بت ملوك النيل

موضوع: بت ملوك النيل الإثنين يوليو 13, 2009 11:35 pm

بت ملوك النيل
دى السمحة ياخلان خديها عنابة

عينيها زى الريل سهاما نشًابة

لو تمشى تتنى خطواتا جذابًة

خلت خلائق الله قلوبا تتشابى

غابت كتير عنى وماعرفت أسبابا

لوعات قليب حانى مرسومة فى بابا

من ريد فريع البان أشواقنا غلاًَبا

وعيونا ياخلة دموعا صبًابة

زى برق السما اللامع لو يوم بسم نابا

دى الصيدة عينيها وناعسة أهدابا

مبنقدر نبوح بالسر قلوبنا هيًابا

دى الصغيرونة الفرهدت دابا
مشيها بى قدلة مابتمشى خبًابة

همساتا فى قلبى أنغاما ربًابة

تتعطر الدنيا لو يوم قدر جابا

حلو الحديث حافظا ماها كضًابة

ماها لعانـــــــة و للجيرة سبًابة

هميمة بالضـيفان ماها لـــعًابة

مشتولة فى قلبى مافى عيب شابا

عاجبانى بى توبا والحشمة فى حجابا

وفى الطبع زينة لى حقوقنا حسًابا

لىَ ذكرتا العطرة ريح الشمال جابا

دى بت ملوك النيل وأنا أصلى نسابة

مالوالقدر خلِى يتعامى يتغابا

كل ماأقول ألقاك أقدارى بس تابا

القسمة لوحكمت قلوبنا ترضابا

بصبر وأتم صبرى محبوبى لو يابا

الزبير محمد أحمد ( مكتبة المجرة 13/ يوليو2009 )

عدد المساهمات : 498 تاريخ التسجيل : 08/04/2009

والله حيرتنا عديييييييل يا مولانا .. طيب نحن نكتب شنو
على كل حال مشكور على الكلمات الجميلة دي

» الدوره الرياضيه بقطاع النيل