خروف العيد

الاهل الاعزاء ,,, كيفكم مع خرفان الاضاحي ,, انشاء الله تكون الامور مشت علي ما يرام من ناحية سعر الخروف وجودته ؟؟؟ بالله اي واحد مرت بيه طرفة في مرحلة من مراحل تجهزات خروف العيد فلا يبخل علينا بذكرها وبالنسبة لي انا انتهيت من هذه المهمة امس وربنا ياقبل منا جميعا ومكان ضبحت فيه الخروف غالبيته من اخوانا السعوديين والجنسيات العربية الاخري لذلك حظي من الكمونية كان صفر ؟؟؟ والشكوه لله ,,,, وكل عام وانتم والكمونية بخير,

راحت عليك الكمونية يا محمد انشاء اللة العدد القادم .... نسأل الله القبول في قصة وقعت علي واحد صاحبي في السودان كان الخرفان غالية وصاحبنا يوم الوقفة ماسك شغلة عشان يخلصها ويستلم فلوسها المهم الراجل قبض فرحان وصرف العمال ومشي البيت وكتيرين زيو مستنين الظروف تظبط في الساعة الاخيرة المهم جماجرة الحلة من الشباب قالوا ليهو الخرفان في كافوري رخيصة نمشي هناك ركبو البوكس وراحو بعد صلاة المغرب وانت عارف العرب يجروا من هنا حرم ومن هنا علي بالطلاق اول شى وسخوا ملابسوا لما زهج قال ليهم من القال ليكم انا داير خروف أنا بتاع الصحة خرفانكم دي كلها خارج المحجر كلهم قاموا جارين بقي واحد واقف قاليهوا يا خوي شيل خروفك الدايرو صاحبنا قاليهو انا داير بحقي بس عاوز ابعد العرب الجلوف ديل شوف لي خروف كويس صاحبك عزلوا اكبر خروف ومشي فرحان والناس كلها تشكر فيهوا وعلي المجاسفات جوا شمارات الحلة من الشباب يقولوا ليهوا يا معلم مبروك واحد من مساطيل الحلة رفع رجل الخروف بالصدفة لقاها نعجة هههههههههههههههههههههههها بس كلهم ماتوا بالضحك والساعة 12 بالليك ساق معاه مباحث الحلة كلهم مشوا لقوا العربي نايم وقفوا جم راسوا قاليهم دايرين خروف قالوا ليهوا المرة دايرنك انت والخروف لانك طلعت عينا .... وصلوا معاه بترجيع نصف القيمة وهي عبارة عن اجرة السيارة والبودي قارد .... اتمني ان تكون عجبتكم

اين الطرائف ؟؟؟؟؟ والمواقف الجميلة والمحرجة معا ؟؟؟؟ بالله اتحوفنا بها ودمتم ....

يا أصحابي أخونا محمد جاب الخروف وعقد النيًة
ومن بالليل جهَز حاجاتو وكتب الوصيًة
قال خروفنا فيه لحمة صاج..وكبده ..وكمان شيًة
وعزم الأصحاب وقال أهم شئ الكمونية والمرارة النيًة
صاحبنا راح ضبح الخروف وبفرحة زايدة بلمة النًاس كمية
أم رنا يديها العافية ظبَطت داك الأكل المو شويَة
شى لحمة صاج ...وشيًة جمر ...وكبده مقلية
بس أخونا محمد فارقه معاهـ كتير الكمونية
اتَاري صاحبنا مشا لمسلخ ناسو غشاما
ما بعرفو سر الكمونية راحو رموها بحسن نية
قال بالرغم كل ما طاب ولذً موجود بالصينية
بس بصراحة أنا حارقاني الكمونية الرموها قدام عينيَ
ويا أخوانا العندو كمونية يرسلها لينا بفاكس انشاء الله بأي تقنيَة
** ومازال أخونا محمد مستني الكمونية **

يخوانا سريع ادونا رقم الفاكس قبل الصاج مايعلن الافلاس...

؟؟؟؟؟؟؟