المنتدى العام ..

والله يا الدحيش فعلاً المنتدى العام بقي مليان جداً وانا نقلت كلامك لبخيت بس ما بقدر امسح حاجة براي نرجو من الإدارة تمسح كل ما هو ذو فائدة وقتية يعني مواضيع الترحيب وما شابه ذلك او يتم المسح بصورة عشوائية يعني نمسح محتوى شهر مضى او شهرين ،، او يا بخيت ادي زول تاني الإذن وهو يحاول يقدر المفيد والفايدتو اقل ويدلتو . وانت برضو امسح بطريقتك لانو المواضيع كتيرة وتنقيحها فعلا داير زمن

ممكن يا ايمن تقسموا المواضيع بتاعتو
يعني ممكن تعملو قسم للمواضيع الاسلامية وقسم للطرائف تعملو ليهم منتديات براهم

داخل من قبيل .. لكن إنت ما ظاهر لي إنك داخل ..!! غيرت إيميلك وللا شنو ..؟ مش bubaraa@hotmail.com

حكاية المسح العشوائي دي ما جميلة .. واي زول بيفتكر مساهمتــو عندها قيمة ولو ما كده ما كان ساهم بيها .. بس انا بقترح عدة اقتراحات امكن تساهم في حل المشكلة :
1/ انو جميع الاعضاء في المنتدي يحرصــوا علي عدم نقـــل مواضيع من النت .. لانو النت متوفر لاي زول واي زول ممكن يبحث عن الشئ الدايرو في النت .
2/ حكاية ( المنتدي العام ) دي كلمة فضـفاضـة .. عشان كده يتلغي المنتدي العام ويتقسم الي :
اســـلاميات / فكاهة وطرائـــف / قصــص واحاديث / شخصيات واســماء / تاريخ وجغرافية المنطقــة / قصائد واشعار / وهكذا انشاء الله عشرة اقســام عشان اي زول يدخل القسم البيلقــي فيهو نفســو .
3/ ممكن ادارة المنتدي تعمل ايام للمواضيع الجديدة مثلا يومي الخميس والجمعة ( او اي يومين ) من كل اسبوع وباقي الايام تكون خاصية انك ترسل مساهمة دي ما موجودة يعني ممكن ترد علي مواضيع مكتوبة بس , ما عارف دي ممكن ولا لا .
4/ دمتــم ســالمين .

إقتراح جميل يا هيثم وانا من المؤيدين

في حاجة تانية انو الآن المنتدى بالجد بقي صعب التصفح ممكن نقفل المنتدى العام حالياً يعني ما في مساهمات جديدة .ونعمل المنتدى العام الثاني ونقسمو للأقسام المطروحة من قبل هيثم وود القراي وانا بشوف انها ما تكون اقسام كتيرة لانو التصفح برضو حيكون صعب وفي الفترة دي نحاول نرتب المنتدى العام القديم . وانا بقترح انو اي ترحيب عمرو ما يزيد اكتر من اسبوع .

اقتراح جميل وبنظم العرض والاستعراض ياهيثم وبضيف عليه الآتى:

1/ ان يتم مسح لكل موضوع يتم مدة ........ يتم تحديدها بناء على ادارة المنتدى. مثلا يتم مسح المواضيع بعد اسبوع فى حالة عدم تجاوب الاعضاء. ثم يتم مسح المواضيع تصاعديا بناء على التجاوب والمدة بتاعة العرض.

2/ وممكن عمل جدول لكل موضوع مثلا المواضيع الاسلامية يتم مسحها بعد كذا، المواضيع الثقافية يتم مسحها بعد كذا وبعتقد كل الاعضاء بكونوا عارفين الموضوع كذا بتمسح بعد كذا؟؟؟؟

3/ بقترح اقتراح هل ممكن عمل حافظات للمواضيع ولا لا؟؟ . انا ما عندى خبرة كثيرة فى الاشياء دى.

انا بأيد اقتراح هيثم ونادية ومن شدة المنتدى بقى مواضيعو كتيرة وفقد حيوتو بقيت ما بخشو رجاء من الادارة شوفو لينا حل عاجل

والله يا أخوان الاقتراحات كلها جميلة لكن انا شايف المفروض نعرف سبب (الزحمه شنو) ؟
أنا غايتو ما عارف لكن شايف وبكل صراحه كثرة الردود مرات بتكون اكتر من اللازم فى الموضوع الواحد
ومن نفس الاشخاص فى كل المواضيع مما يسبب ربكة وزحمة والمفروض أذا كان عندى رد فى موضوع ما
ولقيت هناك رد مطابق لما أريد كتابته من عضو آخر يبقى مافى داعى ارد اصلاً .
وبصراحة أكتر لما تخش الموقع وتشوف الشرط الجانبى للمواضيع الاخيرة تلقى عضو واحد معلق على كل
المواضيع يعنى صاحب الموضوع الاصلى عشان تعرفوا تبقى حكاية .

,والله يا مجدي انا معاك ،، فعلا يا ناجي كترة الردود ده هو المطلوب ومرات كتيرة بتكون الردود حلوة وذات فائده وبالاخص إذا كان الموضوع اصلا موضوع نقاش وشورى .
ويا مجدي كلامك كويس بس مفروض المواضيع البنختارها تكون مواضيع هادفه ومثيرة عشان تلقي تفاعلية من الأعضاء والقصة ما في انو الواحد يجيب مواضيع كتيرة القصة في انو الزول يجيب مواضيع تظل باقية وما تموت .يعني الواحد مفروض يشتغل (معد) والإعداد ده حاجة ما ساهلة يعني الواحد يفكر في الموضوع ومدى مشاركةالناس والفائدة منو شنو .
وانا بركز على كلام هيثم في تحديد أيام للمواضيع الجديدة وباقي الأيام ردود
ودمتم ..
وشكرا ..
..

معليش جيتكم تاني ..
ومفروض يا شباب ما ننسى الهدف الأساسي من المنتدى ويكون دايما نصب أعيننا .
وهو لم الشمل وخدمة اهلنا وتطوير الحتانة .
والحمد لله اهم هدف ماشي كويس (لم الشمل ) والمنتدى الآن يفوق المئة.وماشين
2- المكتبة وهو موضوع عمنا فتح الرحمن أحمد عمر.
3- التكافل الطبي وده موضوع أخونا السنده .
وفي ناس تاني بيجيبو مواضيع جميلة وما معنى كده انو الباقين ما بيقدروا بس دي موهبة وانا بالذات ما بعرف اختار المواضيع الجميلة لكن لازم اشارك عشان كده بحاول اكتر من الردود عشان ما انفطع من الناس ومرات قليلة بشارك بمواضيع جديدة .
ودمتم طيبين .

خوةالاعزء

تحياتى الطيبة
اشكركم جميعا والكل يتطلع للاحسن والكل ينشد التطور والكل
يسعده ان نكون فوق هامات السحب نشابى للنجوم ونغازل القمر,,

معاك اخى الدحيش ان المنتدى اصبحت مواضيعه رتيبةو صعب التصفح والمواضيع غير جديدة اكثرهامنقول,,

اريد مقترحاتكما نريد افكار جديدة وليس 4 123 اريد شخص ان

ياتى بفكرة واحدةويتبناها ويتعب فى جمع مادتها ويعمل لها
اعداد واخراج والكل يمكن ان يساعده بمالديه من دعم او مشاركه,,
الاخ ايمن مشكور قد ارسل رسالةواوضح ان المواضيع اصبحت كثيرة والتصفح اصبح صعب ومملك كما ذكر الدحيش وانا هنا

لى بعض الاقتراحات بالاضافة لبعض ما جاء منكم وامل الموفقة
عليها:
1) كل مشرف يقوم بترتيب المنتدى الذى يشرف عليه وذلك بحذف

المواضييع القديمة وغير حيويةوغير متحركة وجامدة وله الحق
فى اضافة استقطاب افكار جديدة تنشط المنتدى ,,
2) تجنب المواضيع الطويلة(المنقولة) وخاصة الدينية بقدر الامكان,, والباحث عن مواضيع بعينها سوف يجدها فى الشبكة’

3) الالتزام بقواعد الحوار وتبادل الاراء والافار دون مطاولات
واخذ المواضيع بجدية
4) الرجاء من جميع المشرفين تحديد فترة زمنية معينة للمواضيع ثم حذفهاعلى حسب أهميتها

و من الحتانه سلااااااااااااااااااام
بخيت الحاج

السلام عليكم الملاحظة الأولى أن الذين جأروا بالشكوى هم من أوائل المسجلين فشى طبيعى أن يكونو قد مروا على أغلب المواضيع الملاحظة الثانية عدد المشتركين كان قليلا فى البداية ولذلك كانت تقل التعليقات وإذا أردتم التأكد إذهبوا للمواضيع الأولى ثالثاً كثير من المشتركين لا يكتبون فإما هم من المطلعين فقط أو من المعلقين لكن لا يبحثون عن أبواب ويتبنونها ويحركونها رابعاً ياإخوان منتدانا مبتدئ يادوب بعض المنتديات باب المجادعات فقط يتكون من 16 صفحة فى كل صفحة 11مشاركة وقس على ذلك خامسا نفتقد للناس الذين يحركون المواضيع بإنتظام وتسلسل فكثير من المشتركين يبدأون التصفح من الشريط المتحرك للمواضيع الأخيره وينتهون عنده سادساً ياأخوان أصبروا شوية ولا تتضجروا السبب الأساسى فى كل هذا قلة عددنا ومع ذلك الحمد لله إستطعنا أن نصنع المستحيل والله أنا شخصياً ماكنت متخيل هذا النجاح فى هذه الفترة الوجيزة وظهرت بيننا مواهب وإتعرفنا على جوانب خفية من الأعضاء ووجدنا منبراً إعلامياً يتحدث بإسم الجمعية ونستمتع بمناكفات مجدى وسراج وبين الحين والآخر تجد الجديد المفيد ومع كثره مشاغل الإخوان تجدهم يجتهدون وبعضهم يقتطع من قوت عياله حتى يظل المنتدى فتياً قوياً فأعطوا الناس فرصة حتى يقرأوا وبعض المواضيع توثيقيه نريد أن نعمل لها محفظة وأرشفة أدونا فرصة ننقل وشكراً

والله ياأخوان أنا مجتهد لما ألقى موضوع منقول ومكرر قاعد أحذفه وهذا حدث أكثر من مرة وبعض العبارات التى أرى أن غيرها أفضل منها بغيرها وأجتهد فى تحريك بعض المواضيع السابقة وحاجات كتيرة كدى عاينو للنصف الممتلئ من الكوب وحتى نكون عمليين فأى واحد بيرى أنوفى موضوع يحتاج لحذف وخاصة لو موضوع كاتبو هو يرسل لى رسالة كما يفعل أخونا مجدى عوض فبذلك نكون كلنا شاركنا أو ساهمنا فى إدارة المنتدى وكدى حانعرف البحب ينظر بس وينتقد والذى فعلا له دور فى البناء وحمل الطوب والماء

طالما هنالك شفافيه ووضوح دعوني ادلو براي في هذا الموضوع ولكم حق القبول اوالرفض

اقول وبوضوح شديد واوجه رساله شديده اللهجه للجميع ان المواضيع الهايفه التي لاتخدم الغرض وليس هي من اهداف المنتدي تحذف من قبل الاداره قبل ان تنزل للاعضاء للمداوله والمناقشه . وادلل بموضوع الاخ عاشق الحتانه عن مواقع الاباحه وكيف تفتح واقول مهما كان القصد والغرض من اثاره مثل هذه المواضيع لانقبلها في منتدانا الطاهر حتي وان كانت من اجل الدعابه . وذكرت هذا الموضوع في المتدي ولم اخص به الاخ عاشق الحتانه في بريده مع علمي انه لم يقصد شي الا اخر السطور من هذا المقال حتي لايكتب لنا غيره مثل هذه المواضيع التي لاتفيد لا في الموضوع ولا حتي الردود عليها
اخوتي قد يقول قائل ليس في موضوع الاخ عاشق الحتانه شيي ولكني اقول ان الاطلاع علي الاسم فقط علي جانب الشريط يعني الكثير مع العلم ان الموضوع يختلف تماما عن العنوان ولكل ذلك اكرر ابعدو من الكتابه في مثل هذه المواضيع ودعونا نكون عنوانا لبقيه المنتديات في المواضيع التي تحمل المعني في عنوانها والمضمون داخلها والله من وراء القصد

الاخ ابو عروة

السلام عليكم ورحمة الله,,,
انا شايف جميعنا نتكلوم وكل واحد يعيد ويضيف ولكن دعونا نجلس وننظر فى الاقتراحات المقدمة وعلينا ان نعمل عليها او ناتى ببديل
للاقتراحات,
ارى ان ملخص كلامك ان تريد ان لا نحذف المواد الارشيفيةوالمهمة,
ولكن لم ترد علينا باننا نريد ان نحذف بعض المواضيع والتى لم تضيف ولا تضيف واقترحت على كل مشرف منتدى له الحرية ان يحذف ويشذب ويطور منتداه,,
لكن مامعقول واحد يقول اقتراح الاخر يجى ويقول انا فى راى كذا وكذا
ويقول انت با فلان ذكرت كدى وكدى........

ماحا نصل لحل,,,,,

اخى ابو عروة الاخ الدحيش والاخ مجدى قالوا ان المنتدى اصبح ممل وانا
من رايهم ويجب ان نفعل ونعمل على التطوير (مثال عملك للقاء الاسبوع) وهو موضوع تنشيطى جميل جدا,,,,,
ولذلك نسعى للتطوير وعمل مواضيع جديدة مجدده لنشاط المنتدى واقترحنا على ان يسعى كل مشرف على تطوير منتداه وافتكر هذا اقتراح
مطلوب وشىء جميل ,,,
الاخ ايمن ذكر ان السيرفر اصبح مثقل بالمواضيع واصبح صعب التصفح
فنرى من الان احسن نحذف المواضيع القديمة والمنقولة والغير نشطة
والتى يمكن الحصول عليها فى اى وقت تريد

فارجوا يا اخوان الرجوع للاقتراحات وافادتناكيف نعمل لتطوير المنتدى وطرد الرتابة وتسهيل التصفح؟؟؟؟؟؟؟ظ؟؟؟ظ

ولكم جميعا جزيل الشكر وكلنا هدفنا واحد

ومن الحتانة سلاااااااااااااااااااام
[b]