خايفه
خايفه قالت إني إمكن ليها يوم ...
أبقي قاسي وانسي للريد واخذلا
وإني أسرح بي خيالا مع النجوم ...
وإني لي اخر الطريق ما أوصِّلا
قالت لي بس لو تبقي واضح وما كتوم ...
قلت ليها حبِّك لي رويحتي مبهدلا
خايفه قالت إني ما أقدر و اقيف ...
واتحدَّي كل الكان بمتونا بي صله
خايفه ليه ماريدك إنتي زي الخريف ...
زي سيل عنيف امواجو في اعلا العلا
انا حُبي ليك راقي وعفيف ...
ما حُب روايه إتمثلت في مسلسله
ساكن هواك اعمق مكان ...
يمشي و يسيل حتي الضلوع إتخللا
ياغاليه لو انساهو ريدك بنتهي ...
تصبِّح خراب الدنيا لي تصبح خلا
شيليهو خوفك من قليبك إنتي بس ...
وإتذكّري الجنه البنحلم ندخلا
حذيفه 2007©
الرئيسية 
أحدث الصور 
التسجيل 
دخول 
موضوع: قصيدة خايفه 
الأربعاء أبريل 15, 2009 12:23 am
