نحمد ربنا الفرج الضيق
حقق المراد كفانا شر المعيق
يا الحفارة بيركك إرتفع (عيق)
غاظ العدو افرح الصديق
______________
ياصديق الحظ التعيس إنذبح
كبار وصغار غمرن الفرح
زال الغم القلب إنشرح
بعد أيام مويتنا فوق للجبال تنتح
ـــــــــــــــــــــــــــــــــــــــــــــــــــــــ
ياناجي وثق بي تأني
دا اليوم المن زمان متمني
قرين الشعر الليلة طفش مني
إلا سمع أضاني أرض الحتانة تزغرد وتغني
ـــــــــــــــــــــــــــــــــــــــــــــــــــــــــــــــــــــــ
والله يا أبو عثمان الإحتفال طلع تمام
نشكر من فرح بفرحنا نرفع ليه التمام
جيل المستقبل علمناه كيف يكون همام
مافيش تاني رجعه الرمي قــــــــــــــدام
ــــــــــــــــــــــــــــــــــــــــــــــــــــــــــــــــــ
كل الحضر سعيو مشكور
الغايب عايش معانا بإحساس وشعور
يا جيل الحتانة إنشاالله دايما منصور
أجرك ثابت عندالكريم والمشكور
ـــــــــــــــــــــــــــــــــــــــــــــــــــــــــــــــــــــ
مهندس قدير في كل شيء بتمهل
ضربة البداية اخبر جابو أبو منهل
نحمد ربنا اللأمر سهل
مويتنا تاني تروي الوديان والسهل
[left] ذوالفقار الأمين 23 /6 /2009م