إقتراح غريب شوية

بأقترح إنو زي ما عندنا في المنتدى (المنتدى العام , وقسم الصور , وقسم المناسبات ....الخ) يكون عندنا قسم للزواج, كيف؟
يعني ما شرط إنو واحد من المنتدى يكون هو اللي بيفتش على شريك من المنتدى,لأ.
ممكن مثلاً يكون واحد بيعرف واحد زوجته اتوفت من فترة وعندو أطفال وبفتش في بت حلال تراعيهو وتراعي أطفالو, ويكون من ناحية تانية واحد بيعرف واحدة بت حلال بالمواصفات دي, فنكون نحنا وبسرية تامة سبب في توفيق رأسين بالحلال.
بس لازم يكون في آلية لضمان السرية.
يعني يكون في واحد مسؤول عن طلبات الشريك وواحدة مسؤولة عن طلبات الشريكة, بمعنى إنو مثلاً إذا أنا بعرف واحدة بموصفات معينة وتبحث عن شريك, ما بخاطب الشخص المسؤول عن طلبات الشريك, بخاطب الأخت المسؤولة عن طلبات الشريكة, وهكذا,, والله ولي التوفيق

ولا
ولا يمكن محتاج شوية

والله فعلاً يا مجتبى زي ما قلت .. إقتراح غريب
لكن إنت ليه ماشي لينا بعيد للمراة الراجلها مات .. والراجل المرتو ماتت
كدي نفكر في الناس الحيين شباب وصبايا (زي ما بيقولوا أخواننا اللبنانيين) وما دايرين يدقوا صدرهم .. مش أحسن نبدأ بالجداد .. بعدين نشوف السكند هاند !!! وللا شنو ؟

انا غايتو بأييد الاقتراح دا خاصة اذا عملتو شيرين sharing للعذابة الزينا ديل وبعداك المرحلة التانية نشوف حل للتانين ديل ولا رايكم شنو ؟

انا موافق يا هيثم بعد داك بيحلها الف حلال

يعني يا مجتبى ياود اخوي بعد كبرنا وصلعتنا دي نشتغل خاطبات والله دة الفضل

بارك الله في من وفق رأسين في الحلال
ممكن من كلام الدحيش وهيثم وايمن تكون في فكرة وسابقة وهي إنو نعمل عرس جماعي لشباب الحتانة ويكون أول زواج جماعي في السودان عن طريق منتدى.
بعدين بالنسبة لموضوع الزواج الفردي فيا عمو سراج ما حنكون خاطبات ولا شيء لأنو زي ما قلت في البداية ما شرط يكون الطرفين من اعضاء المنتدى ولا من اقاربهم,اللهم توفيق بين اثنين ربنا يكون جعل قسمتهم انهم يتعرفوا عن طريقنا

اها ياجماعة ...الراجل المرتو حية وعايز واحدة تانية ...ممكن ندخلو في المشروع دا ؟

ياود طيبة شايفك كلام سراج لمن قاليك ( حكومتك الهلالابية منجظات) ماعجبك داير تورينا رجالتك بعنى تانياً يأخوان بعض المواضيع جاده وفيها كتير من جانب الخير والبركة للمنتدى وإنتو بتحولوها هظار زى إقتراح الصادق إنو الناس تخصص يوم الخميس وكلنا نكون متواجدين فى وقت واحد ( أقتراح رائع ) تحول بسسب الهظار لسلة المهملات ومعليش أكان كلامى سخن (أستوب )