شكرا على الترحاب

شفتك ليل وانت في عز الشروق
بقيت أتأمل في شوارعك أتوق
خلت ألمح فيها مار مخلوق
غير ما أشعر سالت دموعي ولها وشوق
نوحت نويح البسوي القوق
ما بنساك يا الحتانة لمن ينجر فوقي الواسوق
ليك نركب فرحانين ونسوق
الى أخوتي وأحبتي أعز التحايا أسوق


***************


شوفتكم غمرت جواي الفرح
بي شوفتكم باب السرور علي انفتح
كل واحد قابلني فرحان مادي لي قدح
حلي يا ذو الفقار ولدموع الفرقة أمسح

**************

ا حنيني ليكم حنين ألبل
مما شفتكم دموعي لهدومي تبل
داير أطوف الديار ولي ترابا أقبل
جيتكم يا أبو عروة قاعد متمهل
ايه المكيفات نعم الراكوبة البتظل

*************

جاتني نسايم الحتانة الفواحة
حسيت بي رطوبة رمالة في الراحة
يا حلاة المشي فوق حجارته براحة
شوفتكم تشفي المريض ويرتاحه

*************

ترحابكم يا مجدي ويا سراج ويا أبو عروة بالحيل سراني
دة ما شيتا جديد عليكم يا خواني
حمال مسك وزعفران كل ما هو جميل معاني
تضامننا وإلفتنا تدرس يمين مالي ايدي وطويل لساني