مرحي بخيلاني الكرام

[i] والله العظيم لقد فرحت فرحا شديدا وانا اتصفح النت ووجدت منتدي الحتانة ؛ وفرحت اكثر عندما وجدت

اانه فعلا يخص [b]( حتانتنا العزيزة ) فقد كنت احسب انه تشابه في الاسم ؛ ولكني عندما وجدت كل الاهل الكرام وكل الاخوان والاصدقاء فرحت جدا

فالحتانة درة غالية باهلها الغالين ؛ وهم اهل يشهد الله انني اعزهم جدا واحبهم عن بكرة ابيهم

طبعا انا من فرحتي دخلت شمال دون حتي التعريف بنفسي

انا : ياسر احمد محمد حامد

اللقب : ابو السيد

انتمي للحتانة بأمي - الله يمد في ايامها - وهي من النعيماب

اسكن سقادي شرق وحاليا اهلي بشندي ؛ انا حاليا بالسعودية - الرياض ؛ ربنا يرد غربتنا سالمين غانمين

الحتانة ...
درة مصونة وهي امانة
لما نكون في حالة الضيق ؛ بالصدر الحاني بتلقانا
اعشق قيزانا ووديانا
ا اعشق اشجارا وانسانا


لكم التحية اهلي الكرام مع الوعد بالتواصل دوما

اخوتي الغالين الدحيش وياسر سليمان والله مشتاق ليكم شوق بحر ؛ بالله كيف اخباركم واخبار كل الاهل
اخي وابن خالتي وصديقي العزيز الدحيش

والله مشتاقين جدا جدا ؛ وانا عارف اني متلوم جدا في كل الناس ؛ بس انت عارف الاجازة وبهدلتها ؛ تجي وتسافر هنا وهنا والشهر ينتهي ؛ بس والله العظيم سألت عليك وعرفت انو اتزوجت - ماشاء الله - وساكن في الحاج يوسف او الدروشاب ؛ بالله تحياتي للمدام والعيال
وبالله اخبارك شنو يا دحيش ؟؟ كم سنة بالله ؟من جامعة السودان 1993 وتاني عيك ؛ لك تحياتي مع الوعد بالتواصل دوما

اخي وابن خالتي وصديقي العزيز ود سليمان

لك تحياتي واشواقي ؛ اخبارك والاسرة الصغيرة والكبيرة شنو ؟ تحياتي بالله يا ابو اليا للجميع مع اشواقي مع الوعد بالتواصل

عاشق الحتانة كتب:

ألف ألف مرحب بالأخ ياسر

جد سعيدين بوجودك معنا فى منتدى الحتانة العامرة بوجودك

و أيه أخبارك العامة و الخاصة ... و عايزين نشوف صورتك عبر هذا المنتدى عشان نشوف بقيت كيف ؟؟ ياك ياسر الزمان ولّلا الغربة بدلتك ؟

أخوك / مجدى

الغالي جدا مجدي دويح
لك تحياتي واشواقي ؛ ولك كل الشكر علي الترحاب ؛ وبالله كيفك يا مجدي وكيف اخبارك واخبار الاسرة الصغيرة ؛ والله مشتاق ليك جدا اخي وصديقي مجدي
اما عن الصورة فان شاء الله سوف انزل صورة ؛ وتعرف - اخوك حجيري ؛ ما اتغيرت كتير في الشكل ؛ ممكن شوية صلعة كدة لحدي اللياقة و ونظارة قعر كباية ؛ ها .ها.ها

لك التحية الغالي مجدي مع الوعد بالقاء

الاخ ياسر ( ابو السيد) زميل المرحلة الوسطي وصديق داخلية العالياب ودفعة عنبر (13) وعميل سابق ببنك التضامن الاسلامي , لك التحية والاشواق القلبية , وانا والله سألت كثير عن اخبارك لاني عارف انك معانا في السعودية وسالت الاخ / الخير بابكر دياب عنك لانه موجود معانا هنا في الرس بس ما اعطاني اي معلومات عن عنوانك او تلفونك اللهم الا انه اخوانك موجودين في عفيف , نرجو ان نتواصل عبر هذه النافذة ومرة اخري لك التحية ومرحبتين حبابك .

هللو وكبرو لوجود ابو السيد بيننا اهلا اهلا اهلا وسهلا بي حبيبنا واخونا وقريبنا وصديق الكل ابو السيد الرائع
بين اهله وعشيرته واصدقائه ابناء الحتانه

اخواني واصدقائي واهلي الغالين جدا دراش وسراج

شكرا علي الاريحية وعلي الترحاب الحار وما غريب عليكم وعلي اهل الحتانة فهم اهلي وعزوتي وخيلاني الاعزاء

اخي وصديقي عبد العزيز دراش

بالله كيف حالك يا درش ؛ ووينك ؛ والله سألت عنك بس كنت فاكر انك رجعت لاني مرة قابلت عبد الله من فترة طويلة وذكر لي انو هو او انت راجع ... عموما .. والله يا درش شوقنا ليك بحر ؛ يا سلام فترة العالياب المتوسطة ؛ والله ماشاء الله عليك فاكر رقم العنبر ( عينا باردة ) ؛ بالله انت في الرس ؛ مع الخال الخير بابكر بالله تحياتي ليهو ودة جوالي 0564087384

صديقي وقريبي واخي الغالي جدا سراج

بالله كيفك ياسراج وكيف امورك الخاصة والعامة ؛ انا بسال عنك وعرفت انك اما خطبت ام تزوجت من فترة
وبالله كيفك مع التجارة والسوق ؛ لسة في السوق العربي ام مشيت المحلي ؛ وشكرا ليك كتير يا سراج علي الترحاب الحار وعلي الكرم وعلي الكلمات الحارة التي ترفع المعنويات ؛ اشكرك صديقي سراج ؛ واقول ليك حاجة يا سراج والله انا من امبارح ولي جاي حاسي بي فرح غامر لانو لاقيت ناس واهل الواحد بقدرهم وبفرح بي لقاهم وبعزهم
لكم جميعا تحياتي مع الوعد بالتواصل

مرحب بالاخ ابوالسيد فى ديارك واهلك بالحتانة بالرغم اننى كنت الدفعة الوراء الوراك لكن انا بتذكرك كنت اشطر طالب بالغة الانجليزية بالمدرسة فى العالياب وتتذكر لما الحاوى قال عاوز اشطر طالب انجليزى بالمدرسة واختاروك انت والحاوى سحرك وغلبك تقول اى كلمة وعلى ما اعتقد يا ياسر قال ليك اقرا لى الحروف الانجليزية بالترتيب ... على كل حال مرحب بك لاعب وسط خطير وصانع العاب ماهر فى المنتدى ...

شكرا اخي حسن عطا المنان ؛ وذكريات العالياب ذكريات جميلة لا تنسي
وكيف حالك انت يا حسن عساك طيب ؟ شكرا للترحاب الحار واتمني ان يدوم التواصل بين الاهل والاخوان
فتلك الديار لا تبارح شغاف القلب ومكانها سويدائه ما دامت الروح فينا

شكرا للجميع

نرحب بأخونا العزيز ياسر أبو السيد والله كم سعدنا بهذا اللقاء عبر المنتدي الذي جمعنا بناس فراقكم كان مبكينا وبقول قطار الشوق متين ترحل تودينا نزور بلدا حنان اهله ,,, ياأبو السيد بقيت أب لاحمد ونحن مانعرف أخبارك كمان أنا عندي ريناد ورسيل ,,,, تحياتي اليك ولاسرتك الكريمة طبعا لاحظت المحنة من اولاد خالاتك طوالي نادوك بنعمات المحنة ربنا يديها الصحة والعافية وتحياتي لها ,,,

أبو ريناد كتب:

نرحب بأخونا العزيز ياسر أبو السيد والله كم سعدنا بهذا اللقاء عبر المنتدي الذي جمعنا بناس فراقكم كان مبكينا وبقول قطار الشوق متين ترحل تودينا نزور بلدا حنان اهله ,,, ياأبو السيد بقيت أب لاحمد ونحن مانعرف أخبارك كمان أنا عندي ريناد ورسيل ,,,, تحياتي اليك ولاسرتك الكريمة طبعا لاحظت المحنة من اولاد خالاتك طوالي نادوك بنعمات المحنة ربنا يديها الصحة والعافية وتحياتي لها ,,,

شكرا اخي وصديقي ابراهيم (ابو ريناد ) علي الترحاب والكلمات الحارة التي تثلج الصدر ؛ وزي مابقولو اخوي
ابراهيم ان الخال حنين ؛؛ فكيف بابناء الخيلان والخالات ؟؟ وما لقيته من ترحاب ومن اريحية من كل الاخوة بالمنتدي افرحني وانساني كثير من معاناة الغربة
وطبعا اخوك بدأ الغربة من 1999 ؛ وانا حاليا بالسعودية ؛ الرياض ؛ متزوج من بنت عمي ؛ ورزقني الله
احمد وايلاف حفظهم الله ونفعنا والوطن بهم ؛ كما ودعواتي ان يحفظ الله لكم ريناد ورسيل وينفعكم والوطن بهن

تحياتي الحارة لكل الاهل والاخوان وتحية خاصة جدا جدا جدا لاخي وصديق ابو عبيدة ( البورت )


ولك التحية