كلمة المسّار,,,,ماذا تعنى؟؟؟؟؟؟؟؟؟؟؟؟؟؟؟؟؟؟؟؟؟؟؟

شنو يا عمو بخبت قاصد المسار وللا شنو؟ بس ما وريتني معناها

انا ذاتى احترت يا مودة. هل هى جزء من غنية السيرة المعروفة بغنيها مرات محجوب كبوشية: دابى السار الرسا يا ليلة فوق اب دربا قسا.
ياهو دا يا بخيت ولا السار ده حاجة ثانية. وبرضو ورينا المعنى..

السلام عليكم .
الاستاذ :بخيت انا عارفة انو السؤال موجه لمودة لكن حأحاول في الاجابة .
اذا كنت قاصد المسّار فهو حسب كلام الوالد:جزء من السعف كان بيستخدم زمان في عمل (قطرة)لعلاج أمراض العيون .ان شاءالله الاجابة تكون صحيحة .

الاخوة الاعزاء شىء جميل ان يلاقى السؤال هذا الاهتمام ومداخلة الاخ الدحيش جميلة جدا ولكن قد سبقته العزيزة ايناس بالاجابة الصحيحة وطبعا كان السؤال للعزيزة مودة ولكن عندما انتقل السؤال لهذا المنتدى اصبح السؤال عام واشكر كل من ادلى بدلوه


المسّّّّّّّار) وهو بتشديد السين ويعنى وكما ذكرت ايناس وكذلك عقب الدحيش جزء من (السعف) ولكن ليس اى جزء كما ذكر الاخوان بل هو يعنى موية الشعر الناعم الموجود على اطراف السعف ,,يجمع ويوضع فى فنجان او كباية ويوضع لبعض الوقت ,, بعدها يقطر فى العين وخاصة لعين المريض(بالحصبة)و(الايرقان)

والاخ الدحيش سرد ان هنالك ثلاثة تقسيمات للحنقوق والسعف والقندور... غايتو انا عارف ان الحنقوق هى الاعواد القوية وجافة من سعف النخيل وطبعا له ناس متخصصين لقطع السعف وعمل التشقيق للسعف حتى يصبح بشكله الرفيع وجاف وقاسى ويسمى (حنقوقا) واما السعف فهو عريض وعندما يبل بالماء يصبح لين وطرى والقندورة وهو اسم يطلق على الفردة الواحدة من الحنقوق وتسمى (قندورة) ..يلف السعف على الحنقوق بشكل دائرى ولكنه مائل ويعمل بعد ذلك وبطريقة فنية دقيقة يصنع (الطبق )و(البرتال)و (الصفرة) وارجو من الاخ الدحيش ان يتصل بالخالة العزيزة كلتوم ويعرف منها وبطرقة صحيحة كل ما ذكر سابقا ويسرد لنا بالتفصيل الممل كل شىء عن السعف والشفاية و(الاشفة)و(البرتال) و(الوصاية)

لنا عودة واتمنى من كل الحضور الانتظار حتى يصل الاستاذ الدحيش بالخبر اليقين والكل مطوب منه ان يعلق بعد ذلك او يسأل اى سؤال عن هذه المادة الدسمة,,,,,,,,,,,,,,

ومن الحتانة سلاااااااااااااااااام

مع اننا مشينا وما زلنا بنمشى البلد لكن والله يا بخيت الكلمات الاخيرة دى ماسمعتا بيها معرفتى لحدى الاشفة والسعف والحنقوق والطبق . يعنى الحاجات الكبيرة كبيرة لكن الكلام المتخصص دى عنده اهله وهم اكثر دراية ومعرفة ومنهم ننهل ونتعلم.

وياريت لو صاحب الموضوع بعض الصور التوضيحية.