وتتوالي بشريات عام 2010 الساره

[b]اليوم يرتفع باذن الله تعالي صرح صهريج الحتانه عاليا.اليوم ستنال الحتانه استغلالها ...وسيكون لها رمزا يستدل به من ضل عن الطريق ..اليوم سيتحقق حلم اهالي الحتانه الابيه الصامده وسيريون بام اعينهم الواقع وليس الاحلام ... هذا وقد اكملت الشركه المنفذه كل استعداداتها بعد ان قامت بتركيب القواعد الحامله للصهريج .واحضرت معها الكرين الرافع .وستكمل اليوم وغدا رفع الصهريج ....اللهم لك الحمد والشكر

اما الخبر السار الاخر انتهت الهيئه القوميه للكهرباء من توصيل السلوك وشدها في منطقه الحتانه والكتواب والمطمر ...وهذا وقد توجه اليوم الاخ عبد العظيم عبد الماجد ممثلا لمنطقه الكتواب والاخ احمد عمر نمر ممثلا لمنطقه الحتانه الي الهيئه القوميه للكهرباء بالدامر يحملون معهم خطابات طلب التوصيل والاناره الفوريه بعد ان قاموا باكمال كافه الشروط المطلوبه التي املتها عليهم الشركه ...فنسال الله ان يتم علينا نعمه ..و ان يتولانا برحمته التي وسعت كل شيْ

أجانا الخبر شايلوا سراج عثمان ..... خبر جميل والكل ليهو فرحان

نزرع شتلة نيمة ظليلة ..... وحنة وورود وكمان ريحان

نخلي حتانة جنة ..... وفيها أحلي بستان

ما أحلاك ياحتانة بالروح الجميلة حافانا ..... واجمل ما فيك طيبك وطيبة إنسان
أ
أأهديك أخي سراج هذه الابيات المتواضعة الي شخصك الكريم خاصة وكل الاهل بالحتانة بصفة عامة وياريت تكمل عليها

ونرجع تاني زي ما كنا ...نعيد الماضي يا اخوان

تجينا الشُله نِتلمه .......ونقيل في ضرا الحيشان

نساهر الليل مع القمره ونجُر الونسه في القيزان

نفوت البيت عشان نتعشي بي لبينه ... ونسمع حجوه الصبيان

وصباحا بدري نتلاقي ..... ونعيدوا سلامنا بالاحضان

كيف الذكري يا ابراهيم ..... وكيف بالله نحن زمان

وعدا من ضمير صادق حاتعود حتانه زي ما كان

اجهز انت للعوده .... وخايفك ما تلاقي مكان

والله يا سراج انا كده اقنعت بيك .. احييييك على الأبيات . ونشكر الله كثيراً والحمد لله

والله ماعرافين نقول شنو عن الخبر الجميل الي جابوسراج عجزت اليد عن التعبير . ونقول للحتانة الي الامام

الف حمدآ لله علي نعمه و اخيرآ سوف يتححق المراد والشكر لكل القائمين على الامر وتشكر يا سراج علي هذه الاخبار الجميلة وهذا هو عهدنا بك

شكرا يارائع يالذيذ علي هذا الارتجال وهذا عهدنا بيك يا أبو عثمان ,,,,,,, سلاااااااااااااااااام

أولاُ لابد من الإشادة بالأخ العزيز أب عثمان .. لأنه إعتاد أن ينقل لنا الإخبار الحلوة .. و البشريات السعيدة ..
كما نشيد بالكلمات الرائعة لأخونا أبوريناد .. له خالص التقدير .

أما بالنسبة لشاعرية أخونا سراج فكلمة حق أقولها لكم .. أنا شخصياً ما كنت مصدق إنو سراج البنعرفو ده ممكن يطلع منه مثل هذا الكلام الحلو .. و عندما قرأت قصيدته المشهورة " هل من عودة " لم اصدق أن سراج هو مؤلف هذه القصيدة .. و قلت لنفسى سراج ده من زمان كضبو كتير .. أكيد القصيدة دى حقت زول تانى قام عمل فيها حبة تعديل .. سراج شنو البقول كلام زى ده ؟

و لكن أثبتت لنا الأيام أن روعة هذا الشاعر و إبداعه لا يختلف عليها إثنان ..

و أعترف بأننى لست بشاعر .. لذلك أرجو أن تجدوا لى العذر إذا وجدتم شيئاً من الركاكة فى هذه الأبيات التى أود المساهمة بها .. مجاراة لقصيدتى الأخوان أبوريناد و أب عثمان.

تعالو نحقق أحـلامنا ** نعـيدوا بلدنا زى ما كان

تعال لى بيتك يا ابراهيم ** قبل السيل يعيقو كمان

دحين مرتاح هناك يا خوى ** و من أكل الجداد شبعان ؟

أخير كراره بى كسرة ** فوق قدحاً كبييير مليان ؟

وللا طبيق ملان كبسه ** قاسيه على بطن جيعان ؟

تعال يا خوى أحسنلك ** نعيد الماضى يا إنسان

و نقعد فى نعيم أبواتنا ** يلعبوا ناس ريناد فى أمان

و ننسى الفرقة يا غالى ** نطرى الكانو ديمه حـُنان

نطرى جدودنا وابواتنا ** تفيض أشواقنا بى تحنان

بس أوعدنا نتلاقى *** يشفى قليبنا من أحزان

و أجهز أنت بس للعوده ** حرم بتلقى ليك مكان ..

عدد المساهمات : 498 تاريخ التسجيل : 08/04/2009

غبت عن المنتدى لفترة .. ولكن عندما عدت .. وجدت البشريات أمامي .. وهي بشريات حقيقة ينشرح لها القلب .. وتدمع لها العين .. ونحن نرى .. أمنا الحنون .. قرية الحتانة الصامدة .. وهي تنمو وتتعمر يوماً بعد يوم .. بشريات البئر .. وبشريات الكهرباء .. وبشريات رياض الشيخ عبدالرحيم الأنصاري .. وتتوالى علينا البشريات والإنجازات ..
وأنا من هذا المنبر أدعو كل القائمين على أمر تنمية وتطوير منطقة الحتانة .. وذراعها التنفيذي الجمعية .. بأن يضعوا خطة إستراتيجية بعيدة المدى .. لتخطيط وتوسعة الحتانة .. حتى لا نتفاجأ في المستقبل بأن لا مكان جديد يمكن أن نبني فيه بيتاً أو مدرسة أو حتى مستشفى ..
ونتمنى من الله العلى القدير أن نرى الحتانة وهى تزدهر وتكبر وتتعمر .. وتصبح قبلة لأهل الخرطوم .. ويعود كل من رحل عنها .. وأن يجعل الجميع يداً واحدة .. ومعولاً للتعمير والبناء .. وإلى الأمام ..
كما نشكر الشاعر الرائع سراج الدين على هذه البشريات الجميلة .. ونتمنى أن نراه شاعراً كبيراً يشار إليه بالبنان ..

عدد المساهمات : 95 تاريخ التسجيل : 20/04/2009

ألف مبرووك تدفق الماء لقرية الحتانة والخدمات وجعلها الله سقى خير وبركة ودامت الحتانة واحة خضراء ونأمل أن نرى كل الطيور المهاجرة تغرد وسطها .

أخي عاشق الحتانة مجدي عشاء الضيفان
كلامك جد ضرب في المليان
صدقني الغربة أخذت مننا أحلى زمان
نحنا دايما طارنكم وفي القليب ليكم أكبر مكان
نفرح بفرحكم ونحزن لما تطل الاحزان
ونقول يالله نلاقي الناس العزاز الفتناهم بكامل صحة الابدان
ونسأل الله ان يثبت قلوبنا على التقوي والأيمان
ونرجع من غربة ماليها طعم ونتقابل ونغسل قلوبنا من الاحزان
ونلقا كبارنا شادين حيلهم وفي أمن أمان
ونسعد بلقاء شباب وأطفال ما شافتهم العين ونكون ليهم الدرب النضيف من الشوك والأغسان

عفوا ياشباب المساهمة أعلاه من أبو ريناد بالخطأ دخلت باسم أم ريناد تشابه علي البقر ..... وتحياتي

اتمني بعد كل هذه البشريات الواعدة للمنطقة ان تقوم شركة زراعية ضخمة لابراز منتجات المنطقة الزراعية
وياريت يكون اغلب المساهمين فيها اذا ماكان كلهم من المنطقة؟؟؟ ( شركة الحتانة للمنتجات الزراعية ) مارائكم في الفكرة وعندنا من ابناء المنطقة كثيرون بالمجال ولديهم الخبرات زعندنا كذلك من ابناء المنطقة
من لهم علاقات محلية ودولية ( عشان التمويل ) ده مجرد حلم وصدوقوني قابل للتنفيذ اذا اخذ بجدية
عالية والله من وراء القصد ودمتم ؟؟؟؟

الله يبشرك بالجنة why not كل شئ ممكن وللامام بس ورينة كيف البداية ونحن معاك وربنا يحقق الاحلام

اخي العزيز ابو ريناد بعد السلام عليكم ورحمته ,,, اشكرك علي التفاعل السريع مع الموضوع ,, وطبعا
ذي ماذكرت هو حلم قابل جدا جدا جدا للتحقيق وهي عبارة عن فكرة بانشاء شركة زراعية مساهمة محدودة
وليس مساهمة عامة باسم ( شركة الحتانة للمنتجات الزراعية) وتتخصص في البداية في الموالح والفاكهة
الاخري ( زراعة وتسويق منتجات ) والمطلوب عدد ( 4 الي 5 اشخاص كحد اقصي لتاسيس الشركة
وقبل التاسيس وده شي مهم للغاية يتم عمل دراسة جدوي في بيت خبر كبير ومعروف وتمويل هذه الدراسة
يكون من الاشخاص المختارين للتاسيس وطبعا دراسة الجدوي بتوضح كل كبيرة وصغيرة لفكرة انشاء الشركة واهمها
صواب الفكرة نفسها ؟؟؟ ثم اليات ومتطلبات تنفيذ الفكرة( يعني الاحتياجات الكاملة لقيام الشركة ) وراس
المال المقترح بعد ما نعطي بيت الخبرة النشاط المتوقع للشركة ,,, وبعد جمع المعلومات ودراسة الجدوي
وتحديد راس المال وحصة المساهمين الاساسين يتم طرح اسهم للشراء يعني بنظام الحصص ويحدد السعر الادني للسهم ويطرح علي كل من لديه رغبة من ابناء المنطقة ويفضل اصحاب الاختصاص وغيرهم من الراغبين
في المساهمة بالشركة وطبعا دي معلومات عامة عن الموضوع واذا تقدم خطوة واحدة سوف اقوم بمدكم بكافة
التفاصيل والافكار الموجودة عندي ليساهم فيها الجميع بمقترحاتهم ودمتم والله الموفق ,,,

وفقك الله والله أنا أتمني أن يكون لدينا مشروع مدروس زي ما تفضلت حضرتك وتكون شركة مساهمة اتمني ان تبدأ لاي مشروع مخترح ونحن معاك وللامام

[bتم بحمد الله شراء موقع خاص بقريه الحتانه ويقوم الان قطاع الاشراف الفني بتدشين الموقع وسيقوم مدير المنتدي الخال بخيت محمد احمد بافتتاح الموقع قريبا جدا وعنوان الموقع الجديد الذي يعمل بامكانيات عاليه هو www.hetana.net
ومشكور الخال بخيت محمد احمد المدير العام والاخوه المشرفين علي الجهد المقدر ومزيدا من التقدم ومن........الحتانه......................عوافي..............

[b]وللاوطان في يد كل حرِ يد سلفت ودينٌ مستحق

وياحتانه بجهد ابنائك سيكون لك شأن عظيم

بشركم الله بالجنة .. وخطوة خطوة وبتفكير وجهد واخلاص ابناء المنطقة .. باذن الله نصل الهدف .. وهو اعمار منطقتنا وما المنتدي الي نافزة تواصل وجسر لقاء وشورة ومشاورة من اجل المنطقة ... وفي انتظار تفاصيل موقع المنتدي الجديد وما يترتب عليه من مسئوليات اتجاهنا ونحن حاضرين 1000% انشاء الله وما التوفيق الا من عند الله عز وجل ودمتم في رعاية الله وحفظه ...

شكر خاص للخال بخيت .
والله مقدرين لكل جهد وزمن وعرق يبذل فى سبيل تحقيق الغايات و الوصول للاهداف السامية بأذن الله.
معكم حتى النجاح.............

» بشريات 2010
» بشريات العيد
» اول نكتة في 2010
» تصفيات اوربا 2010
» جدول مباريات كأس العالم بجنوب أفريقيا 2010