لقاء الإسبوع مع نهى عبد العزيز وإيناس فضل البارى

نرجوا أن يكون الكرسى النسائى هذه المرة ساخن يلا يإخوان ويلا يابنات ماتخذلونا معاهم ممكن توجه السؤال لهما الإثنين مع بعض أو لإحداهما وثانياُ لقاء الإسبوع الماضى مان مع معاوية أحمد عمر العاوز يوجه ليه سؤال يذهب لصفحة لقائه والذى قبله كان مع مجتبى الزبير برضوا ممكن تمشى تفتح صفحة اللقاء وهكذا نكون حققنا أكبر قدر من التواصل وشكراً شدو حيلكم إيناس ونهى وبالتوفيق

بسم الله .. أنا ح أبدأ الأسئلة للأخوات الكريمات
أي واحدة فيكن تورينا آخر مرة زارت فيها الحتانة كانت متين ؟ وقعدت كم ؟

انا سؤالى ا ليهما معا
اين تجدى الراحة النفسية الكاملة فى البلد والله برا البلد
2/ ماهو شعورك وانت مغادرة الحتانة بعد عدة ايام قضيتيها هناك
3/ ماهى الاكلات التى تجيديها فى الطبخ وهل انت كسولة عندما يتعلق الامر بالمطبخ
4/ اذكرى لنا شخصيتين رجال ونساء لهم انطباع خاص فى الذاكرة من الناس الزمان بالحتانة

اتمنى لكم التوفيق والتقدم مع خالص احترامى الشديد لكم ... ودمتم

يا نهى ويا إيناس بتعرفو شنو عن الآتى


السنده ـــــــــــــــــــــ فول المحطه ـــــــــــــــــــــــــــ الشيخ عمر

السؤال 2 / ماهو اسم أشهر جبل فى الحتانة بس ما تسألو

سلامى وشكرى وبعتزر لتأخير الرد

طبعا يالدحيش بالنسبة لى دااااااايما بسافر الحتانة واخر مرة زرت فيها الحتانة

شهر 8 سنة 2007 قعدت أسبوع تقريبأاً.....

وبعدين ياسعد الأسئلة دى كان نخليها (للناس الحناكيش)جد كان حايكون كرسى رهيب

مش كده؟؟طبعا بالنسبة لى سهلة يلا نجاوب:

السندة دى (محطة القطر بين المطمر والحتانة مكان الشجر الكتير..)

الشيخ عمر ده قبر الشيخ عمر فى المقابر(باللون الأخضر)(طبعا الشرح طويل بس عايز تعبير كويس

زى تعبير( عم بخيت)...

لكن بصراحة فول المحطة دى ماسمعنا بيها(جبتها من وين إنت؟؟؟؟)

أشهر جبل أم بــــــــور

السلام عليكم .آسفة جداًعلى تاخير الرد.
أولاً آخر مرة مشيت البلد شهر12في عيد الأضحى2008وقعدت10أيام.
1\طبعاً الراحة النفسية اكيد في البلد
2\مزيج من الحزن والفرح
3\لاأجيد سوى الاكلات السهلة
4\من النساء حبوبة جارة رحمها الله ومن الرجال العم عبد الرحمن زوفة
رد على سؤال ياسر:حنتلاقى قريب باذن الله
السندة:المحطات التى يقلل فيها القطار سرعته ليتمكن الناس من النزول
فول المحطة:أعتقد انه فول يؤكل في المحمية وهى التى تسمى المحطة
الشيخ عمر:قبة خضراء مقامة على قبر الشيخ عمر وهي بين العوضاب والمطمر
أشهر جبل في الحتانة :جبل الحننة

السؤال للدكتورة ( نوسة ):

ما رأيك في مشروع مكافحة العنوسة عن طريق تعدد الزوجات ؟ وهل توافقي بأن تكوني الزوجة الثانية او الثالثة ؟.

د . إيناس
كيف توفقين بين عملك كطبيبه و بين علاقاتك الإجتماعيه

الشكر الجزيل للدحيش علي الاعتراض .
ما كنت اتوقع ياخال انك تسأل في الاسبوع التاني من اللفاء سؤال زي ده،والرد معروف بالنسبة ليك .
لا أوافق بالتأكيد.

اولا فكرة لقاء الاسبوع هذه فكرة رائعة وتحية لاخواتي نهي عبد العزيز وايناس بنت استاذنا الفاضل فضل البارئ أحمد الخضر واقوليكن أنتم أوفيتم باجابتكن علي الاسئلة من الاخوان 10 علي عشرة بس يانهي ليك حق ماتعرفي فول المحطة اصلو سعد اختارها من الدقشنري ومابنلومك لكن اتمني ان ترجع ايام زمان وتضوقي فول المحطة تحياتي للجميع

العم السنده:أولا"عاوزه أوضح ليك حاجة.
أناماطبيبة ، أدرس فقط في احدى الكليات الطبية.
واذا اعتبرنا كل الكليات زي بعض ،بعد كده ممكن أرد عليك .
في بداية المرحلة الجامعية ما قدرت أوفق لان شكل الدراسة اختلف واللغة اختلفت فانفصلت من الناس لفترة ماعدا ناس جدى فى الصحافة كانت زيارتهم بمثابة واجب وطني ،بعد كده الحمد لله أعتبر علاقاتي الاجتماعية الآن كويسة الى حد مقبول .

سلامات واسفة للمرة التانية للتأخير فى المرة الأولى كان عندى مشكلة فى النت ماقدرت
أأواصل الاجابة

ااخر مرة قابلت فيها ايناس تقريبا زواج(معاوية وش\ى)فى الخرطوم بس ماقعدنا مع بعض(شفتها من بعيد)
وطبعا زي ماقالت إيناس أكيد حنتقابل ونقعد مع بعض إنشاء الله.....

بالنسبة للشخصيات طبعا هى شخصيات كتيرة بس على حسب العشرة(حبوبة عائشة وجدى مكى)...

بالنسبة للطبخ مابقدر أحدد ليك حاجات بعينها بس أكيد بعرف (طبعا فى فرق بين المعرفة والإجادة)لكل الطبخ المعروف فى السودان...

الراحة النفسية بالتأكيد فى البلد(لاجوطة ولازحمة)...

إبصراحة بحس نفسى مستاءة وتحديدا لما أصل الخرطوم بتمنى لو أرجع البلد تانى...

والله ياالدحيش نحنا قلنا اللقاء ده خلاص انتهى وانا متوقعة ألقى عبده نزل ناس جدد.
ومع ذلك:
1\الهواية المطالعة،والانشطة ثقافية وسياسية.
2\الهلال وأتمنى انو نهى ماتكون من ال7UP FAMILY.
3\صراحة نادر أقرأ كتاب الى النهاية وآخر مرة قريت قيها كتاب تقريباً شهر 1\2009

معليش يامجدي دخلت أمس ومارديت لانو ماكان عندي زمن .
1\الحياة تعني كل ماهو جميل اذا سخرت لطاعة الله ، طبعاَ مادائماَ بتكون جميلة في نظري لكن بكون متأكدة من نفسي مقصره في بعض الطاعات .
2\لا أضع خطط مستقبليه ، أعتقد انه الزول لو وضع خطط وقعد يفكر فيها حيضيع زمن وماحيعمل حاجة عشان كده بفضل ان اترك كل شئ لوقتو ،بعدين المستقبل بيد الله .