إقتراح أتمنى أن يجد القبول

حتى يكون التواصل موجود فعلياً أنا أقترح على جميع الأعضاء الذين يملكون أجهزة كمبيوتر فى منازلهم أن يكونوا متواجدين فى موقع الحتانة كل خميس من كل أسبوع لمدة ساعتين على الأقل(من9 مساءً إلى11مثلاً) .. هذا طبعاً خلاف المساهمات الأخرى التى يقوم بها الفرد فى أوقات الفراغ الأخرى[right]
(الموافق على إقتراحى دا يرفع إيدو)

نحنا يوم الخميس شغالين عشاء فول

والله ما عندنا أي مشكلة

لكن يا سراج بالغت في الصورة دي !!! دي من برنامج من الأمس ولا شنو ؟

والماعنده كمبيوتر يا الصادق فى البيت يعمل شنو؟؟؟؟؟؟
يبيع فول.
ويامحمد حيدر. صحح المعلومة الصورتين من الامس.

لكن ياابو منهل انحنا ماعندنا كمبيوترات في البيت نعمل شنو؟

أنا شخصياً موافق على الإقتراح ... و إنشا الله سالتزم بالموعد المحدد ..ـ

و شنو يا سراج ما ممكن تأخر العَشاء شويه ؟؟ ... بعدين الخميس و الجمعة واحد

انا رافع يدي غايتو

ااقتراح جميل يا الصادق (ليه لا الناس زمان اكانوا بقضوا الخميس في الكوتشينه)

مش عليك الله يا عماد ..؟ بالله كلم سراج ده ... قال خميس قال ..ـ

قول ليه كلامك ده قولوا لى زول ما عندو حديدة

والله ياعماد اكعب واقبح من الكتشينة مافى هى قتل للوقت وخصم من العمر بدون فايدة --- --- .

السلام عليكم ،، الكمبيوتر ممكن يتلقي في البيت بس الإنترنت ما متاح دايما ،، بالمناسبة يا سراج في برامج لبيع الفول عن طريق الكمبيوتر يعني ترسلو للزبون عن طريق الإنترنت في الإيميل بتاعو .

بس البرنامج فيهو مشكلة ،، أنو الجبنة ما بتمشي مع الفول لانو الماوس بياكلها

يا عاشق الحتانة
سراج قال ليك والله الزول اللي إختار لك إسم ( عمي بهنس ) كان إختيارو موفق للإسم ..

وعلي العموم نحن موافقين علي الإقتراح ...

أهـ ياخال الليلة الخميس كيف