لماذا لم يشتركن في المنتدى حتى الآن ؟؟؟؟؟

العنصر النسوى ضعيف للغاية . هذا إستفسار من عائلة العم ((خليل عثمان احمد النعيمه واولاده وبناته )) .
ليه النسوان ما إشتركوا في هذا المنتدى بصراحة هذا سؤال مهم نحن دايرين نشوف البيمنع شنو ؟؟ المنتدى مفتوح للجميع وكل إنسان مفروض يشارك . إنشاء الله بدعوة لعمل خير أو بتبليغ آية عن رسولنا الكريم ((بلغوا عني ولو آية ))
أي زول في الدنيا لديه فهم ورأي نحن دايرين نشوف فهم الناس شنو . والزول الماعندو شجاعة أدبية عشان يتكلم قدام الناس ممكن يعبر عن أفكاروا داخل المنتدى .
عموماً هذا المنتدى بمثابة (اللمة الأسرية) ويكفينا بعداً وشتاتاً ..
أي انسان يحس بإنو ممكن يقدم حاجة لأهلو فليتفضل .

أبداً يا أيمن .. المشكلة ما مشكلة شجاعة أدبية
ولكن في إعتقادي (والله أعلم) إنو شابات الحتانة شايفين المنتدى كلو رجال .. والعنصر النسائي يكاد ينعدم (عدا العضو النشط نادية حسن عمر) ..عشان كده ممكن يكون في نوع من الحياء
عشان كده أنا بقترح إنو يكون هناك باب في المنتدى بإسم (حواء الحتانة) ولا يشترط أن يكون التعليق فيهو حكراً على النساء ولكن ممكن الرجال أيضاً يدخلو فيهو ويكتبو ويشاركو
ولكن حتى تشعر بنت الحتانة إنو هناك مكان مخصص لها وتدخل بعين قوية وتكتب الموضوع الهي عايزاهو وتحس إنو المكان ده مخصص ليها وحقها .. بعد داك يمكن أن يشاركن
وعايزين نسمع رأيهن

وبالمناسبة دي يا أيمن بنشكر العم خليل عثمان أو كما يحلو للبعض أن يسميه (فاكهة النعيماب) .. ونتمنى أن نرى مساهماته الثرة في هذا المنتدى
وكما سأل الأخ ياسر من قبل .. فاقدين النعيماب في المنتدى .. غايتو رشاد عمل لينا (ياأك) كده ومش .. ظهر مرة واحدة وإختفى
نتمنى مشاركة جميع الأهل

سلام ياايمن. والله القصه ماانو انحنا ماعايزين نشارك ولاعدم شجاعه ادبيه بس الموضوع كلو عدم تواجدنا في النت لفترات طويله وكمان انا شخصيا كمبيوتري في البيت خسران واوعدك اول مايتصلح حاشارك علي طول وانشاالله حااحاول اقنع البنات انو يشتركوا ويساهموا

السلام عليكم ورحمةالله وبركاته.
الموضوع زي ماقالت نازك ماموضوع شجاعةادبية؛بس بالاضافةلعدم توفرالنت،عدم وجودزمن كافي الافي العطلات الرسمية.
وانابأييد اقتراح التواجد يوم الخميس المساء

نورتي المنتدي يا دكتورة ( نوسه ) وانا اقول الليله مالو المنتدي دي يجهر كدي اتاري انت المنوراه .