| لقاء الأسبوع مع مروة فتح الرحمن عمر دراش | |
|
+10عاشق الحتانة أيمن فضل الباري MARWA عبد المنعم عبد الماجد حمد hassan ata elmanan أبو ريناد نادية حسن عمر الدحيش بخيت الحاج عبده محمد أحمد المسلمابى 14 مشترك |
|
كاتب الموضوع | رسالة |
---|
عبده محمد أحمد المسلمابى مشرف المنتدى العام
عدد المساهمات : 484 تاريخ التسجيل : 19/03/2009 العمر : 54
| موضوع: لقاء الأسبوع مع مروة فتح الرحمن عمر دراش الأربعاء نوفمبر 04, 2009 12:09 am | |
| يشكر المنتدى الأخ بندر أحمد عثمان النعيمة ضيف الإسبوع الماضى وضيفنا فى هذا الإسبوع الأخت مروة فتح الرحمن نتمنى منها ومن الإخوان التفاعل مع اللقاء حتى يحقق أكبر قدر من التفاعل والتواصل تحذير : قالت ليكم الأخت مروة إسبوع واحد الحصل حصل وبعدين أنا مامسئولة يلا ياأحباب ومن الحتانة سلااااااااااااااااام | |
|
| |
بخيت الحاج المدير العام للمنتدى
عدد المساهمات : 201 تاريخ التسجيل : 06/03/2009
| موضوع: رد: لقاء الأسبوع مع مروة فتح الرحمن عمر دراش الأربعاء نوفمبر 04, 2009 6:52 am | |
| عزيزتنا مريوة كما يحلو لى تسميتها وهنالك اسم جميل مرافق وهو (مريوة عسل ) كما نحب ان نقول لها انا و نفر من المقربين من اهلنا ,,,,,,,نحييك وانا ادخل هذا المنتدى لاحظت مشاركات كثيرة منها وهذا والله شىء جميل وهو يوما بعد يوم نسير فى الطريق الصحيح من استقطاب للشباب ومن تحقيق لاهداف المنتدى سؤالى عزيزتى مريوة س(1)اى رافد من روافد المنتدى العام الذى يعجبك ؟؟؟؟ س(2) ماهى مقترحاتك لتطوير المنتدى؟؟؟؟؟؟؟ س(3) لو اخترت ان تكونى احد المشرفين فى (منتدى قرية الحتانة) ما اسم المنتدى الرافد الذى سوف تسمينه وما هى فكرته؟؟؟؟؟ س(4) لماذا ترددتى كثيرا حتى قررت الانضمام للمنتدى وما هو الشىء الذى عزز رغبتك للانضمام ؟؟ هل هو شخص(غير مطلوب ذكر الاسم) ام موضوع وما هو؟؟ ام فكرة وما هى؟؟؟؟؟ نكتفى بهذه الاسئلة القليلة ولا تقبل الاجابات المبتورة والناقصة والغير واضحة عزيزتنا الغالية مريوة,,,,, ونقول انك اضافة حقيقية للمنتدى ونشكرك لانك قبلتى ان تكونى ضيفة عزيزة فى لقاء الاسبوع
ونشكر كثيرا مشرف المنتدى العام لحسن الاختيار وهذا ما عهدناه دوما فى اختيار كل الضيوف السابقين فلك من كل رواد المنتدى اعذب التحايا ابو عروة,,,,,,,,,
ومن الحتانة سلااااااااااااااااااااااااااااااااااااااااااااااااااااااااااااااااااااااااااااااااااااااااااااام
عدل سابقا من قبل بخيت الحاج في الأربعاء نوفمبر 04, 2009 6:56 am عدل 1 مرات (السبب : مريوة---مريوة---مريوة) | |
|
| |
الدحيش
عدد المساهمات : 498 تاريخ التسجيل : 08/04/2009
| موضوع: رد: لقاء الأسبوع مع مروة فتح الرحمن عمر دراش الأربعاء نوفمبر 04, 2009 1:48 pm | |
| التحية والتقدير للأخت العزيزة مروة .. لقبولها الجلوس على الكرسي الساخن .. أجيبي في كلمات : 1- مروة تحب الهدوء الشديد .. ولا تدخل في الناس سريعاً .. خطأ أم صحيح ؟ 2- مروة بين الحتانة والمطمر .. أين تجد نفسها .. 3- رحلة طويلة ما بين السعودية والحتانة والمطمر ثم الإستقرار في الخرطوم .. ماذا أضافت لمروة فتح الرحمن 4- ميولك .. إهتماماتك .. هواياتك .. تحدثي عن مروة في سطور ..
أتمنى أن تكون أسئلتي خفيفة الظل عليك | |
|
| |
نادية حسن عمر مشرفة قسم المناسبات
عدد المساهمات : 396 تاريخ التسجيل : 20/03/2009
| موضوع: رد: لقاء الأسبوع مع مروة فتح الرحمن عمر دراش الأربعاء نوفمبر 04, 2009 2:54 pm | |
| مروة كيف احوالك:
مطرووك اسئلة وما خلوا فرقة:
1/ من هو فنانك المفضل.؟؟ واغنيتك المفضلة؟؟؟؟ 2/ متين اخر مرة استمعتى للراديو؟ 3/ اجمل كتاب قرأته؟؟ 4/ واقع تعيشين فيه هو................. ؟ تتمنين تغييره ...؟؟ ال................................؟ اكملى؟؟؟ | |
|
| |
أبو ريناد
عدد المساهمات : 406 تاريخ التسجيل : 13/04/2009 العمر : 59
| موضوع: رد: لقاء الأسبوع مع مروة فتح الرحمن عمر دراش الأربعاء نوفمبر 04, 2009 3:47 pm | |
| الاخت مروة بنت الاخ العزير فتح الرحمن عمر لك التحية ولاسرتك الكريمة سعيدين بك لانضمامك بالمنتدي العامر بكم ولحاقك بالركب مع أخواتك (زهرات المنتدي ) وعلي رأسهم الزهرة النشطة ذات المواضيع الماطرة ومتعددة الافكار الاخت نادية حسن عمر لكم جميعا التحية ومزيد من الاعضاء.بالرغم يامروة مارديتي علي اي سؤال بس انا ازيد عليك التراكم . سؤال؟ 1/ بحكم مولدك ونشأتك بالسعودية . العودة للوطن بخصوص الدراسة كيف كانت النقلة هل واجهتي اي صعوبة اذا كان الاجابة نعم ؟ ماهي النصائح التي تقدميها لزميلاتك المغتربات ؟ 2/ شئ في الذاكرة من ربوع محافظة القطيف التي ترعرعت بها ؟ 3/ ماذا كان يعني لك يوم الخميس في ايام الدراسة ؟
وشكرا لك اختي مروة مع تحياتي | |
|
| |
hassan ata elmanan
عدد المساهمات : 208 تاريخ التسجيل : 12/03/2009 العمر : 51
| موضوع: رد: لقاء الأسبوع مع مروة فتح الرحمن عمر دراش الأربعاء نوفمبر 04, 2009 6:19 pm | |
| الاخت العزيزة مروة لك التحية من على البعد مابين البلد والخرطوم وانشاء الله اكون خفيف عليك . 1/ماهواجمل بيت شعر مر بك . 2/ اذا لم تدرسى مختبرات ماذا كنت تتمنى ان تدرسى . 3/ ما هو الشى الذى تمنيتيه بالمنتدى ولم تجديه. لك الشكر والتقدير وبالتوفيق يا بنت العم . | |
|
| |
عبد المنعم عبد الماجد حمد
عدد المساهمات : 95 تاريخ التسجيل : 20/04/2009
| موضوع: رد: لقاء الأسبوع مع مروة فتح الرحمن عمر دراش الأربعاء نوفمبر 04, 2009 7:32 pm | |
| الأخت مروة فتح الرحمن - سلام عليكم - والتحية لأسرتك - عندى بعض الأسئلة : 1 - من أين تبدأ وتنتهى (حليلة العشر فى المطمر ) . 2- خور مشهور فى المطمر يسمى (خور جرقا ) أين يوجد . 3 - هل ورتى (شيل الماء على الراس) أو فزعتى ( جيب الحطب من الغابة فى البلد ) 4 - من أجمل بيوت الحتانة روعة وتصميا وتميزا سابقا من صاحب البيت ؟ وتحياتى لأخونا فتح الرحمن | |
|
| |
MARWA
عدد المساهمات : 32 تاريخ التسجيل : 02/10/2009
| موضوع: رد: لقاء الأسبوع مع مروة فتح الرحمن عمر دراش الخميس نوفمبر 05, 2009 1:36 am | |
| العم العزيز جدا (عمو بخيت ) كما احب ان اسميه في الحقيقه انا يادوب دخلت المنتدى و تفاجات من كمية الاسئله وربنا يقدرني ارد عليها كلها مع انو ال key board بتاعي فيهو احرف باللغه الانجليزيه فقط وانا في الشغل جبت قلم وبلاستر وحفظت الحروف العربيه و كتبتها عشان كده اعذروني لو في اي خطأ في الحروف ما تقولوا الزوله دي ما بتعرف لكن الموضوع صعب شويه ويمكن ده من احد الاسباب التي اخرتني من المشاركه .....حأحاول ارد عليكم اليوم و بكره ....
1- الروافد كلها جميله و حيويه من الصعب الاختيار و اكثر ما يعجبني هو لقاء كل الاهل في وقت واحد و ربطهم بكل ما يدور حول امور البلد و الاهل و ساحة جميله للتعارف و صلة الرحم و طرح كل ما هو مفيد لكن من اكثر ما اعجبني هو المنتدى العام و فيه(حكايات لها معنى)و(كلام ساكت) (دعوه للحب) 2- السؤال ده عاوز تفكير يمكن ما اقدر اديك اجابه الان لكن في رايي انو المنتدى جميل جدا بصورته الحاليه وان اي اضافه ستكون كماليه وليست تحسينيه 3-كنت سأقترح ان يكون هناك باب يكتب فيه كل الاعضاء عن اجمل موقف مر بهم و ماذا استفادوا منه و كمان يكون هناك باب فيه مواقع عمل كل الاعضاء و تخصصاتهم لتبادل المنفعه 4- في الحقيقه با عمو بخيت انا لم اكن متردده لكن كما قلت للاخ عبدو المشكله اني اخاف ان لا اجد الوقت الكافي للدخول و المشاركه بدليل اني لحد الان لم اساهم بأي موضوع حيوي لكن ان شاء الله حتكون مشاركاتي اكثر | |
|
| |
MARWA
عدد المساهمات : 32 تاريخ التسجيل : 02/10/2009
| موضوع: رد: لقاء الأسبوع مع مروة فتح الرحمن عمر دراش الجمعة نوفمبر 06, 2009 1:22 am | |
| اهلا الاخ العزيز الدحيش و الله فعلا كرسي ساخن بسم الله بدأنا 1-(احب الهدوء ) نعم ...لكن الهدوء الشديد خطأ .(لا تدخل في الناس سريعا ) الكلام ده خطأ كبييييييييير و اول مره اسمع زول بيصفني هكذا
2-مروه في الحتانه هي مروه في المطمر الموضوع انو الحاله one و انا اجد نفسي في اي جو عائلي مليء بالدفء كما قال الشاعر روحي وروحك مضمومان في جسد يامن رأى جسدا قد ضم روحين
3-السؤال ده قد تطول الاجابه عليه لكن استطيع ان اقول ان اهم شيء تعلمته هو التأقلم
4-اميل لكل شيء فيه روح التجديد ...اهتماماتي بسيطه قد لا تتعدى احيانا التفكير في كيفية الاستفاده من يوم كامل لانجاز اشياء مهمه ...هواياتي كثيره لكن احبها لدي هي القراءه | |
|
| |
MARWA
عدد المساهمات : 32 تاريخ التسجيل : 02/10/2009
| موضوع: رد: لقاء الأسبوع مع مروة فتح الرحمن عمر دراش الجمعة نوفمبر 06, 2009 3:34 am | |
| نواره المنتدى الاخت ناديه كيف احوالك شايفه الناس ديل ما دايرين يفوتوا ليهم دقيقه ان شاء الله ربنا يقدرني ارد ليهم جميع الاسئله ... فناني المفضل هو عملاق الاغنيه السودانيه الفنان عثمان حسين ومن الصعب ان اختار له اغنيه واحده فقط على انها المفضله طبعا نحن من هواة الاستماع الى الراديو في البيت و كل واحد عندو محطته البحب يسمعها لقد كنت كثيرة الاستماع وما زلت اذا سنحت لي الفرصه لكن لابد ان استمع الى الرادبو في البيت شئت ام ابيت لانو اي زول يفتح محطته كما لو كان يريد ان يسمع كل ناس البيت اخر مره استمتعت لوحدي بسماع برنامج مسائي كان قبل اسبوع اجمل كتاب قرأته...! اعذريني اذا كتبت بعض الكتب منها كتاب (اعشابنا دواء) لكاتب قبطي مصري لا اذكر اسمه ...و(تنبيه الغافلين)و(قصص الانبياء) و من الروايات موسم الهجره الى الشمال و الايام لطه حسين السؤال الاخير ليس عندي له اجابه لاني مؤمنه بان ما يجري على الانسان هو من تدبير الحكيم العليم فعسى ان يتمنى الانسان تغيير شيء في حياته مع ان الله جعل له الخير حيث لا يعلم ...وبيني وبينك لو الواحد قعد يفكر ولو كان ...وكان ...حيتعب كثير بالذات لو كان هذا الواقع صعب التغيير | |
|
| |
أيمن فضل الباري المستشار الفني للمنتدى
عدد المساهمات : 186 تاريخ التسجيل : 16/03/2009 العمر : 44
| موضوع: رد: لقاء الأسبوع مع مروة فتح الرحمن عمر دراش الجمعة نوفمبر 06, 2009 12:43 pm | |
| الخالة مروة كيف الأخبار إن شاء الله كل سته في حته وكل تلانه في خلاطة : الناس الطيبين ديل ما خلو لينا سؤال نقولو ويظهر اني جيت متأخر شديد عموماً : أطرف أو أغرب أو أسواء موقف مر بك في فترة حياتك العملية ؟ | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: لقاء الأسبوع مع مروة فتح الرحمن عمر دراش الجمعة نوفمبر 06, 2009 9:29 pm | |
| فى البد نود الإعتذار لكل الذين لم نحضر لقاءاتهم الأسبوعية ..
****
و نقول لمروه....
بما أنو انا و أيمن فى مرتبة واحده ممكن اقول ليك .. الخاله مروه
وصلتى لى ناديه .. الباقى ليك أبوريناد و ود عطا المنان و عبدالمنعم و أيمن ..
و برضو مافى ليك راحة .. قلنا أحسن نقيف فى الصف .. شكلك ح تبطلى شغل و تقعدى تفكرى تقولى شنو ؟
ما مشكلة .. ردى على مهلتك .. إنشاء الله لحد الشفت الجاى .. نحن ورانا شنو ؟ ***
معروف إنو الرجل فى معظم أشعاره يتغزل فى المرأة .. يلملم القوافى .. و ينسج أحلى الكلام .. مثل هذا :
حيرتي كل الكائنات ..
شوفي الخروف القلنا جاع لمن ظهرتي قام هدا ما قالا باع بع بع كدا باااااااااااااااااااااااااااااااااااااااااااااااع يا ندى
شوفي الجداد شافك كدا عاد هاج وماج خلا المنام والغتغتا
والشي الغريب البيض كمان بطلع براه من دون غتا
ديكنا لمن قام يعوعي وشاف بسيمك براحة كتكت للجدادة وسكتا هوس هوس ديك ندى
حتى الكديس الكان بنوم طول النهار خلا المنام وأكل الحمام ناو زاتا راحت من لسانو جي يقولا ناو طلعت نوى
*****
ياريت تدينا نموذج لغزل المرأة فى الرجل ..
| |
|
| |
أبو ريناد
عدد المساهمات : 406 تاريخ التسجيل : 13/04/2009 العمر : 59
| موضوع: رد: لقاء الأسبوع مع مروة فتح الرحمن عمر دراش الأحد نوفمبر 08, 2009 1:07 am | |
| لما شفنا التحذير من الاخت مروة بان المدة محدودة قلنا يلا بسرعة نحصل ندلوا بدلونا المدة قصيرة زي Amirican lottery بس بقول للاخت باقي ليك يومين علي الاسبوع .... فقط مداعبة لمعزتنا لك مع تحياتنا | |
|
| |
عبد العزيز الدراش
عدد المساهمات : 131 تاريخ التسجيل : 08/04/2009
| موضوع: رد: لقاء الأسبوع مع مروة فتح الرحمن عمر دراش الأحد نوفمبر 08, 2009 10:33 pm | |
| الدكتورة / مروه ( ريحانة المنتدى ) لك تحياتنا وأشواقنا ..
أنا لي زمن من المنتدى .. لأسباب شخصية وكده .. لكن لما شفت طلتك قلت ما بفوتا ..
انا سمعت انك ما بتعرفي الا سلق البيض . هل الكلام ده صحيح ؟. ولو كان غلط ماهي افضل الاكلات التي تجيدي طبخها ؟.
لماذا معظم صديقاتك من المطمر ؟. واكثر زياراتك لاخوالك وخالات ؟.
====================================
الاسئلة دي خاصة من ماجدة :
ماهي المواصفات المطلوبة في رفيق الدرب وزوج المستقبل ؟.
هل ترضي بأن تكوني الزوجة الثانية ؟. | |
|
| |
MARWA
عدد المساهمات : 32 تاريخ التسجيل : 02/10/2009
| موضوع: رد: لقاء الأسبوع مع مروة فتح الرحمن عمر دراش الإثنين نوفمبر 09, 2009 9:07 pm | |
| السسسسسسسسسلام عليكم ...انا اعتذر عن هذا لانقطاع بسبب ظروف العمل ....و نواصل المشوار الاخ العزيز ابراهيم اشكرك على الاسئله الجميله عشان كده حابدا من الآخر ... يوم الخميس يعني السهر على كيفك يوم الاربعاء و تصحى بمزاجك مع انو الحكايه دي ما ميه الميه مع الوالد و الوالده و معناها انو في طلعه الكورنيش او الحدائق او لزيارة الاهل او استقبال الضيوف وقضاء وقت رائع محافظة القطيف كلها دائما في الذاكره خصوصا البحر و راءحته عند المد و اشجار التوت و اللوز في شارع المدرسه و لمة الاهل و الجيران و ليالي رمضان اشيد بهذا السؤال لان الكثير من اهلنا السودانيين في الداخل و الخارج يعتقدون ان الامر صعب بالنسبه لنا لكن انا شخصيا ما لقيت اي صعوبه الا في مادتي التاريخ و الجغرافيا و بخصوص هذا الموضوع انا عندي حكايه حاحكيها في مساحه تانيه | |
|
| |
MARWA
عدد المساهمات : 32 تاريخ التسجيل : 02/10/2009
| موضوع: رد: لقاء الأسبوع مع مروة فتح الرحمن عمر دراش الإثنين نوفمبر 09, 2009 10:40 pm | |
| الاخ العزيز حسن لك اجمل التحايا العطره و ااسف على التاخير ....
اجمل بيت شعر لشاعر لا اذكر اسمه يقول فيه سلام على الدنيا ان لم يكن بها صديق صدوق صادق الوعد مخلصا
اذا لم ادرس مختبرات لابد اني كنت سأدرس كل ما له علاقه بالسفر او مقابله اشخاص جدد كمضيفه طيران مثلا
في الحقيقه لا افكر في في شيء معين لكن كنت اتمنى لو ان الاخوات في المنتدى اشتراكهم يكون اكثر من كده | |
|
| |
MARWA
عدد المساهمات : 32 تاريخ التسجيل : 02/10/2009
| موضوع: رد: لقاء الأسبوع مع مروة فتح الرحمن عمر دراش الثلاثاء نوفمبر 10, 2009 12:16 am | |
| الاخ العزيز عبدالمنعم كيف الاحوال من مده طويله جدا ما شفناك .... على حسب علمي انها تبدأ من خور جرقا جنوبا و تنتهي عند منزل الخال عبدالمولى في حلة قدام خور جرقا يفصل بين حلة العشر و حلة النص في المطمر ...لقيتني كيف انا وردتا لكن ما فوق راسي و مره واحده زمان مشيت مع بنات الحله جبنا حطب لكن الحطب ده من زمان الناس خلوهو هذا السؤال صعب !! لكن اعجبني صالون محمد احمد سابقا | |
|
| |
خالدالشيخ عماري
عدد المساهمات : 31 تاريخ التسجيل : 21/05/2009 العمر : 50
| موضوع: رد: لقاء الأسبوع مع مروة فتح الرحمن عمر دراش الثلاثاء نوفمبر 10, 2009 1:37 am | |
| اولا عاطر التحايا لك اخت مروه ثانيا انا من اهلك مسلماب الغرب وممكن ما بتعرفيني الا من خلال الاسم ثالثا عايز اسألك سؤال بحكم اني عرفت انك كنتي خارج السودان لفتره طويله والسؤال هو ما اسم الشيخ المدفون في (القبه)الموجوده قرب المطمر وغرب السكة حديد؟؟اكرر الفي القبه واتمني لك التوفيق،،ملحوظه اتمني ان لا تستعيني بصديق ه | |
|
| |
ايناس فضل الباري
عدد المساهمات : 44 تاريخ التسجيل : 29/04/2009
| موضوع: رد: لقاء الأسبوع مع مروة فتح الرحمن عمر دراش الثلاثاء نوفمبر 10, 2009 1:57 am | |
| الظاهر اني جيت متأخرة شديد ،لكن الحمد لله الاسبوع لسه ما انتهى . مروة كيف الحال ،حأسألك سؤالين بس 1\رايك شنو في الناس اللوامين ،وفي اعتقادك هل عبارة (المادارك ما لامك )صحيحة .؟ 2\برضو رايك شنو في الناس الحاقاقين ،يعني مثلا في النساء تلقي الواحدة تقول ليك دي اديتها كذا في الكشف فلازم تجيب لي ،وناس زي ماعملت ليها لازم تعمل لي ؟؟ ولك التحية | |
|
| |
معاوية احمد عمر دراش
عدد المساهمات : 47 تاريخ التسجيل : 10/03/2009 العمر : 47
| موضوع: رد: لقاء الأسبوع مع مروة فتح الرحمن عمر دراش الثلاثاء نوفمبر 10, 2009 2:18 am | |
| الاخت مروة تحية طيبة لك وللاسرة وكيف احوالكم برضو جينا في اخر الاسبوع ولكن مازال الباب مفتوحآ 1/ امنية تحققت واخري لم تتحق؟؟ 2/ مروة في البيت؟ 3/يقال انك ضعيفة اجتماعيآ ما رأيك؟ | |
|
| |
أيمن فضل الباري المستشار الفني للمنتدى
عدد المساهمات : 186 تاريخ التسجيل : 16/03/2009 العمر : 44
| موضوع: رد: لقاء الأسبوع مع مروة فتح الرحمن عمر دراش الأربعاء نوفمبر 11, 2009 9:05 pm | |
| التحية للجميع والسلام عليكم ،، انا بعتذر نيابة عن الأخت (مرورة) انها ما ح تقدر ترد إلا يوم الخميس المساء وقالت عندها مشكلة في الإنترنت في مكان العمل وبصراحة انا و(إيناس) واجهتني نفس المشكلة (وبندر) برضو وهي انو لم ترسل الرد على الموضوع بيقوم النص ينمنحى ومرات بيحولك لصفحة الدخول من جديد .. انا بفتكر انو المشكلة دي من الإنترنت لاني في المكتب ما بلاقي اي مشكلة أبداً لانو الإنترنت عندنا سريع جداً بعكس البيت الشبكة ردئية خالص . عموماً نتوقع مروة يوم الخميس بإذن الله . | |
|
| |
الدحيش
عدد المساهمات : 498 تاريخ التسجيل : 08/04/2009
| موضوع: رد: لقاء الأسبوع مع مروة فتح الرحمن عمر دراش الخميس نوفمبر 12, 2009 2:41 pm | |
| نتمنى من الأخت (مريوه) أن تستطيع الرد على الأسئلة المطروحة لها .. أما بالنسبة للمشكلة يا أيمن فأن أيضاً حدثت لي .. وهي مشكلة تتعلق بإنتهاء الوقت المحدد لإتصال الصفحة مع الإنترنت دون إرسال أي بيانات (Time out) لذلك تفقد ملف (الكوكيزCookies) والذي يكون مسئول عن حفظ بياناتك الشخصية (الباسوورد) .. لذلك يحدث الإنقطاع ويطلب منك التسجيل بالدخول مرة أخري .. وحتى لا نفقد مشاركاتنا أنصح جميع الأخوة بعد كتابة المشاركة أن يظللوها بالماوس .. ويعملوا (نسخ) .. فإذا إنقطع الإتصال .. تدخل مرة ثانية .. وتعود مرة أخرى لمكان الردود .. وتعمل (لصق) .. | |
|
| |
MARWA
عدد المساهمات : 32 تاريخ التسجيل : 02/10/2009
| موضوع: رد: لقاء الأسبوع مع مروة فتح الرحمن عمر دراش الجمعة نوفمبر 13, 2009 6:13 am | |
| | |
|
| |
MARWA
عدد المساهمات : 32 تاريخ التسجيل : 02/10/2009
| موضوع: رد: لقاء الأسبوع مع مروة فتح الرحمن عمر دراش الجمعة نوفمبر 13, 2009 6:26 am | |
| | |
|
| |
MARWA
عدد المساهمات : 32 تاريخ التسجيل : 02/10/2009
| موضوع: رد: لقاء الأسبوع مع مروة فتح الرحمن عمر دراش الجمعة نوفمبر 13, 2009 6:47 am | |
| اعتذر عن نزول الموضوع مرتين ارجو من الاخ عبدو معالجة الموضوع.... الععععععععععم بهنس اخبارك شنو شكلك كده موضوع الخاله مروه ده عجبك ماشي لكن برضو ما بيخليك اصغر كنت امزح كل التحيه لك الاخ مجدي و بالرغم من انني لا املك الملكه الشعريه المرقنبيه او القرنبيه زيك لكن اعجبني الموضوع جدا و لا احفظ اي نوع من هذا الشعر لكن اعتقد على ما اذكر ان الشاعره روضه الحاج لديها الكثير من هذه النماذج | |
|
| |
| لقاء الأسبوع مع مروة فتح الرحمن عمر دراش | |
|