كلام ســــــاكت

كلام مظبوط يا مجدى.

المسألة صدق وسلوك وتربية سواء لسائق الاسعاف ام للعربات المالية وقافلة الشارع.
ودى معظمها انعدمت مننا خاصة فى السنين الاخيرة.

بقت فى كتير من السلوكيات السالبة.والملاحظة فى الشوارع وفى المجتمعات.

اقتباس :

اي زول في الدنيا دي عندو اهتماماتو والحاجات البيلاحظها اكتر من غيرو يعني لو في طبق فضائي تلقي اخونا سراج انتبه ليهو اكتر من اي زول تاني واو في لوحة اعلانات او دعاية ممكن ايمن يلاحظ ليها ويتمعنها اكتر مننا وهكذا .

كلامو ده بذكرنى بى واحد مولانا .. إمام الجامع حقنا .. الظاهر زمان كان شغال سواق ..

فكلما يدينا درس يجيب لينا كلمات و أمثلة من البورى و إنت ماشى .. مثل " أداها ترس تقيل " و " نفـّـس لساتكو الأربعة و الإسبير " " جرّاليهو نور " و أمثال كثيرة الواحد ما بيستحضرها الآن ..

و تصديقاً لكلام هيثم أحكى ليكم هذه القصة التى حدثت فى اليوم الثامن من الإسبوع الأول من السنة البعد الجايه ..

دخل واحد يبدو إنو مفلس شويه إلى مطعم أخونا الصادق " افوال أبو منهل " و سرق ليهو رغيفتين من طربيزة واحد من الزبائن .. و لكن لسوء حظه كان المكان مزدحم فلم يستطع الهرب .. حيث أمسك به الأخ جعفر ود العطا .. و فى دقائق إتلموا عليهو أولاد الحتانه فيليدش .. فأخذ جعفر يضربه و يقول له " عامل شيبك الكتير ده تقول شغال فى طاحونة " .

فجاء مدثر بدرالدين و قال يا أخوانا " الزول ده شبكتو طاشه " ده زول مجنون أنا بعرفو ..

فأراد اللص أن يرجع لهم رغيفة واحده مدعياً أن الرغيفة الثانية حقتو .. فقال له ياسر إنت وكت شايل ليك رغيفة بتسرق مالك ما تأكلها و خلاص و قال له ياخ " جراده فى الكف ولا ألف طائرة " .. و جاء فتيح عبدالرحيم من مدرسته و قال له يازول " مالك و مال القراية أم دق " .. فتدخل عبده الذى جاء من مكتبته بالصحافة و قال هذا " كالحمار يحمل أسفارا " لا ينفع فيه النصح ..

عندها حن عليه الصادق و قال لهم سيبوهو يمشى " الجوع كافر " ..فتدخل دقلاش و قال لهم " إلا يقول الروب ".

ـــــــــــــــــــــــــــــــــــــــــــــــ

أحمد عمر نمر قال مافى أحلى من اللوبة العفنة .

معتصم سألوهو إثنين زايد خمسه كم ؟ قال سبعة رغيفات .

ياسر ضرب ليهو واحد عشان يحجز فى الخطوط السودانيه .. ياسرسألو ذهاب و إياب ؟ .. قال لى ياسر :لا خروج المهزوم . ( طبعاً دى أيمن ما بفهمها لكن ممكن تفهمها إيناس )

سألو سراج سورتك المحببه شنو ؟ .. قال سورة الإنشقاق . تعرفو ليه ؟ عشان فيها " لتركبـُن طبقاً عن طبق "



[/right]

عمى بهنس ده الظاهر عليه إتأثر بالمساطيل الكتار الشغال يحكى لينا عنهم لكن مالك مابرمجت أيمن مع الجماعة الدقوا الحرامى وعبدالعظيم أظنواكسرلو فيه ضلعة وناجى مالو ماجاء ساقوا ووداهو لى هيثم عشان يكشف عليه ويطلعلوا أورنيك تمانية من نزار

هههههههههههه والله شكلة

ومن الحتانة سلااااااااااااااااااااااااام

والله صحي كلام ساااااااااااكت ..
بالمناسبة انت يا هيثم كان تسميهو كلاااااااااااااام مجدي . كده بيكون أوضح .