ترحيب بمجاهد محمد أحمد عثمان

مرحبتين حبابك مجاهد أخوى و البيت بيتك ومنتدانا نور والله يحفظ الكان سبب فى أن يجمعنا فى بيت واحد مع جميع معارفنا وأهلنا رغم تباعد المسافات

مرحبا بمجاهد واخته وبن عمه مجتبى --حبابكم عشرة فى القرية الجميلة الحتانة

حللتم اهلا ونزلتم سهلا ابناء الخال محمد احمد.
و الله مشتاقين كثير.
عاملين كيف.

والحمد لله على نعمة المنتدى الخلانا نتواصل و نعرف اخباركم ذى القاعدين وسطنا........

يا مجاهد وين حذيفة؟؟؟؟؟؟؟؟؟

ما ظاهر مالو ان شأ الله المانع خير......

الناس ديل منو انا ما عرفتهم ،، بس والله ألف مرحبتين بيهم ومنورين المنتدى

أيمن فضل الباري كتب:

الناس ديل منو انا ما عرفتهم ،، بس والله ألف مرحبتين بيهم ومنورين المنتدى

نفس الشعور يا أيمن .. لكن الحمد لله الذي جمعنا في هذا المنتدى لنعرف مجاهد وحذيفة ومجتبى .. ونتمنى أن نتعرف على المزيد من أهلنا .. عموماً ألف مرحبتين حبابك

انا والله كنت مســتـحي اقــول ما بعرف نص الناس الفي المنتدي دا.. لكن الحمد لله لقــيت نفســي ما براي .. عشان كده بقـتــرح اي زول ينــزل صورتــو في بروفايــلو لو امـكـن عشان نعرفــرو امكن نكون قابلنـاهو في مناسبة ولا حاجة كده .. ولا شنــو ؟
.
.

أها يا هيثم .. أنا وافقت عملياً على الإقتراح ونزلت ليك صورتي في البروفايل
كده شوف يمكن تكون لاقيتني في حته .. وللا حاجة ...!!!! تحياتي

ياجمااااااااااااااااااااااااااااااااااااااااااااعة ما ممكن .......
أولاد عوض دويح ديل بالذات أصلو مايقولو دا منو والله دا منو ....لانو الحمد لله المرجعية عندهم في البيت
ويادكتور أفتح قائمة العضوية خمسة دقائق لأبوك .....تلقى كل الناس في المنتدى أهلا ليك ....
نرحب بالأخوان أولاد محمد أحمد عثمان محمدين في المنتدى وبكل الطيور المهاجرة ...ونتمنى أن تعود لأعشاشها

بأيد رأي الأخوان أيمن والدحيش وهيثم وبأتفق مع الرأي البيقول نضيف الصور ولو إنو في ناس ما شافو بعض على الإطلاق وللأسف لو اتعملت مسابقة لمعرفة أكثر عضو لم يرى بقية الأعضاء في حياته بكل أسف سأحصل على الجائزة الأولى والله المستعان
ولكن حأحاول اسهل عليكم الموضوع شوية في معرفة منو هم مجاهد ومشتهى ومجتبى وانتو كمان تردوا بنفس الشيء عشان ما أدخل في نفس الحرج
زي ما شفتوا في الترحيب عبدو قال مجاهد أخوي وهو فعلاً أخوه ومشتهى أخت مجاهد يعني أخت عبدو, وزي ماشفتوا نادية قالت اولاد خالي مجاهد ومشتهى يعني الموضوع أصبح أوضح وسألت عن حذيفة معناها إنو حذيفة برضو أخوهم بس نست تسأل عن مهند وده بيعني إنو مجاهد وحذيفة ومهند ومشتهى (بنفس الترتيب تنازلياً)إخوان اشقاء وبيكون عبده وإخوانة إخوانهم غير الأشقاء من والدهم محمد أحمد (رحمة الله علية وعلى جميع موتى المسلمين), وبيكون العبد الفقير مجتبى الزبير عثمان اخوهم غير الشقيق من طرف والدتنا سهير محجوب وإبن عمهم لأنو محمد أحمد والزبير إخوان أشقاء, فبالتالي بأكون أنا كمان إن عم عبدو وإبن خال نادية (وهم جميعاً مع والدتهم مقيمين في امريكا وأنا في الإمارات), وآسف على الإطالة ودمتم
(يالا دوركم)

مرحبا بكم,,,,, مرحبا بكم,,,,,,,مرحبا بكم جميعا,,,,,,,,,,,,,,

وازيدكم من الشعر بيت

( ابو ريناد) هو على ما اعرف هو صديق عوض دويح اخ الدحيش ود.هيثم واخوانهم وهو متزوج من(نسرين محمد احمد) اخت مجاهد ومشتهى واخوانهم ,,,اسامه اشيقر هو من اهلنا الاشيقراب ونتمنى ان يدون اسمه رباعيا على الاقل فى ملفه الشخصى فى المنتدى وهو مطلوب بحسب لوائح المنتدى ومن الجميع ,,,, عبد العزيز احمد عمر دراش ,,,,(ابوظلل)هو (علم الدين) علم الهدى الباقر الشيخ على ومطلوب منه كذلك تصحيح اسمه,,,,,,وكل الاخوان والاخوات اهل واصدقاء ومعارف بشكل كبير,,,,,,

واردد ان المنتدى اصبح يخطو خطوات حثيثة لتحقيق شىء من اهدافه وهو التعارف والتواصل ويجب على الجميع المشاركة فيه بالتسجيل,,,بالتعريف,,,بالتواصل
اخوكم الكبير:
بخيت محمد احمد الامين(بخيت الحاج)من الاهل والاصدقاء والمعارف-الدمام -السعودية


ومن الحتانة سلاااااااااااااااااااااااااااااااااااااااااااااااااااااااااااااااااااااااااااااااااااااااااااام[/b]

عاشق الحتانة كتب:

بتخيل لى أبو ريناد ده واحد تانى غير صديق .. نرجو منه التأكيد...ـ

الاخ ابو ريناد,,,,تحية طيبة

كما ذكرنا والاخوان من اهم اهداف المنتدى التعارف والتواصل,,,,,,,

نرجوا التكرم وتسجيل اسمك كاملا ونرجوا كذلك ان ترجع للارشادات واللوائح الخاصة بالمنتدى واتباعها,,,,

لك شكرنا للتسجيل وننتظر مشاركاتك ونتمنى توضيح اسمك كاملا مربعا ولا مانع من استعمال اسمك المستعار للمشاركات والمساهمات,,,,

اشكرك اخى (عاشق الحتانة) مجدى عوض دويح للتنويه,,,,,,,,,,,

وتقبل تحياتنا,,,,,,,,,

من الحتانة سلااااااااااااااااااااااااااااام

الادارة

أبو ريناد أنا كنت فاكرو صديق لكن لما قريت كلامو أظنه إبراهيم عبد الله محمد إبراهيم فهو أيضاً أبو ريناد لكن ياخال المامعروفين واحد سمى نفسو ( ود البلد )والتانى ( الهجير )

ياحسن عطا المنان ركز شوية مجاهد صاح هو ود عم مجتبى لكنهم أخوان وأنا مجاهد أخوى ومجتبى أخو أخوى وود عمى

طبعا ياعبده انت عارفنى فى النسب جيد جدا لكن والله بعد ماارسلتها حتى اتذكرتها -- لكن قلت خليها ياحسن الصادق حا يلاحظها ويديك تلفون --ولهم تحياتى مرة اخرى هم اخوانك وانا محمد احمد الله والزبير الله يرحمهم هم فى الحساب اولاد عمى يعنى انا عم اخوانك ياعبده وعمك انت -- وانا خالك كذلك ولهم منى العتبى ودمتم

أشكرك أخي الزبير محمد أحمد عثمان على هذا التوضيح الوافي الكافي .. ونشكر هذا المنتدى الرائع الذي جمعنا بكم .. وبكل الطيور الحتانة المهاجرة في بلاد الله الواسعة .. ولولا فضل الله أولاً .. وهذا المنتدى ثانياً لما كنا تعارفنا أو إلتقنيا .. نتمنى أن يدوم التعارف والتآلف والمحبة بين جميع أعضاء هذا المنتدى .. ونريد المزيد من المعارف والأصدقاء
وإلى الأمام .. أخي الكبير بخيت

الف مليون مرحب باولاد الخال من على البعد وبسال عن اخبرهم وكيف امريكا معاهم ويا مجتبى عامل كيف فى الامارات وعايز اعرف يامجاهد جايين قريب ولاعليكم شوية

في البداية اشكر كل الاهل و الا خوان والاخوات و الاصدقاء على هذا الترحيب.واشكر الاخ عبدة علي تعرفنا علي هذا المنتدي العائلى.واشكر صاحب الفكرة ومؤسس المنتدي.ثانيا اظن مجتبي و عبدة كفوا و وفوا في التعريف٠وانشاء اللة من خلال مشاركاتنا ح نتعرف اكثر٠وابلغكم ترحيب الوالدة(سهير محجوب)بهذا العمل الرائع الذي سيكون حبل وصل بين الناس ٠وفقكم اللة٠

تعرف يا مجتبى انى فعلا نسيت مهند ولحدى ما مشيت البيت بتكلم مع امى عنكم سألتنى منه حتى استدركت النسيان وبالمناسبة هو ليه ماسجل لسه؟

ويا جماعة انا بأيد رأى مجتبى وبرضو كلام بخيت فى التعريف.

وبسنى على ما سبق النقاش فيه على صفحات المنتدى وهو:

1- أن العضو يعرف نفسه كاملا.
2- يسجل اللقب الذى يريد المشاركة به.
3- يرفق صورة لو امكن.

يا نادية بمابتعرفى لغة عربية وانتى قارية اداب لانو بثنى بالثاء وليس بالسين

السلام عليكم
أنا وفيت بالإتفاق ومشيت فتشت لي صورة من قريب وواضحة وجبتها, بس إنشاء الله 10% من الإعضاء يكونوا شافوا الشكل ده قبل كده ويتذكروني, يالا الما منزل صورتو يمشي يفتش دفاترو القديمة ويجيب ليهو صوره عشان نعرف بعض ونتحرك بشكل أسهل.
وترحيب حار جداً بكل الإنضموا حديثاً ونقول ليهم عرفوا أنفسكم لأنو (سمح القول في خشيم سيدو)
معلومة بسيطة حبيت اهمس بيها في الزاوية دي:
كثير من العرب وغالبية السودانين لما يكونوا عاوزين يذكروا شيء بنوع من المبالغة بيقولوا من سابع المستحيلات أو من عاشر المستحيلات, والكلام ده غلط لأنو المقوله هي (من رابع المستحيلات), والسبب في كده إنو زي مابيقولوا الناس السبقونا في ثلاثة مستحيلات لا رابع لها, والثلاثة مستحيلات هي .................
ال عاوز يجاوب ليهو جائزة, بس بشرط يذكر الثلاثة مستحيلات كاملة غير منقوصة. ودمتم

أظن العرب تقصد الغول والعنقاء والخل الوفى والله مش كدى يامجتبى بسرعه على الجايزه قبل مايخطفوها

صحيح 100% وياريت تعم الفايدة من المعلومة عشان الناس ما تعيد المقولة بشكل مغلوط, جزيتم خيراً
والجايزة من اختيارك يا أخي عبدو