نحن أولاد الحتانة

نحن ما بجمعنا وبفرقنا النت الفي الهواء
نحن أولاد الحتانة محبة وتكاتف وقوة
نخدم بعضنا بي اخلاص ما عشان يقولوا فلان سوا
ان زرتنا يا زاير تشعر كأنك بتجمعك بينا من قديم خوة
لسانا عفيف عينا أمينة ما فينا الشين سوا
ما بتعرف قلوبنا ضغينة صافي من جوة
ما عاش بيناتنا الخملة قاطع المروة
نحنا لي عليل النفس شفاء ودواء
احتار عدونا بي نار كيدو انكوى
نحنا صقر الجو الفوق فريستو خوا
نحنا روحنا واحدي اتقسمت من امبور لي ناس حوا
رحمة الله السابقين الزرعوا فينا أعظم نوا

السلام عليكم ورحمة الله وبركاته ,,
الاخ الكريم / ذوالفقار الامين ... لك التحايا والود ,,, الابات الجميلات المعبرات اعلاه ... نحن في اشد الحوجة لهم الان فيارات كلنا نتاثر بهذا الحماس ونسعي ونجتهد بان نترجمه علي ارض الواقع فالقوة الان بالتعاون والاتفاق ووحدة الراي والمشورة لنتقدم بالحتانة للامام وبخطوات ثابتة ومدروسة وعاوزين نشوف مساهماتك وابياتك الحماسية والله الموفق ودمت ,,,,