| ترحيب بمجاهد محمد أحمد عثمان | |
|
+9عاشق الحتانة مجتبى الزبير Ø ياسر سليمان عمر hytham الدحيش أيمن فضل الباري نادية حسن عمر hassan ata elmanan عبده محمد أحمد المسلمابى 13 مشترك |
|
كاتب الموضوع | رسالة |
---|
عبده محمد أحمد المسلمابى مشرف المنتدى العام
عدد المساهمات : 484 تاريخ التسجيل : 19/03/2009 العمر : 54
| موضوع: ترحيب بمجاهد محمد أحمد عثمان الأحد أبريل 12, 2009 5:54 pm | |
| مرحبتين حبابك مجاهد أخوى و البيت بيتك ومنتدانا نور والله يحفظ الكان سبب فى أن يجمعنا فى بيت واحد مع جميع معارفنا وأهلنا رغم تباعد المسافات | |
|
| |
hassan ata elmanan
عدد المساهمات : 208 تاريخ التسجيل : 12/03/2009 العمر : 51
| موضوع: رد: ترحيب بمجاهد محمد أحمد عثمان الأحد أبريل 12, 2009 6:03 pm | |
| مرحبا بمجاهد واخته وبن عمه مجتبى --حبابكم عشرة فى القرية الجميلة الحتانة | |
|
| |
نادية حسن عمر مشرفة قسم المناسبات
عدد المساهمات : 396 تاريخ التسجيل : 20/03/2009
| موضوع: رد: ترحيب بمجاهد محمد أحمد عثمان الأحد أبريل 12, 2009 6:28 pm | |
| حللتم اهلا ونزلتم سهلا ابناء الخال محمد احمد. و الله مشتاقين كثير. عاملين كيف.
والحمد لله على نعمة المنتدى الخلانا نتواصل و نعرف اخباركم ذى القاعدين وسطنا........ | |
|
| |
نادية حسن عمر مشرفة قسم المناسبات
عدد المساهمات : 396 تاريخ التسجيل : 20/03/2009
| موضوع: رد: ترحيب بمجاهد محمد أحمد عثمان الأحد أبريل 12, 2009 6:30 pm | |
| يا مجاهد وين حذيفة؟؟؟؟؟؟؟؟؟
ما ظاهر مالو ان شأ الله المانع خير...... | |
|
| |
أيمن فضل الباري المستشار الفني للمنتدى
عدد المساهمات : 186 تاريخ التسجيل : 16/03/2009 العمر : 44
| موضوع: رد: ترحيب بمجاهد محمد أحمد عثمان الأحد أبريل 12, 2009 7:49 pm | |
| الناس ديل منو انا ما عرفتهم ،، بس والله ألف مرحبتين بيهم ومنورين المنتدى | |
|
| |
الدحيش
عدد المساهمات : 498 تاريخ التسجيل : 08/04/2009
| موضوع: رد: ترحيب بمجاهد محمد أحمد عثمان الأحد أبريل 12, 2009 10:12 pm | |
| - أيمن فضل الباري كتب:
- الناس ديل منو انا ما عرفتهم ،، بس والله ألف مرحبتين بيهم ومنورين المنتدى
نفس الشعور يا أيمن .. لكن الحمد لله الذي جمعنا في هذا المنتدى لنعرف مجاهد وحذيفة ومجتبى .. ونتمنى أن نتعرف على المزيد من أهلنا .. عموماً ألف مرحبتين حبابك | |
|
| |
hytham
عدد المساهمات : 78 تاريخ التسجيل : 10/03/2009
| موضوع: رد: ترحيب بمجاهد محمد أحمد عثمان الأحد أبريل 12, 2009 10:25 pm | |
| انا والله كنت مســتـحي اقــول ما بعرف نص الناس الفي المنتدي دا.. لكن الحمد لله لقــيت نفســي ما براي .. عشان كده بقـتــرح اي زول ينــزل صورتــو في بروفايــلو لو امـكـن عشان نعرفــرو امكن نكون قابلنـاهو في مناسبة ولا حاجة كده .. ولا شنــو ؟ . . | |
|
| |
الدحيش
عدد المساهمات : 498 تاريخ التسجيل : 08/04/2009
| موضوع: رد: ترحيب بمجاهد محمد أحمد عثمان الأحد أبريل 12, 2009 10:55 pm | |
| أها يا هيثم .. أنا وافقت عملياً على الإقتراح ونزلت ليك صورتي في البروفايل كده شوف يمكن تكون لاقيتني في حته .. وللا حاجة ...!!!! تحياتي | |
|
| |
ياسر سليمان عمر مشرف قسم الصور و الاستشارات
عدد المساهمات : 181 تاريخ التسجيل : 08/03/2009 العمر : 55
| موضوع: رد: ترحيب بمجاهد محمد أحمد عثمان الإثنين أبريل 13, 2009 2:08 am | |
| ياجمااااااااااااااااااااااااااااااااااااااااااااعة ما ممكن ....... أولاد عوض دويح ديل بالذات أصلو مايقولو دا منو والله دا منو ....لانو الحمد لله المرجعية عندهم في البيت ويادكتور أفتح قائمة العضوية خمسة دقائق لأبوك .....تلقى كل الناس في المنتدى أهلا ليك .... نرحب بالأخوان أولاد محمد أحمد عثمان محمدين في المنتدى وبكل الطيور المهاجرة ...ونتمنى أن تعود لأعشاشها | |
|
| |
مجتبى الزبير Ø
عدد المساهمات : 81 تاريخ التسجيل : 11/04/2009 العمر : 55
| موضوع: رد: ترحيب بمجاهد محمد أحمد عثمان الإثنين أبريل 13, 2009 2:10 am | |
| بأيد رأي الأخوان أيمن والدحيش وهيثم وبأتفق مع الرأي البيقول نضيف الصور ولو إنو في ناس ما شافو بعض على الإطلاق وللأسف لو اتعملت مسابقة لمعرفة أكثر عضو لم يرى بقية الأعضاء في حياته بكل أسف سأحصل على الجائزة الأولى والله المستعان ولكن حأحاول اسهل عليكم الموضوع شوية في معرفة منو هم مجاهد ومشتهى ومجتبى وانتو كمان تردوا بنفس الشيء عشان ما أدخل في نفس الحرج زي ما شفتوا في الترحيب عبدو قال مجاهد أخوي وهو فعلاً أخوه ومشتهى أخت مجاهد يعني أخت عبدو, وزي ماشفتوا نادية قالت اولاد خالي مجاهد ومشتهى يعني الموضوع أصبح أوضح وسألت عن حذيفة معناها إنو حذيفة برضو أخوهم بس نست تسأل عن مهند وده بيعني إنو مجاهد وحذيفة ومهند ومشتهى (بنفس الترتيب تنازلياً)إخوان اشقاء وبيكون عبده وإخوانة إخوانهم غير الأشقاء من والدهم محمد أحمد (رحمة الله علية وعلى جميع موتى المسلمين), وبيكون العبد الفقير مجتبى الزبير عثمان اخوهم غير الشقيق من طرف والدتنا سهير محجوب وإبن عمهم لأنو محمد أحمد والزبير إخوان أشقاء, فبالتالي بأكون أنا كمان إن عم عبدو وإبن خال نادية (وهم جميعاً مع والدتهم مقيمين في امريكا وأنا في الإمارات), وآسف على الإطالة ودمتم (يالا دوركم) | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: ترحيب بمجاهد محمد أحمد عثمان الإثنين أبريل 13, 2009 5:32 am | |
| من أمس و أنا بحاول الدخول للنت و لم أستطع إلا الآن الساعة 12 بالليل .. كان عندى مشكلة فى جهازى .. غايتو عافرت عافرت لحد ما إشتغل معاى و الحمد لله .. لأنى كنت بالجد زهجان من عدم الدخول للمنتدى .. و الواحد ما عارف الليله ح يساهر لحد الساعة كم .. الله يكون فى العون
حقيقة الواحد جد سعيد .. لأنى فجاءة وجدت عدد الأعضاء أصبح 52 عضو .. ما شاء الله .. ما شاء الله ..ـ
ترحيب حاااار بكل الذين إنضموا إلى الركب .. أبو ريناد ، أسامه إشيقر ، مجتبى ، مشتهى ، مهند ، مجاهد ، حذيفة ، عبد العزيز ، و أبو ظلل .. و أتمنى إلا أكون نسيت واحد جديد ...ـ
يا سلاااااام
حتانه روعه
| |
|
| |
بخيت الحاج المدير العام للمنتدى
عدد المساهمات : 201 تاريخ التسجيل : 06/03/2009
| موضوع: رد: ترحيب بمجاهد محمد أحمد عثمان الإثنين أبريل 13, 2009 6:08 am | |
| مرحبا بكم,,,,, مرحبا بكم,,,,,,,مرحبا بكم جميعا,,,,,,,,,,,,,,
وازيدكم من الشعر بيت
( ابو ريناد) هو على ما اعرف هو صديق عوض دويح اخ الدحيش ود.هيثم واخوانهم وهو متزوج من(نسرين محمد احمد) اخت مجاهد ومشتهى واخوانهم ,,,اسامه اشيقر هو من اهلنا الاشيقراب ونتمنى ان يدون اسمه رباعيا على الاقل فى ملفه الشخصى فى المنتدى وهو مطلوب بحسب لوائح المنتدى ومن الجميع ,,,, عبد العزيز احمد عمر دراش ,,,,(ابوظلل)هو (علم الدين) علم الهدى الباقر الشيخ على ومطلوب منه كذلك تصحيح اسمه,,,,,,وكل الاخوان والاخوات اهل واصدقاء ومعارف بشكل كبير,,,,,,
واردد ان المنتدى اصبح يخطو خطوات حثيثة لتحقيق شىء من اهدافه وهو التعارف والتواصل ويجب على الجميع المشاركة فيه بالتسجيل,,,بالتعريف,,,بالتواصل اخوكم الكبير: بخيت محمد احمد الامين(بخيت الحاج)من الاهل والاصدقاء والمعارف-الدمام -السعودية
ومن الحتانة سلاااااااااااااااااااااااااااااااااااااااااااااااااااااااااااااااااااااااااااااااااااااااااااام[/b]
عدل سابقا من قبل بخيت الحاج في الإثنين أبريل 13, 2009 6:43 am عدل 1 مرات (السبب : ترحيب بالجميع) | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: ترحيب بمجاهد محمد أحمد عثمان الإثنين أبريل 13, 2009 6:24 am | |
| بتخيل لى أبو ريناد ده واحد تانى غير صديق .. نرجو منه التأكيد...ـ
| |
|
| |
بخيت الحاج المدير العام للمنتدى
عدد المساهمات : 201 تاريخ التسجيل : 06/03/2009
| موضوع: رسالة للاخ ابو ريناد الإثنين أبريل 13, 2009 6:39 am | |
| - عاشق الحتانة كتب:
بتخيل لى أبو ريناد ده واحد تانى غير صديق .. نرجو منه التأكيد...ـ
الاخ ابو ريناد,,,,تحية طيبة كما ذكرنا والاخوان من اهم اهداف المنتدى التعارف والتواصل,,,,,,, نرجوا التكرم وتسجيل اسمك كاملا ونرجوا كذلك ان ترجع للارشادات واللوائح الخاصة بالمنتدى واتباعها,,,, لك شكرنا للتسجيل وننتظر مشاركاتك ونتمنى توضيح اسمك كاملا مربعا ولا مانع من استعمال اسمك المستعار للمشاركات والمساهمات,,,, اشكرك اخى (عاشق الحتانة) مجدى عوض دويح للتنويه,,,,,,,,,,, وتقبل تحياتنا,,,,,,,,, من الحتانة سلااااااااااااااااااااااااااااام الادارة | |
|
| |
عبده محمد أحمد المسلمابى مشرف المنتدى العام
عدد المساهمات : 484 تاريخ التسجيل : 19/03/2009 العمر : 54
| موضوع: رد: ترحيب بمجاهد محمد أحمد عثمان الإثنين أبريل 13, 2009 6:45 am | |
| أبو ريناد أنا كنت فاكرو صديق لكن لما قريت كلامو أظنه إبراهيم عبد الله محمد إبراهيم فهو أيضاً أبو ريناد لكن ياخال المامعروفين واحد سمى نفسو ( ود البلد )والتانى ( الهجير )
عدل سابقا من قبل عبده محمد أحمد المسلمابى في الإثنين أبريل 13, 2009 6:55 am عدل 1 مرات | |
|
| |
عبده محمد أحمد المسلمابى مشرف المنتدى العام
عدد المساهمات : 484 تاريخ التسجيل : 19/03/2009 العمر : 54
| موضوع: رد: ترحيب بمجاهد محمد أحمد عثمان الإثنين أبريل 13, 2009 6:50 am | |
| ياحسن عطا المنان ركز شوية مجاهد صاح هو ود عم مجتبى لكنهم أخوان وأنا مجاهد أخوى ومجتبى أخو أخوى وود عمى | |
|
| |
hassan ata elmanan
عدد المساهمات : 208 تاريخ التسجيل : 12/03/2009 العمر : 51
| موضوع: رد: ترحيب بمجاهد محمد أحمد عثمان الإثنين أبريل 13, 2009 1:14 pm | |
| طبعا ياعبده انت عارفنى فى النسب جيد جدا لكن والله بعد ماارسلتها حتى اتذكرتها -- لكن قلت خليها ياحسن الصادق حا يلاحظها ويديك تلفون --ولهم تحياتى مرة اخرى هم اخوانك وانا محمد احمد الله والزبير الله يرحمهم هم فى الحساب اولاد عمى يعنى انا عم اخوانك ياعبده وعمك انت -- وانا خالك كذلك ولهم منى العتبى ودمتم | |
|
| |
الدحيش
عدد المساهمات : 498 تاريخ التسجيل : 08/04/2009
| موضوع: رد: ترحيب بمجاهد محمد أحمد عثمان الإثنين أبريل 13, 2009 2:18 pm | |
| أشكرك أخي الزبير محمد أحمد عثمان على هذا التوضيح الوافي الكافي .. ونشكر هذا المنتدى الرائع الذي جمعنا بكم .. وبكل الطيور الحتانة المهاجرة في بلاد الله الواسعة .. ولولا فضل الله أولاً .. وهذا المنتدى ثانياً لما كنا تعارفنا أو إلتقنيا .. نتمنى أن يدوم التعارف والتآلف والمحبة بين جميع أعضاء هذا المنتدى .. ونريد المزيد من المعارف والأصدقاء وإلى الأمام .. أخي الكبير بخيت | |
|
| |
نزار حسن عمر
عدد المساهمات : 50 تاريخ التسجيل : 10/03/2009 العمر : 47
| موضوع: رد: ترحيب بمجاهد محمد أحمد عثمان الإثنين أبريل 13, 2009 2:55 pm | |
| الف مليون مرحب باولاد الخال من على البعد وبسال عن اخبرهم وكيف امريكا معاهم ويا مجتبى عامل كيف فى الامارات وعايز اعرف يامجاهد جايين قريب ولاعليكم شوية | |
|
| |
مجاهد محمد احمد عثمان
عدد المساهمات : 4 تاريخ التسجيل : 12/04/2009 العمر : 46
| موضوع: رد: ترحيب بمجاهد محمد أحمد عثمان الإثنين أبريل 13, 2009 3:55 pm | |
| في البداية اشكر كل الاهل و الا خوان والاخوات و الاصدقاء على هذا الترحيب.واشكر الاخ عبدة علي تعرفنا علي هذا المنتدي العائلى.واشكر صاحب الفكرة ومؤسس المنتدي.ثانيا اظن مجتبي و عبدة كفوا و وفوا في التعريف٠وانشاء اللة من خلال مشاركاتنا ح نتعرف اكثر٠وابلغكم ترحيب الوالدة(سهير محجوب)بهذا العمل الرائع الذي سيكون حبل وصل بين الناس ٠وفقكم اللة٠ | |
|
| |
نادية حسن عمر مشرفة قسم المناسبات
عدد المساهمات : 396 تاريخ التسجيل : 20/03/2009
| موضوع: رد: ترحيب بمجاهد محمد أحمد عثمان الإثنين أبريل 13, 2009 4:05 pm | |
| تعرف يا مجتبى انى فعلا نسيت مهند ولحدى ما مشيت البيت بتكلم مع امى عنكم سألتنى منه حتى استدركت النسيان وبالمناسبة هو ليه ماسجل لسه؟
ويا جماعة انا بأيد رأى مجتبى وبرضو كلام بخيت فى التعريف.
وبسنى على ما سبق النقاش فيه على صفحات المنتدى وهو:
1- أن العضو يعرف نفسه كاملا. 2- يسجل اللقب الذى يريد المشاركة به. 3- يرفق صورة لو امكن. | |
|
| |
نزار حسن عمر
عدد المساهمات : 50 تاريخ التسجيل : 10/03/2009 العمر : 47
| موضوع: رد: ترحيب بمجاهد محمد أحمد عثمان الإثنين أبريل 13, 2009 7:51 pm | |
| يا نادية بمابتعرفى لغة عربية وانتى قارية اداب لانو بثنى بالثاء وليس بالسين | |
|
| |
مجتبى الزبير Ø
عدد المساهمات : 81 تاريخ التسجيل : 11/04/2009 العمر : 55
| موضوع: رد: ترحيب بمجاهد محمد أحمد عثمان الإثنين أبريل 13, 2009 11:36 pm | |
| السلام عليكم أنا وفيت بالإتفاق ومشيت فتشت لي صورة من قريب وواضحة وجبتها, بس إنشاء الله 10% من الإعضاء يكونوا شافوا الشكل ده قبل كده ويتذكروني, يالا الما منزل صورتو يمشي يفتش دفاترو القديمة ويجيب ليهو صوره عشان نعرف بعض ونتحرك بشكل أسهل. وترحيب حار جداً بكل الإنضموا حديثاً ونقول ليهم عرفوا أنفسكم لأنو (سمح القول في خشيم سيدو) معلومة بسيطة حبيت اهمس بيها في الزاوية دي: كثير من العرب وغالبية السودانين لما يكونوا عاوزين يذكروا شيء بنوع من المبالغة بيقولوا من سابع المستحيلات أو من عاشر المستحيلات, والكلام ده غلط لأنو المقوله هي (من رابع المستحيلات), والسبب في كده إنو زي مابيقولوا الناس السبقونا في ثلاثة مستحيلات لا رابع لها, والثلاثة مستحيلات هي ................. ال عاوز يجاوب ليهو جائزة, بس بشرط يذكر الثلاثة مستحيلات كاملة غير منقوصة. ودمتم | |
|
| |
عبده محمد أحمد المسلمابى مشرف المنتدى العام
عدد المساهمات : 484 تاريخ التسجيل : 19/03/2009 العمر : 54
| موضوع: رد: ترحيب بمجاهد محمد أحمد عثمان الثلاثاء أبريل 14, 2009 4:23 am | |
| أظن العرب تقصد الغول والعنقاء والخل الوفى والله مش كدى يامجتبى بسرعه على الجايزه قبل مايخطفوها | |
|
| |
مجتبى الزبير Ø
عدد المساهمات : 81 تاريخ التسجيل : 11/04/2009 العمر : 55
| موضوع: رد: ترحيب بمجاهد محمد أحمد عثمان الثلاثاء أبريل 14, 2009 7:59 pm | |
| صحيح 100% وياريت تعم الفايدة من المعلومة عشان الناس ما تعيد المقولة بشكل مغلوط, جزيتم خيراً والجايزة من اختيارك يا أخي عبدو | |
|
| |
| ترحيب بمجاهد محمد أحمد عثمان | |
|