اولاد ام رقيقة والتقلية ...نحن بنشرب السورج والبقنية ....وشلنا الدلو في العصرية ....وطلعنا الحننة والمزموم وامبور مع المغربية ....

الظاهر الحكاية دى يا ابو سليمان (البكور) نصيبهم فيها بسيط الا مجتبى .

ديل عمراب ما بعرفو الشعر من قامو ا ديل لي الله في التكروبه صلو وصا موا ديل الشيوخ في الله مابتلامو ا ديل اولاد عمر ابسبيب قداموا نحن الشعر خلونا من خدامو

فعلا ً يا خال نحن عمراب وناس مصلايه واسأل حسن ود خالك من اللوح والتقروبه والمحايه
والحمد لى الله طمعنا فى الدنيا بسيط نشيلو فى المخلايه ولبسنا ياهو المبرقع وواصلين للنهايه

والله ياناجي دا فعلا شعر بكور
لكن بنخوض معاهم بحور وما بنقيف في الخور

أنا كان كدي بدور قاموس
عاشق الحتانه تعال ادينا دروس
شوف الزول بيجاي مكبوس
قايل أمريكا ملانه فلوس
ماك شايف حال المتعوس
كلام سوداااني عليهو يكوس

يازمرة هوى أستوب كفاية عواسة

الشعر النضيف مابدورلوأصلو كواسة

زى تلب بجيك مو محتاجلو لى غواصة

أسألو بس سراج بديكم الكراسة

جنس القلتوا ده بحتاجلو لى كناسة

حبيت صغير وريد الجهل ياحليلو

قوز أمونة داك مشتاق أكوس لى شليلو

وكم فى الخط نقيف ياعمى ماك طاريلو

الرمة والحراسة شديت أخوك دليلو

لو بتعرفي جد ياعزة . اعملي ليك ملاح لايوق من أم تكشوا...
لو بتعرفي ياعزة . عرفي لينا شغل الروب . وشن ماعونوا.. وكيف خشوا...
فسري لي كلام شفعنا .. لما يقولوا ليك طقشو ...
عرفي لي كدمبسنا.. وقاطوع بيتنا بي هتشوا ...
تقولي طلعتي فوق امبور.. ؟ قوز امونة توحلوا فوقوا ما تمشوا...
نسوان الحلة بدلن.. بيجي اللصيق مع التيبان.. دحين بتعرفي كيف حشوا؟...
دحين زاااتة شن معناها..؟ اوعة تقولي ياعزة دلع لي هيثم او بشوا...
هووووي ياعزة ما تناقري.. بتعرفي تشطفي سليمان بدون صابونة في طشوا ؟...
تقولي شربتي بقنية..؟ ديل ياعزة ضحكوا عليك بي موية بحر عكرانة ليك غشوا...
زرعي ليك زريعة.. كركعي ليك كوز بقنية.. من حلتنا بتطشوا ...
بتعرفي تقعدي في المحراكة.. ؟ تطحني ليك عيش آبري.. بتورينا كيف درشوا؟ ...
بتعرفي تنجدي اللحفات.. ؟ وكيف القطن بندق.. ؟ وكيف نفشوا ؟...
بتعرفي تعوسي بالطايوق.. ؟ صاج اماتنا لما يولع زيك انتي مابهبشوا...
هووووي يابنية ما تناقري.. امسكي وليدك الساسوية ماتخرشوا ...
امشي اتعلمي الكلمات.. اسعيلك غنم حاحيهن وادي البهم قشوا...

لاحصل دقيت النبق سمسم ... بعد مرقنو الغنّام

ولا حصل لميت بعر الحمار ... سويتو عبد التام

و للبربور خصيم حرّم... أكان بحمي الجماعه تنام

لكن ونسه القوز... والمشيه لي قدام

والسيره والبنوت ... واللوري لمن قام

أسأل نزار يحكيك ... عن تلكم الايام

أمس أتصل على ذو الفقار الأمين وكنت مواعدو أمشي ليه ولم أفعل فأرسلت له رسالة قلت ليه

يالزين أخوى صعبت على الجية

ماتقول نسيت والله خاتى النية

أنت عارف ريدتى ليكم والبينا ماها شوية

كل ماأقول أجيك زاملتى تحرن بيا

وقلت ليه أيضاً :
يالزين أخوى ماشفت الحالة كيف بقت بطالة

لو كان زى زمان ماكان تجيك رسالة

كان تلقانى جنبك ومابرضى قولة لالا

وأنا كان بعدت كأنى فى ملالة

قام رد على قال:
النيه قالو واصله

قبلت العذر وقدرت الحالة الحاصلة

إن شاء الله ترضى الزاملة الزيارة تبقى متواصلة

أرواحنا واحدة إيدينا كيف تكون متناصلة

قمت قلت ليه :
اليوم فى المنام زارنى طيف من حبى

زى برقاً لمع قال للنجوم إتخبى

بالله يالأصحاب ورونى بس إيه ذنبى

ياريت زمانى يحن محبوبى يصبح جنبى

قام قال :
أسبابى الجدى الوسط أماتو متخبى

قالن لى لالا حرمن قربى

يانارفراقو فى الضلع شبى

مادام بقت الحسرة ذادى وشربى

قمت قلت ليه:
زى الصيد قدل فى الدايرة وسط أخواتو

شال نورن طفا ده الزول شبيه أماتو

يميل قلبى الرهيف إن مال على جنباتو

حاكى البانة طول والحكمة فى عويناتو

قام قال :
ماشفت ياعبده الزول الظريف

عايش فى بهاه فى ظلن وريف

كامل الذوق فات حد التوصيف

ده إن شق البطانة محلا يبقى خريف

قمت قلت ليه:
يالزين أخوى ماشفت حد لى وصفو

ده الزول الظريف قتل القلب ظرفو

إحساسو الرهيف جرح الفؤاد رهفو

عينى إن عاينت قلوبنا يترجفو

قام قال :
ياعبده أخوى شوف الظبى كيفن وقلن

قلوبنا الشافنهن بهواهن إتملن

ماهماهن حربن على أعلنن

كملن صبرنا وفهمنا يمين كملن

قمت قلت ليه:
حبيت صغير وريد الجهل ياحليلو

ومن زمناً بعيد فى قلبى يوت طاريلو

زى صيد الخلا يتهادى أو زى ريلو

وزى نجم السما الحيران بكونلو دليلو

قام قال:
ياعبده أخوى الحال العلى ماك عارفو

يومياً عينى لى شوفتو يرفو

مابقدر أبوح بى إسمو مابقدر إجيب حرفو

أمانى فى الحياة مانى عارف ظرفو



وشكراً كانت مبادلة رسايل بالهاتف وبس

ياخالنا الهميم :

أم العيال تلهج كتير بى ذكرك

أشكر كيف فعايلك قول لى أعصر فكرك

رضيانين يمين فوق راسنا أخلف حكرك

المولى الكريم مايجيبولى يوم شكرك

وقلت أيضاً :

طبعك أصلو زين والكل بعرفوا فعالك

تنفق باليمين المابتعرفو شمالك

سائل ربى الكريم فى الدنيا يكتر مالك

لا تضوق الفقر لا يوم يهموا عيالك

وفى يوم المعاد المولى يستر حالك

هووووي ياعجووز اتلم 000 كلامك بشوفو حقا ره

احسن ليك تفوت دربي 0000 قبا ل تجيكا شراره

اتمعن حروفي شديييد 000مادام في العيون نظاره

باكر قسم بالله 0000 بتجينا بي دفا ره