خمسة ماأحلاها

عدد المساهمات : 14 تاريخ التسجيل : 12/07/2009

خمسة ماأحلاها
ماذا جرى
فى المقبرة
ماأصلكم من زمان ماشين لى وراء
مازنبى الليلة لى قليبكم هرى
والله سمحة المقدرة
٭٭٭٭٭٭٭٭
مازنبى خمسة حارة ماذنبى
دفنونى فى الحفرتو بى يدى
وين الكاس طفش من جنبى
إنهدم العشم البى الوهم مبنى
يلا يانخلتنا خمسة صبايط أرمى
٭٭٭٭٭٭٭٭
سيد اللبن الليلة كيف أمسى
مريض فوقوا الخلوق منكبسة
مالسبب ياأصحاب الوجوه العابسة
قالوا مجلودين جلدة بى الخمسة
طرنا بى شرف والله حارة عليكم الرفسة
٭٭٭٭٭٭٭٭
كأس العالم من اليابان لى دبى
شوف إعلامن الغبى
كيفن الزول بمشى قبل مايحبى
يلا يابقرتنا خمسة تمن أحلبى
لبن مازنبى طاعم ياهلا بى
٭٭٭٭٭٭٭٭
وين ساحركم كامبوس
راحت منو وسط الكدمبس
إنقلب السحر على الساحر بقى يكوس
وسط المقبرة عشان يلقالو دبوس
ياأهلة الخمسة حقيقة والله كابوس
٭٭٭٭٭٭٭٭
وزعتوا الحلاوة وشلتوا التابوت
نحنا بالخمسة كمان سوينا الفوت
الليلة الصفوة مزاجا مظبوط
ياحليل الصفراب كل التجيهوا تلقى مكفوت
دى خمسة أقوان والله خمسة سوط
٭٭٭٭٭٭٭٭
البلد بى زعيما تحمد ربها
الكاسات المحمولة بنعرف دربها
إنجازات وإعجازات نفتخربها
الصفوة من الزلال شربها
ناس الخنسة الله يفرج كربها

5/ 10 /2009

» خمسة حقائق علمية و عملية
» أغبى خمسة أسئلة في العالم
» خمسة وخميسة .... احتمالات صعود الهلال للنهائى