يوميات مشوكش

صباح الخير لكل الناس الزينين
صباح الخير وانشالله يومكم يكون بدا بدايه جميله مازي بداية يومي انا بقدر ماكانت جميله كانت بتطلع الروح
من جوه وتقيف في حلقك لا تبقي قادر تموت ولا تبقي قادر ترجعا وتحس انو دموع الدنيا كلها ماكفايه والظاهر انها
هي زاتها بتبقي عارفه كده وتبقي واقفه وده البعزب اكتر يعني لا روح بتطلع لا دموع تنزل شوفتو حالة عزاب اكتر من كده والجميل بكل غباء تحاول تقنع نفسك ياعم بسيطه وكلو يهون وتسرق ابتسامه وتقوم جاري تحاول تلتخا في وشك باي طريقه قدر ماتحاول تلقاها ماجايه وماممكن وسريع تجي الحاجه المحزناني ( الشاكوش ) دي وتخطفا مني , ياخي طيب خليها لي هي
زاتها الابتسامه دي ماجايه معاي خليني ساي اغش نفسي بيها , تقول لي لا لازم تبقي قوي وتواجه قدرك ( العملتو بايدك يغلب اجاويدك ) وتنسي ياخ الناس كلها بتنسي اكيد حتنسي بس انت حاول .. اعمل شنو لازم احاول اقنع نفسي بكده وامشي وانا اصلن كرعيني ماشايلني واقول انشاالله اقع ولا تجيني اي مصيبة زمان بس اهو مافي حاجه بتحصل وارجع واواصل يومي وانا كل عزم واصرار اني حنسي وحعيش طبيعي ( بس المشكله في انو الواحد عايز انس ده هو زاتو البخليهو ماينسي ومفنقل عيونو الليل كلو وحاجات كتيره تبكي وتضحك ) ماعلينا المهم انو الواحد بحلم يبقي احسن شويه اصلو الشاكوش ده حاجه مقرفه وببقي لاصق فيك ماتقدر تتحلي منو .. حمانا الله واياكم من نقمة الشواكيش وبلاويها ..

يا بريابي يا مشكوش ( ده اذ كنت انت ) صاحب القصة اعلاها ؟؟؟ بيع من باعك .... واشتري من يشتريك ( فهمتها ولا) علي كل حال اتمني ان لا ياخذ اي شاب او شابة شاكوش وعشان ما ياخدوا الشواكيش لابد من تنظيم المسالة تنظيم دقيق وواضح .. اعني تنظيم العلاقة بين الشاب والشابة .. ودمتم بدون شواكيش مع تحياتي ,,,,