بشريات العيد

بسم الله الرحمن الرحيم والصلاة والسلام علي نبينا الكريم صلي الله عليه وسلم
اجمل بشري في العيد سمعتها تلفونيا من الاخ سراج عثمان محمدين بخصوص توصيل الماء للحتانة والحقيقة كانت ومازالت وستظل بشري طيبة وبشره الله بالجنة ولانملك الا الشكر والحمد والدعاء لكل من ساهم في هذا الانجاز الكبير وكما قلت للاخ سراج مذكرا نفسي وهو ( وجعلنا من الماء كل شي حي ) الاية ,,,,,, وكل شي ياتي بعد الماء واعتقد بان سبب هجرة اهلنا من الحتانة هي الماء واعتقد بان عودتهم مرة اخري للحتانة حتكون بسبب الماء ونتمتي ذلك وفي اتنظار التفاصيل الجميلة والمفرحة بتوصيل الماء والحتانة للامام ووفقكم جميعا لما فيه الخير ودمتم

والله يا محمد الخبر يستاهل احتفال كبير بقدر فرحتو.
والمؤسف اننا ما مشينا البلد.. لكن بهدى الكلمات دى ومعاها عرضتها ودلوكتها........لكل من شارك فى رى وسقيا الحتانة:

انا ليهم بقول كلام
دخلوها وصقيرا حام

سم اب درق الجدادي
ثكل الجدري البعادي
للخصيم ضربو بيازي
موسي المر الحجازي

انا فوقم بقول كلام
دخلوها وصقيرا حام

قرقر ملا للوسادة
برنو و شال لمكادة
ديل جنياتنا الندادة
سيدي الكافي السيادة

انا ليهم بقول كلام
دخلوها وصقيرا حام

انا نميت جب غناكم
يا البينين هوي براكم
البدوركم وراكم
حلق الطير لغناكم
الصف العامر رجاكم
اتباشروا لبناكم
اركزوا زينب وراكم


والحتانة كلها وراكم.......

يستاهلوا هذه الكلمات الحماسية الرائعة واكثر من ذلك ولم نكن محظوظين مثلهم في خوض هذه الملحمة الرائعة ونتمني بان يكون لنا دور في اعمار الحتانة فيما هو قادم والله الموفق ودمتم ودامت الحتانة ,,,

التحية لك أخي محمد واحساسك الرائع تجاه بلدك الحتانة ونتمني لاهلنا جميعا الاستقرار ودوام الصحة .....

وأختنا نادية (مهيرة) لك التحية علي الاهداء الرائع للفرسان وهم شباب الحتانة قوى الله سواعدهم ويعطيهم

العافية وانا اتمني أن تكون الحتانة بلد المليون نخلة ..... وأقول .... الي الامام