قصيدة لأمي العزيزه حاجه البكري

عدد المساهمات : 21 تاريخ التسجيل : 14/04/2009

حاجـــّــــــــــه

بالحاء حنينه حنيـــّه ... تزيد و تكفي كـــــــم مليـــــون

بالألف أم لكل الناس ... ليها قليب رهيف و حنــــــــون

تساعد في خلايق الله ... و عليها العشره ما بتهـــــــون

بابها الماإٍنقفل لي زول ... تتديّن تحلحل كربه المديــون

براك ربيتي كم اجيال ... ندهتي المولي ليــكي يعــــون

واصلو المولي ما بِخذل ... حُنان زيّك قُلال في الكـــون

وبالجيم جامعه احلي صفات ... وليكي المولي يحفظ يصون

و بالهاء هديـــه من عندو ... جابك لينــــا رب الكـــــون

و لولاك انتي ياحاجــــه ... انا ماكنت ممـــــكن أكـــون

و لو كان ممكن أقدر أشيل ... عيوني وتبقي ليكي عيون

ما كان ثانيــــــــه أتأخر ... عشانِك إنتي عمري يهـــون

حذيفه 21/5/2007

يمكن كتير من المشاركين لا يعرفون حاجة (جده حذيفة وإشقائه)لكن نحنا العاشرناها مابشبه إلا زى إتنين حبوبة جارة وحورية بت إبراهيم والله يحفظها ليكم حذيفة (آمين )

ربنا يحفظها من كل شر .. و يمد فى عمرها ... آمين

كلمات جميلة و معبرة .. و الله شوقتونا لمعرفة حاجة عن حاجّه

بالله أحكوا لينا شوية عن سيرتها

تصدق يامجدى دى العندها ماحقها لابد تفتش للتقسم ليه وعندهم حادثة غريبة جد قسمو بيتهم هى وزوجها لصاحبه و أدى صاحبه الجزء الناصية العلى الظلط دى حاجات أنا شفتها ويمكن هم يحكوعنها أحسن منى الله يحفظها أما حورية ياخى دى بتعوس طبق الكسرة عشان توزعو للجيران لحدى مابعضهم قال دى مرة مسكينة هم المساكين اما حبوبة جارة الله يرحمها إنت عارفها

» قصيدة الشاعر ذوالفغار الامين
» قصيدة في القدس
» قصيدة مجودة
» قصيدة خايفه
» قصيدة تحوي كل سور القرآن الكريم