اليوم المخصص للقاء اعضاء المنتدي وتقام اللمة في راكوبة الماسنجر

بس أي واحد يجيب فطورا ويجي هههها والفطور عبارة عن ونسة ودردشه ..... حلوة دي انا رديت على نفسي .... اسم الله علي

معليش أختي نادية المفروض انزل الموضوع دهـ فى قسم المناسبات بس فاتت على ..... نرجو المعذرة عديها

ما مشكلة.

انت لمن تجيب صينية فطورك بتلقى الناس كتار بتعرف ده محل المناسبة.

اليوم الخميس يعني الناس ممكن تكون صايمه

والله فقدنا مساهماتك فى الفترة الفاتت وفعلا اليوم ده مع الصينية المدنكلة فى صيام هههههه

سلام ياشباب - لكم التحية جميعا - أبوريناد - نادية - ودالقراى التحية ليك ماشاء الله حضور مميز فى المنتدى بعد غياب طويل - فى إحدى كتاباتك سالتك عنك بشدة - يامجدى لك التحية ياحبيب ياخى صينيتك دى خطيرة - بس راجين الرغيف - وبعدا ساعدونا (بالسكات والموية الباردة ) زى ماقال الراجل الجابولو صينية كاربة أحى الشيف الذى قام بالإعداد - تحياتى لكم

الكسره وين يالعاشق
ام رقيقة بدون كسره

و الكسرة أصبرو عليها شوية .. باقى لسه فى الصاج .. و ما فى واحد يدلى إيدو قبل الساعة تسعة بالليل ..

والله يا ابو ريناد فكرة سمحة والله وحقو نفتح لينا بوست جديد نخت فيهو الايميلات باعة الاعضاء عشن اي واحد يجي ويضيف .
بعدين يا مجدي دي شنو الحركات دي ما في ناس مغتربين وعزابة الحاجات دي ما بيشوفوها ما تراعي شعورهم ..
بعدين مالك ما بتفتح الماسنجر ؟؟؟

و الله يا ود الصول مشتاقين عديل .. إلا باقى مشغولين شديد ..

ما تشوفنى مسجل حضور فى المنتدى تقول قاعد أعاين فيه 24 ساعة .. فأنا بكون مسجل لكن بكون مشغول .. فبدى المنتدى طلة مرة مرة ..

نتلاقى بالليل إن شاء الله ..

بعدين يا مجدي ماسكني ود الصول ود الصول .... انت ما دايرني أقول ليك مجدي و لا شنو يا عاشق الحتانة ؟؟!!!

لكم التحية جميعا وكل عام وانتم بخير بمناسبة غيد الاستقلال وربنا يحفظ بلادنا من الفتن والمصائب يل قولوا اميييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييين .

كل سنه امانيكم محققه يارب ...., ويا مجدي صينيه كاربه ان شاء الله دائما عامرين

السلام عليكم و كلو سنة و إنتو طيبين
الملاح خلاص إنتهى الكسرى لسه؟؟؟؟؟
يا ناس الكسرى خففو يدكم شويه


Quickpost this image to Myspace, Digg, Facebook, and others!" border="0" />

كو كو كو .. أهل الدار السلام عليكم .. حضرنا
سلام وتعظيم سلام .. والتحية لجميع المتواجدين والدخلوا الدار .. والإتفضلوا .. وراجين العقاب
كل سنة وإنتو بألف خير .. وإن شاء الله السنة الجديدة تكون عليكم سنة خير وبركة ..

يا جماعة الأكل ده ما برد عدييييييييييييل كده ..
والله يا أبو ريناد .. راكوبتك دي إلا ترشها تاني من جديد .. تكون نشفت ..

عوااااااااااااااااااااااااااااااااااااااااااااااااااااااااااااااافي أهل الدار
والله صينيكم دي عايزة ليها شربوت كاااااااااااااااااااااااااااااااااااااااارب

الأعضاء المتواجدون حالياً في هذا المنتدى: أبو ريناد, الدحيش, السنده, ايناس فضل الباري, بندرشاه, خديجة أم طلال, سعد عبدالله, طلال, عاشق الحتانة, محمد عبدالدائم احمد, ياسر سليمان عمر

مالك علينا يا ابو سليمان .. خلينا نروس مصحصحين شوية ...!!!

السلام عليكم ورحمة الله وبركاته
كل سنة وانتوا طيبين والسنة الجاية ان شاء الله سنة خير .
غايتوا انا نهاية السنة دي كانت اسوأسنة الله لا عاده.
ويا مجدي وين صينية النسوان اوعي تقول لي بعد ماتاكلوا انتوا حتي تدوا النسوان زي ما الناس عادة بيعملوا .
وتقبلوا تحيات الوالد وهو مبسوط جدا من المنتدي العامر بناسه ،وبمناسبة يوم الاستقلال فهو بقول ليكم اليوم يوم استقلاله من قيود العمل الحكومي بعد ان بلغ السن المعاشية.