لقاء الإسبوع مع بندر شاه

سنعاود باب لقاء الإسبوع الذى توقف لأسباب خاصة وسيكون ضيف الإسبوع على الكرسى الساخن العضو بندرشاه أحمد عثمان النعيمة فمرحباً به ونتمنى من الأعضاء التفاعل مع اللقاء وإثراءه كما ونوعا




ومن الحتانة سلاااااااااااااااااااااااااااام

مرحبا بالاخ الكريم الفاضل اخونا /بندر شاه city king ...انا عندى ليك ثلاثة اسئلة :
1/نرجو ان تعرف نفسك تعريفا شاملا وكاملا .
2/انطباعك عن منتدى الحتانة واهل الحتانة ,وما هو الشىء الذى يميز اهل الحتانة .
3/ كيف تعرفت على الاعضاء فى افطار رمضان وهل الصورة الموجودة فى البروفايل اعطتك انطباع عن ما كنت تتوفعه .
ولك اطيب التحايا منى .

الاخ العزيز حسن والاخ عبده السلام عليكم ورحمة الله وبركاتة

انا بندر احمد عثمان احمد النعيمة محمد النعيمة
جدتي من جهة ابي هي خديجة بت صديق
والدتي ليلي بشير محمد بشير يس
جدتي من جهة امي هي فاطمة عبدالسلام صديق (الرتينة)
وجدة امي هي امنة بت الامام (بت الجعلي)
اسكن الامتداد مربع 4
ارجو ان يكون تعريف كافي واذا في اي سؤال تاني ممكن

انطباعي علي منتدي الحتانة جميل جدا واهل الحتانة اطيب ناس في المحمية واحسنهم (علي حسب راي)ما اظن انو يكون خطاء فهم ناس دائما بشوشين ومتواضعين

ناس الافطار عرفتهم كيف=طبعا صحابك مفتح(انا اصلا بعرف ناس كتار منهم عبده ومن عبده عرفتا السمؤل ومن السمؤل عفتا عدد تاني وهكذا من غير ما ادخل في احراج )

صورتك ياحسن في البروفايل من اوضح الصور عشان كدا انا كنتا بسأل من صاحبها
في كتير من الاعضاء خاتين صور بس صورتك اوضحهم ومميزه

اولا" احــــي العضو النشــــط في المنتدي وخارج المنتدي وفي المجاملات الاجتماعية الاخ بندر
سؤالي للاخ بندر : ما هو فنانك المفضــــل ؟

هههههههههههههههههههههههههههههههههههههههههههههههههههههههههههههههههههههههههههههههههههههه

عرفتو؟؟؟؟

الاخ بندر لك التحية وشكرا علي ابراز بطاقتك الشخصية بصراحة انا من الصورة قايلك اخو محمد عوض عبد الرحمن الشبه شديد . سؤالي
شخصيات من الحتانة تمنيت تلاقيهم ؟
رتب الاتي من الجنوب الي الشمال ؟
فريق الدروشاب , فريق أم بور , فريق النص
وشكرا...

الاخ وبن العم الفاضل / بندر شاه
اولا لك التحية على المشاركة الدائمة واعلم انك تقوم بادوار كبيرة فى المنتدى واتمنى لك التوفيق . طيب نذهب للاسئلة .
1/ هل زرت قرية الحتانة . واذا كانت الاجابة بلا هل وضعت برنامج للزيارة .
2/اذكر لنا شخصيتين من الحتانة : احدهما مرح وبتاع ونسة والاخر هادى وخجول .
3/ من من افراد المنتدى تربطهم بك معزة شديدة .
4/ فريقك فى كرة القدم من السودان والاخر عربيا .
5/ تحدث عن هزيمة الهلال من مازمبى بالخمسة (فى سطرين فقط ).
لك عاطر الاشواق وبالتوفيق باذن الله .

ه

الاخ ابو ريناد والاخ جعفر
اسف علي التاخير
وانا الان في المكتب مشغول شوية
وان شاء الله بعد المغرب سارد علي جميع الاسئلة
سلاااااااااااااااااااااام

الاخ الموقر / بندر شاه احمد
اتمنى ان توفق على الاجابة ولك اطيب التحايا
1/ فى الحتانة جبل اسمه الحننة من هى الحننة ست الاسم .
2/ هل تعرف ام تكشوا .
3/ بالنسبة لى انا من هم الاعضاء القريبين لى من ناحية النسب فى المنتدى .
4/ لماذا سميت بندر شاه وعلى من من الاهل .
5/ ماهى السورة من القران التى تداوم على قرائتها باستمرار ... ومن هو الصحابى الذى اعجبت بقصته.
6/ موقف طريف مر بك ... او موقف محرج .(اختار واحد).
مع خالص شكرى واحترامى لك . اخوك ناجى الباقر الشيخ على محمد الفكى سنوسى .

انا بطلب تقيمك لشخصيتك .. يا أخ بندر :
1- هل انت مزاجي ؟
2- هل انت كثير اللوم ؟؟
3- هل انت سريع الغضب ام انك تحب المرح ؟

الاخ الكريم ابو ريناد
والله انا اسف جداً اني ما بعرف الحتانة وما حصل زرتها (شفتا المصيبه دي..) لكن ان شاء الله قريب حا ازورها

الاخ العزيز جعفر العطا سلام
1/ ما حصل مشيت الحتانة وكنتا ناوي في العيد الصغير لكن مشيت بورسودان وان شاء الله في العيد الكبير

2/زول مرح طبعاً مجدي اما زول هادي محمد بخيت لكن ما معناه خجول (وانا معرفتي بمحمد بخيت كانت لحظات لكن انطباعي عنو انو زول هادي)

3/والله زول تربطني به معزه شديده كتار لكن اذا كان لابد من التحديد ممكن نقول هيثم و ايمن لانهم اقرب لي في العمر (معا انهم اكبر مني) وبعرفهم من قبل المنتدي

4/ فريق كورة مفضل المريخ عربياً ما عندي معاها شغله(حتي السودانية برضو ما عندي معاها شغله لكن بحب المريخ)

5/ هزيمة الهلال لا تحتاج الي سطرين انما كلمتين (فضيحه كبري)
ولك تحياتي

الاخ بند تحياتي اتمني تزور الحتانة لكي تتعرف بعمق علي اهلك هناك وطيبتهم الشفافة ولا تنسي بتوقيع اسمك في صفحات جبل أم بور ... وشكرا

اخونا ناجي الباقر كيف حال
1/ عدم المعرفة هي اجابة السؤال الاول طبعاً
2/ام تكشو بعرفها حق المعرفة يا ناجي (ده سؤال حناكيش)
3/اسمي بندر فقط وما في زول من الاهل اسمو بندر يمكن يكون الامير بندر بتاع السعودية (اصلو ابوي كان في السعودية)
4/ يمكن يكون اكتر سورة بقراها هي صورة غافر (مؤمن ال فرعون الذي كان يدعو قومة الي النجاة ويدعونة الي النار)
5/ موقف طريف مر بي وكان محرج في نفس الوقت و صدفة غريبة جد ومفاجاة بالنسبة لي الواحد يمكن ما صديقة
هو انو عندما كنا ندرس في الثانوي (الصف الثاني بالتحديد) كنا شلة من ستة اشخاص اصحاب جداً وانا كنت متزعم المجموعة
وكان في واحد اسمو ابراهيم زمراوي (محسي )جاي من كرمة البلد جديد كرت واول مرة يستقر في الخرطوم .. المهم هو
انضما لي مجموعتنا .. وكنت مكرهو العيشا باني كنتا بقول ليهو (المحسي للعماري الجيد ) والحكاية دي كانت غايظاهو جدا
خصوصا مني لانو اذا قالا اي واحد تاني كان بشاكلو لكن انا ما بقدر يشاكلني .. بعد فترة من الهظار ده مرة يوم خميس وقت
الفطور قال لي يا بندر انا من ما جيت من كرمة ما حصل لقيت لي محل اسمو المحسي للعماري الجيد ..قالتا ليهو في كتير
واذا عايز واحد اركب مواصلات ابو حمامه وفي الطريق في ركن سبق الخيل مقابل السوق الشعبي بتلقي واحد ..قال لي
انا بكرة الجمعة اصلا ماش لي خالي في السجانة وحا اشوف....صاحبنا جاني يوم السبت بضحك ضحك هستيري جدا
و انا بقول في شنو يا اخونا وهو يزيد في الضحك ..في شنو يا ابراهيم يضحك ويقول لي قلبوها قلبوها .. اقول قلبوها كيف
بقيت الجعلي للعمار الجيد يواصل في الضحك اكتر ويقول لي ياريت .. قلبوها قلبوها .. زهجتا منو وقلتا اتكلم في شنو قال
لي قلبوها البندر للعماري الجيد وانا من اليوم داك كل ما اشوف الافته بتغاظ جدا

الاخ ايمن
1/هل انت مزاجي = نعم
2/هل انت كثير اللوم = لا
3/هل انت سريع الغضب ام تحب المرح= الاثنين معاً

مرحب بندر بسأل إختيار بندر ل بندر شاه

الاخ الوقور صاحب الحضور المتواصل (ماشاء الله). بندر شاه
السلام عليكم ورحمة الله وبركاته
1/ اسعد يوم مر بك فى حياتك .
2/ طبق اكل تحبه كثيرا ... وهل تحب الملوحة .
3/ يقولون ان المؤمن حلوى , ما صحة هذا الكلام .
4/ هل انت شخص مسامح .

ولك الشكر واتمنى السماح على الاطالة .

الاخ سيف
وعليك السلام
1/ يوم مشيت العمرة
2/طبق مفضل =بامية .. الملوحة اكرهه (شوفتها بس كرهتها)
3/حديث المؤمن حلوي موضوع علي ما اظن
4/مسامح ؟؟....نعم

المؤمن حلوى موضوع لكن صح عنه صلى الله عليه وسلم انه كان يحب الحلوى والعسل وليس معنى ذلك أنه كان يأكل كل ماتشتهيه نفسه أوانه كان يأكل منهما حتى يشبع بل كمل قلت عائشة رضى الله عنها أنه ماملا بطنه من دقل التمر أى رديئه صلى الله عليه وسلم وعذراً بندر على المداخلة فى بابك




ومن الحتانة سلاااااااااااااااااااااااااااام

سلام اخ بندر....,,

1-ماهومجال دراستك؟ وهل كنت تتمنى مجال اخر؟

2-دولة تتمنى زيارتها ؟

3-دعاء تردده دائما ؟

تحياتي...

-انا درست علوم حاسوب في جامعة الجزيرة وكنت اتمني ان اكون طيار؟؟!!!

2-سوريا

3-اللهم اعني علي ذكرك وشكرك وحسن عباتك.. وهذا الدعاء علمه الرسول صلي الله عليه وسلم لمعاذ واوصاه بان يحافظ عليه دبر كل صلاة