لو بتقرف ما تقرأ... أو شيل معاك ليمون

قصة ظريفه أرسلها لى أحد الخوان .. حابب اشاركم فى قرايتها

.... مرة والدنيا اول ايام عيد الضحية ... كراكة و المجموعة اياها قاعدين تحت شجرة عمك ( عوض ) وخاتين جردل شربوت وشوال سعوط وهاك يا سفسفة وقرقراب ... ياخي ديل برسلوا شفع الحلة عشان يجيبوا ليهم من بيوت الحلة اللحم : امشي لي خالتي امونة خليها تديك شية ولي خالتك نفيسة خليها تديك سرويس بتاع لحمة صاج ... وست الجيل جيب منها المرارة ... وعليك الله لقط من الضباحين ابو الدمام وتبلو وخلي حاجة مريم تنجضو ... عاملة بناتا النجاضات ديك
... وديل مالين شوال فحم فاضي مالينو بالريسين ( النيفة ) لمواجهة الجوع ما بعد العيد !!! انعل ابو الدناوة زاتو ..
ياخي ديل جايبين كرتونة بتاعة اندروس عشان يهضموا ويلهطوا تاني ... و ده بخلاف العطرون ..
انتوا كان ما بتشبعوا حنكم ده ما بوجعكم ..
.. اها كراكة شادي ليك الشربوت قبل العيد باسبوع دافنو جنب بيت( الغنم ) - عشقو الابدي – ادفع نص عمري واعرف شنو سر العلاقة الازلية دي ..
المهم الشربوت بقي يفور زي موية النار ،،، وعلي العلي البعر بقاو معتق زيادة وانت بتشرب كدة يجيك احساس انو في عتود جوة الكوز ...
بعد شوية الشغلة جابت ليها كوشتينة ... وغلاط ... وكواريك ... ياخي في ناس تلعب قمار في العيد ..
يعني لو جابتك الظروف جنب الشجرة اياها ممكن تقول ده سوق عكاظ !! من ريحة الخمر والميسر و الازلام ... والثرثرة وشعر كراكة العجيب داك .
بعد شوية الشربوت عمل مفعولو وربط ... وبدات تظهر حاجات عجيبة كدة ..
قنديلة اقترح علي الشباب لعبة وقال هو شافا في الفيلم بتاع ( تايتنك ) و انو روز ودي كابريو كانوا بتفوا و عاملين سبق سبق بالبزاغ !! وانا بقترح نعمل زيهم ...
السالوف قال : ليوناردو دي كابريو بيعمل كدة كراكة مفروض يمووووت عديل كدة ..
اها قالوا يجربوا اللعبة ويشوفوا صاحب ابعد نخامة منو ..
والجايزة جك شربوت + صحن كمونية .

.. الجفير فكا لي واحدة اصابت حجة بتول في عينها اليسري .. المراة تلاتة ايام ما بتشوف ... خبثاء الحي قالوا دي انفلونزا الطيور ،،، اليساريين قالوا ديل الكيزان
أهلا قالوا عملوا ليها عمل في جناح صقر ..
... طبعا كراكة فاز بالمرتبة الاولي بجدارة ... ياخي ده جرا ليك واحدة من لغاليغو لمن جاتو قطيعة واضنينو طقطقوا
وجاو إشقدي في رقبتو ،،، والصابونتين بتاعين ركبو جوا في بطنو !! الزول ده نشن ليك علي طيرة كانت راكة في سلك التلفون جابا ليك الواطة والطيرة زي ضربوها بي لغم !! وردلوب جات ناشفة !! و الشارع كلو وقف ،، والشفع يكوركوا ،،، وكراكة ينطط سعيد بالنصر المؤزر ،، وصحن الكمونية وجك الشربوت ،، وبقي زي لعيبة الكورة يتزحلق في الواطة ،،، وحاول يقلب هوبة ،،،وقع علي حنكو .
بس عمك ( عوض ) بالجوطة خلاص غلبو النوم وهو يمني نفسو بي غفوة ،،،قام شال ليك جردل البلاعة و بالحيطة كشحو ليك في الشباب ،،، وجاهم برة لقاهم عاملن زي الواطة ،،،( سنة وعفنة ) ... ياخي ما كرهتونا الحياة ... وكرهتونا العيد زاتو ،،، ده بار !! حميتونا الراحة والنوم ،،، طيروا ياخ من هنا ،، وسيدنا ابراهيم لو عارفكم بتعملوا كدة كان عملوا مرطبات
حاشية : انا شايل هم الطيرة المسكينة ديك !! لمن تعرف الكتلا شنو !! ح تصدق انو ده ما ويليام تيل !! وح تقول شنو عن كراكة ..
... كراكة : ظل يعاني من تمزق في عضلات الصدر لمدة اسبوع مع تمزق الرباط الصليبي وتهتك في الحبال الصوتية وقطيعة مزمنة ( من العملة اياها ) .

والله جنس ده نحنا ماشفنا دى إلا تكون شلتكم يا العاشق أوعى يكون عشقك عشان مشتاق للزمن المهبب داك والله غايتو الحكاوى دى ما سمعنا بيها أصلو ده أنا قرايتها ساكت عملت لى أم هلة هلة وصداع للصباح لا نفع ليمون لا حلبة لا كمون وجبت الجردقة ذاتا ماسوت حاجة الله يجازيك

إيه رايك يا عبده أنا ما شربت الشربوت فى حياتى غير مرة واحده .. و كان شربوت صناعة يوم واحد فقط . يعنى ما كان مدفون جنب بيت الغنم .... بعدين أنا حذرتكم إنو البقرف ما يقرأ . كان تشيل ليمونه بى يمينك وتدخل بى شمالك .. و كل قريه معاها لحسه ... إنشا الله الباقين يكونو عملو حسابم .ـ

عايك ربك غير الموضوع ده مالقيت . وانا استحلفك بالله ان ترسل لنا موضوع غيره تكون الفائدة بتاعتوا كبيرة
لو بتعز الحليفة .

مع خالص شكرى

والله المواضيع وتنوعها بتدى المنتدى نكهة لكن والله ماعرفتك ياعاشق الحتانة

لك التحيةً أخى عبده ،،طبعاً كلنا عشاق للحتانة لكن لو داير تعرفنى أرجع لموضوع محمد بخيت ( إرشادات )ـ

وطبعاً يا حسن نحن يادوب إبتدينا و إنشا الله لو فى حاجه مفيده ما ح نبخل بيها

لكن رايك شنو يا حسن أسع نفتح باب الغلاط و الذكريات اللذيذة .. و أكيد كل واحد فيكم بتذكر بعض الحكاوى و المغالطات الحصلت .. و ذى ما إنت عارف إنو أكتر ناس غالاطين هم أولاد الحتانة ( البنات ما بعرفن غايتو ) و بالذات آل .......... (طبعاً فهمتها)ـ

قبل كده بتذكر إتغالطوا فى عدد عجلات نوع معين من العربات الكبيرة ( بى مقطورتها) لا أذكر إسمها . واحدين قالوا 60 وحدين قالوا 40 .. أنا شخصياً كنت مستغرب !! هل فى عربه فيها هذا العدد من اللساتك ؟ لكن سبحان الله حصل شئ عجيب . الحصل إنو نوع العربة البتغالطوا فيها جات ماشه جنبنا فى الظلط ... التقول زهجت من غلاطم !ـ

برضو بتذكر مرة قالوا إتغالطوا فى عدد أعمدة التلفونات الموجودة بين الخرطوم و الحتانة ( غايتو دى ما سبقم عليها زول ) .. ياخ الشركة الركبتها ذاتها ما بتكون عارفه عددها !!!ـ

أنا ما عارف مشكلتم مع الأعداد شنو !ـ

طبعاً أكيد فى حاجات تانيه كتيرة الواحد ما بستحضرها .. ياريت تتحفونا ببعض منها و بعض الذكريات القديمة الجميلة .ـ

عدد المساهمات : 78 تاريخ التسجيل : 10/03/2009

يخـــــس علــيك يا مقــــرف ما لقيت ليك غير القصة دي ؟ طمـمـتا بطنــا مرتيــن : مـره بالقصــه دي ومـره باللـــون الازرق الغامـــق الذي يثيـــر الغثيــان ( رغم علمك باني ما مريخابـــي بالتأكيـــد ) .
Laughing

هههههههههههههههههههههههههههههههههههههههههه

طيب يا هيثم ! ما كاتبين ليك بره لو بتقرف ماتخش
حب الاستطلاع ده لزومو شنو ؟

تحياتنا ليكم كلكم
لكن !

عاشق الحتانة ده ما عرفتو

عدد المساهمات : 78 تاريخ التسجيل : 10/03/2009

يا ود الصـــول دا حـب الاســتطلاع الكتـــل الكديســـــة ( رغـــم اننـــــــــي لا اعرف سبب المثــل )
وبالمناســـبة عاشـــق الحتانة دا واحد كده قـــال بيعشـــق الحتـــانة .
Laughing

curiosity ـ بالإنجليزى

بالعربى حب إستطلاع -

بالبلدى و الرشوشه : شمارات

معروف طبعاً يا هيثم إنو الكديسه عندها تسعة أرواح لكن كترة التِحِشر بتفقّده أرواحها دى روح بعد روح. لأنها بتحشر نفسها فى أى مكان و أى شق عشان تستكشف .. أو تكوس ليها مكان آمن تنوم فيه .. وبعض من شلاقتها دى بكون خطر جداً عليها .. لأنها مثلاً ممكن تصادف ليها كيبل بتاع كهربا ينشفها أو تدخل ليها فى حته يقفلوها وهى ما جايبه خبر تقوم تموت من الجوع و العطش .. ففى الحالات دى حب الإستطلاع ممكن يتسبب فى قتل الكديسه ... إنت ما قاعد تحضر توم وجيرى ؟؟

لكن حب الإستطلاع ما دايماً بكتل .. فالمثل بقول

curiosity kill the cat , but the knowledge brought it back

يعنى حب الإستطلاع كتل الكديس ، لكن المعرفة أعادت إليه حياته ... لأن هذا الكديس المستطلع إذا وجد ما يبحث عنه و أستكفى منه يكون مرق من الخطر و لا يفقد حياته ... ـ

فإياك و الشمارات التى لا تستفيد منها .. و أوع تبقى كديس

مشكووور يا ود الصول ... و الله مشتاقين عديل .. ـ

» معاك قلم ؟؟؟!!!
» لا تقرأ الفاتحة بسرعة أنظر لماذا؟