من روائع صور الحتانة

*****************(توضيح وتصحيح)******************

صور جميله و رائعة .. تعكس مدى الذوق و الحس الفنى للذى إلتقط هذه الصور ... نرجو المزيد منها

بعدين يا ناديه ما تستغربى من معرفة ياسر بالزريبه .. لأنو عندو فيها زكريات كتيره .. و ثانياً الحله كانت حقت طيبه .. أكل فيها قبل ما ياكلو فيها الغنم

إنت قايل يا طلال الحله دى بستعملوها لشراب المويه ..؟؟

أبداً .. الغنم معروف ما برتاحوا لشراب المويه إلا من الطشط حمب البير أو جمب البيت ..

و إنت كان وريت أمك الكلام ده .. ما كنت سألتنى .

لأنو أمك كان قالت ليك .. الحله ده ممكن يكون كابين فيها عيش " زرة " .. لأنو ما ممكن يشتتوهو ليهم فى الأرض ... حا يلقـّطوهو كيف ؟ !!

أو كانت قالت ليك .. الحله دى ممكن يكون فيها ملاح عدس بايت و مخمـِر ..

و على فكره .. ليس كل أكلٍ يؤكل .. و ليس كل شرابٍ يشرب

فمثلاً المديده تـُشرب شراب .. و هى تعتبر أكـْلة .

و العدس ممكن يكون تخين ياكلوهو بالعيش .. و ممكن يكون شوربه .

و الأيسكريم يؤكل .. لكن إذا تركته لمدة من الزمن .. تانى إلا تشربو شراب . و الأمثله كتيره .

و يا عزيزى .. هذه الحله تستعمل عادة لعمل المواصة للغنم ..

و المواصه هى أكـْلة تشرب شراب .. سهلة الصنع .. " دقيق زايد مويه " ..

و الغنم تحب هذه الأكلة حباً جما .. و إلى زمن قريب كانت تستعمل هذه المواصة لتسمين البنات ..

ممكن تسأل أمك ...

و بعد أن تركت البنات مشاريع التسمين .. أصبحت المواصه تعمل للغنم فقط .

هذا ما لزم توضيحه .. و شكراً
،،،،،،،،،،،،،،،،،،،،،،،،،،،،،،