قرية الحتانة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


من الحتانه سلاااااااااااااااااااااااااااااااااااااااااااااااااااااااااااااام
 
الرئيسيةالرئيسية  أحدث الصورأحدث الصور  التسجيلالتسجيل  دخولدخول  

 

 نكات جديدة

اذهب الى الأسفل 
+8
السموءل احمد عثمان محمدين
أبو ريناد
عاشق الحتانة
طلال
hassan ata elmanan
عبده محمد أحمد المسلمابى
عبد العزيز الدراش
نادية حسن عمر
12 مشترك
كاتب الموضوعرسالة
نادية حسن عمر
مشرفة قسم المناسبات



عدد المساهمات : 396
تاريخ التسجيل : 20/03/2009

نكات جديدة Empty
مُساهمةموضوع: نكات جديدة   نكات جديدة I_icon_minitimeالأربعاء أبريل 01, 2009 4:15 pm

واحد قال لمرتو : مساكين بنات
لبنان دمرتهم الحروب .. والله لو كل
واحد يأخد واحده يكون اجرو كبير
قالت : والله المساكين بنات
الصومال تلقى اجرهم اعظ
Very Happy Very Happy Very Happy Very Happy
اربعه مساطيل سايقين عربيه والسطله راااابطه معاهم شديد قامو صدمو العربيه طفجوها طفيج شديد..
قالو خلاص احنا ننفخ العربيه دي من العادم..نزلو تلاته قعدو ينفخو فى العادم بخشومم...والرابع واقف بعيد بيضحك ضحك شديد...
جوهو قالو ليهو:' بتضحك مالك؟ قاليهم:' إنتو عووره ولا شنو؟ بتنفخو في العربيه والشبابيك فاتحه؟'

silent مسطول مواعد ليهو واحد... شراهو مشي اشتكاهو في مكتب الحركه.
بتاع البلاغات سالو:'نمره العربيه كم؟'.
المسطول : 'ما عندو عربيه'.
بتاع البلاغات: 'طيب نمره عربيتك كم؟'.
المسطول: 'ما عندي عربيه'.
بتاع البلاغات: 'طيب جاي مكتب الحركه ليه؟'.
المسطول: 'عشان حركتو دي ما جميله'!!

Rolling Eyes مسطول جاه ارق قال لصاحبو كيف انوم ،، قال ليه عد لحدى 500 وبجيك النوم
عد حتى 499 نعس قام غسل وشو عشان يكمل0

Basketball مسطول اتصل على مطعم قال ليهم: عندكم عشاء ؟ قالو نعم ؛ قال ليهم :طيب ليه ماعزمتونى0
الرجوع الى أعلى الصفحة اذهب الى الأسفل
عبد العزيز الدراش

عبد العزيز الدراش


عدد المساهمات : 131
تاريخ التسجيل : 08/04/2009

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالأربعاء يوليو 08, 2009 11:23 pm

والله يا استاذه انا شايف نكاتي بايخه جنب نكاتك لكن برضو حا اذكرها عشان احرك المنتدي شويه.

سُئل جحا أيهما أفضل , الشمس أم القمر ؟.
قال : القمر .
قيل له : ولماذا ؟.
قال : لأن الشمس تطلع في النهار والدنيا كلها نور , أما القمر يطلع في الليل والدنيا ظلام ونستفيد من نوره .
-------------------------------------------
كان في طالب يسكن في البادية و يدرس في مدينة بعيدة من قريته , ويقطع المشوار يومياً للمدرسة بالحمارة , وفي يوم الحمارة ولدت فغاب عن المدرسة لمدة أسبوع , فسألوه أصحابو في المدرسة ليه غبت الأسبوع الفات, فقاليهم حمارتنا ولدت , واحد منهم عاوز يسخر منه قاليه طيب ليه ما دعيتنا للسماية , قال ليه اقتصرنا الدعوة علي حمير الحي .
--------------------------------------------
سُئل إعرابي : أتحب أن تموت زوجتك ؟.
قال : لا .
قيل له : ولماذا؟.
قال : أخاف أن أموت من الفرح .
-------------------------------------------
سمع صبي فقير امرأة في جنازة تقول :
يذهبون بك إلى بيت ٍ ليس له غطاء ولا وطاء ولا عشاء ولا غداء ولا سراج
فقال الصبي : يا أبت أهم ذاهبون به إلى بيتنا ؟.
------------------------------------------

خرج الحجاج للصيد ولما ابتعد عن جنده مر بإعرابي يرعى إبلاً
فقال له الحجاج : كيف هي سيرة أميركم الحجاج ؟
فقال الإعرابي : غشُومٌ ظلومٌ لا حياه الله ولا بياه
فقال الحجاج : فلو شكوتموه إلى أمير المؤمنين ؟
فقال الإعرابي : هو أظلم منه وأغشم عليه لعنة الله
فذهب الحجاج حتى وصل جنده ثم قال لهم هاتوا الإعرابي وقيدوه واحضروه معنا إلى القصر , فأخذوه وحملوه , فلما ساروا .. سأل الإعرابي الجند من هذا ؟
فقالوا له : الأمير الحجاج بن يوسف .
فعلم أنه قد أوقع نفسه في مصيبة , فحرك دابته حتى صار بالقرب من الحجاج , فنادي الإعرابي : أيها الأمير.
فقال الحجاج : ما ذا تريد يا إعرابي ؟
فقال الإعرابي : أحب أن يكون السر الذي بيني وبينك مكتوما
فضحك الحجاج من قوله كثيرا ثم أخلى سبيله.
------------------------------------------

قال احدهم كنتُ أسير في أحد شوارع الكوفة فإذا بأعرابيّ يحمل قطعةً من القماش ، فسألني أن أدلّه على خياطٍ قريب .
فأخذته إلى خياطٍ يُدعى زيداً ، وكان أعرج الرجل .
فقال الخياط : والله لأُخيطنّه لك خياطةً لا تدري أقباء هو أم دراج ،
فقال الأعرابيّ : والله لأقولن فيك شعراً لا تدري أمدحٌ هو أم هجاء .
فلما أتم الخياط الثوب أخذه الأعرابيّ ولم يعرف هل يلبسه على انه قباء أو دراج !
فقال في الخياط هذا الشعر :

خاط لي زيد قباءا * * يا ليتَ رجليه سواءا

فلم يدرِ الخياط أدُعاءٌ له أم دعاءٌ عليه .
الرجوع الى أعلى الصفحة اذهب الى الأسفل
عبده محمد أحمد المسلمابى
مشرف المنتدى العام
عبده محمد أحمد المسلمابى


عدد المساهمات : 484
تاريخ التسجيل : 19/03/2009
العمر : 54

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالخميس يوليو 09, 2009 12:40 am

من زمان بنكورك قلنا المساطيل سافروا وين الليلة ظهر واحد باقى العاشق ( أقصد التانى ) هههههههههه
الرجوع الى أعلى الصفحة اذهب الى الأسفل
عبد العزيز الدراش

عبد العزيز الدراش


عدد المساهمات : 131
تاريخ التسجيل : 08/04/2009

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالأحد يوليو 26, 2009 12:44 am

واحد مسطول وقف بتاع تكسي وقال ليه : يا ابن العم توديني وين وادفع ليك كم ؟.

بتاع التكسي ذاتو طلع مسطول قال ليه : انزل هنا وادفع البتدفعو .

==============

واحد مسطول زار ليه ناس , لقي بنتهم الصغيرة قام سألها : اسمك منو يا شاطرة ؟.

قالت ليه : أسماء .

قال ليها : يعني ما في اسم محدد كده ؟.

==============

واحد مسطول أبوه مات وما معاه أي زول إلا واحد مسطول زيه , والاثنين ما بيعرفو يغسلوا الجنازة .

صاحبه قال ليه : تعرف ما في طريقة إلا نشوف واحد من البغسلو العربات ديل .

لقوا واحد قال ليهم : عشان اغسل ليكم الجنازة تدفعوا خمسين ألف .

قالوا ليه : ليه ياخي اصلو انت حا تغسل مرسيدس ؟؟؟؟.

================

واحد مسطول جاه صاحبو لقاه ساطل للآخر ,,,,

بعد ما قعد شوية ما لقي أي موضوع يتكلم فيه ..

قام قال لي صاحبو : أبوك كيف ؟.

وبسرعة أتذكر انه أبو صاحبو ميت .. قام قال ليه : لسه في قبره القديم داك ؟.

===============

واحد مسطول سواق تكسي ..

قاعد جوه التكسي مولع سجارته ..

جوه بنات حناكيش عاوزات مشوار قالو ليه : يا عمو نحن ما شين الرياض ...

عاين ليه كده وقال ليهن : خلاص امشن بس ما تتأخرن .

===============

اتنين مساطيل كل واحد سطلتو اقوي من التاني ...

سايقين عربية في شارع النيل واحد سايق والتاني راكب ورا...

السائق شاف شجرة ساقها مضروب جير ابيض افتكرها عسكري مرور قام وقف ....

لما اكتشف انها شجرة قعد يضحك وساق العربية ومشي ,,,

بعد شوية الورا قال ليه : التافه دا قال ليك شنو ؟؟؟؟؟.
الرجوع الى أعلى الصفحة اذهب الى الأسفل
عبد العزيز الدراش

عبد العزيز الدراش


عدد المساهمات : 131
تاريخ التسجيل : 08/04/2009

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالخميس أغسطس 06, 2009 12:42 am

قال السماء كئيبةً وتجهما * * * قلت ابتسم يكفي التجهم في السماء

قال الليلي جرعتني علقما *** قلت ابتسم و لإن جرعـت العــلقما
--------------------
نحن حا نسمع كلام إيليا أبو ماضي ونبتسم رغم الهواجس والمحن , عشان ما ندي للهم فرصة يضحك علينا,,,,
============

مسطول مشوكش , سألوه عن اجمل بيت شعر ؟.

قال : كل ما نربي كتكوت ** يكبر يفوت

================
مسطول سألوه عن الفرق بين الشهد والشهيد ؟.

قال : الاتنين بتلحسوا .
===============
مسطول وقع في حفرة , حاول تلاتة مرات يطلع منها ما قدر ...

قال : المرة دي آخر مرة لو ما طلعت حا امشي ..
================
مسطول جنو حشيش ...

قالو ليه : الحشيش دا بيكتلك بالبطيء .

قال : انا ذاتي ما مستعجل .
================
واحد قاعد في مطعم سمع أتنين بكلموا في بعض ..

انت ساكن وين ؟. ام درمان , انا برضو ساكن ام ردمان , وين في ام درمان ؟. شارع الموردة , والله غريبة انا برضو ساكن شارع الموردة . وين في الموردة ؟. منزل رقم 35 , اصلو ما ممكن انا برضو ساكن في نفس البيت .

الراجل استغرب من الكلام , قام سأل الجرسون : الاتنين ديل حكايتم شنو ؟.

الجرسون قال ليه : ما تشغل بالك , ديل ولد وابوه كلو يوم يجو هنا ساطلين .
=================
واحد مسطول مشي يشتري ليه جزمة ...

لقي جزمة عجبتو شديد, لما جربا لقاه ضيقة شوية ..

صاحب المحل قال ليه : ما مشكلة اسبوع او اسبوعين حا توسع ..

المسطول قال ليه : احسن عشان انا ذاتي ما حا البسا قريب .
================
مسطول جاء داخل البيت شايل ليه كديسة ...

قابلته مرتو جنب الباب قاليها : شفتي الغوريلا ؟.

مرتو قالت ليه : لكن دي ما غوريلا دي كديسة .

قال ليها : انا ما بتكلم معاك انا بتكلم مع الكديسة .
===================
واحدة متفلهمة قالت انا اصلو ما حا اعرس واحد بسف صعود لو اقعد عانس ...

لقت ليها واحد عجبها شديد وفيه كل المواصفات العايزاها وافتكرت انه ما بسف ...

اول يوم في شهر العسل الراجل مشي البلكونة وحدر سفتو ...

جات وراه العروس عشان تتونس معاه لقته سافي قالت ليه : سجمي انت بتسف ؟.

قال ليها : ايوه بسف وبطلق كمان .

قالت ليه : يا سماحة السفة في خشمك .
====================
واحد مرتو ماتت وعنده واحد صاحبو شديد وغنيان وهو الوحيد الماجاء وعزاه ...

بعد كم يوم صاحبو الغنيان جاء وعزاه وقال ليه دايرك بره ..

طلع معاه وهو زعلان زعل شديد منتظر فرصة عشان يتفشي فيه ...

صاحبو الغنيان طلع عشرة مليون اداها ليه واعتزر عن التأخير ...

صاحبنا انبسط وقال ليه : ما يهمك والله البكاء البكيتو دا ما في زول غيرك بكاه.
الرجوع الى أعلى الصفحة اذهب الى الأسفل
hassan ata elmanan

hassan ata elmanan


عدد المساهمات : 208
تاريخ التسجيل : 12/03/2009
العمر : 51

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالخميس أغسطس 06, 2009 2:45 pm

واحد ماشى فى الشارع لقى ليه مسطول قال ليه اسمع يا بن العم بتعرف لى حدائق 6 ابريل بى وين المسطول عاين يمين شمال وقال ليه ما قالول ليك سنة كم .
الرجوع الى أعلى الصفحة اذهب الى الأسفل
طلال

طلال


عدد المساهمات : 133
تاريخ التسجيل : 24/05/2009
العمر : 48

نكات جديدة Empty
مُساهمةموضوع: وجة الشبة بين الارنب والحمار؟   نكات جديدة I_icon_minitimeالجمعة أغسطس 07, 2009 2:41 am

مسطول سألوة ما هو وجه الشبة بين الارنب والحمار ؟ قال الحمار بالغة الانجليزية اسمة دونكى لو حذفت دون ظلت كى ، كى بالعربى يعنى مفتاح ،ادخل مفتاح فى حكمة (الصبر مفتاح الفرج ) ، احذف مفتاح الفرج، حيظل الصبر ادخل الصبر فى حكمة (الصبر جميل ) احذف الصبر حيظل جميل ، فى ممثل مصرى اسمة جميل راتب ، احذف جميل ، حيظل راتب اعكس الحرفين الاخيرين (التاء والباء ) حيصبح رابت ورابت بالانجليزى يعنى ارنب وهو المطلوب اثباتة.....
الرجوع الى أعلى الصفحة اذهب الى الأسفل
عبد العزيز الدراش

عبد العزيز الدراش


عدد المساهمات : 131
تاريخ التسجيل : 08/04/2009

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالأحد أغسطس 09, 2009 11:25 pm

هذه النكتة مهداه الي الدكتورة / ايناس فضل الباري , لانها هي التي حكتها لي قبل اكثر من عشرة سنين , لما كانت لسه بتقرأ في الابتدائي , والنكتة بتقول :

راجل جاب لي بنته الصغيرة كديسة عشان تربها وتتونس بيها , البنت شالت الكديسة وغسلتها , قامت الكديسة ماتت ...
ابوها لما جاء من الشغل لقي الكديسة ميتة , قال للبنت ليه غسلتي الكديسة ؟ انت ما عارفه انو الغسيل بكتلا ؟.

قالت ليه : يابا الكديسة ما ماتت من الغسيل , الكديسة ماتت من المصر .
==================

رباطابي ولدو ليه ولد يشبهه شبه مبالغة .....

قام شاله في يده وعاينو ليه كده ,,,,,

وقال ليه : الحكاية شنو رحم والا مكنة تصوير ؟؟؟؟.

==================

رباطاب قاعدين يحفروا في قبر .... جاهم واحد قال ليهم : السلام عليكم .

قالوا ليه : وعليكم السلام .

قال ليهم : خير إنشاء الله مالكم ؟. قالوا ليه : عندنا واحد مات .

قال ليهم : مات هنا والا خبر ؟. قالوا ليه : خبر .

قال ليهم : سمح بتحفروا ليشنو ؟. قالوا ليه : دايرين ندفن التلغراف .
الرجوع الى أعلى الصفحة اذهب الى الأسفل
hassan ata elmanan

hassan ata elmanan


عدد المساهمات : 208
تاريخ التسجيل : 12/03/2009
العمر : 51

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالإثنين أغسطس 10, 2009 6:35 pm

فى واحد رباطابى عنده نزلة كل بعد مسافة يعطس بعدين زوجته قالت لع عندك نزلة : قال ليها لا لا قاعد اجرب فى النغمات .
الرجوع الى أعلى الصفحة اذهب الى الأسفل
عاشق الحتانة
مشرف قسم مرقنبو قرنبو
عاشق الحتانة


عدد المساهمات : 402
تاريخ التسجيل : 27/03/2009

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالثلاثاء أغسطس 11, 2009 4:08 am


بعد سنوات عدة قضاها في وظيفته البسيطة، بقي عليه إكمال الشرط الأخير والذي يخوّله للحصول على الترقية الوظيفية بعد طول انتظار، وقد كان ـ أي شرط الترقية ـ الحصول على شهادة المرحلة المتوسطة.. فلم يجد بداً من الاستفادة من نظام (الانتساب) في أحد المدارس الأهلية حيث كان يجاوره في مقاعد لجنة الاختبارات زميله الآخر والذي عندما ضاقت به الأرض بما رحبت التفت إليه يرمقه بعين الصديق بحثاً عن إجابة السؤال الأول في اختبار مادة الإنجليزي ـ الذي أجاب عليه صديقه رغم صعوبته ـ وقد كان


? What Is Your Name


فأخبره أن يتريث ولا ينقل الإجابة منه لأن هذا السؤال يعني: ما اسمك؟ والإجابة المكتوبة هي اسمه الثلاثي الذي لا يصلح بالطبع جواباً في الورقتين


فهمس له الأول: وأنت كيف استطعت أن تكتب اسمك الثلاثي باللغة الإنجليزية؟


فقال: نقلته بالحرف الواحد من بطاقة (الصرف الآلي ).. وأنت افعل مثلي


فأخرج بطاقته من المحفظة ونقل اسمه الثلاثي بالحرف الواحد في خانة الإجابة على السؤال ولا من شاف ولا من درى إلى تلك اللحظة طبعاً لأن الكارثة لم تحن بعد، ولكنها أتت عندما صُدِمَ المعلم وهو يصحح الورقة بإجابته التحفة على سؤال


? What Is Your Name


ـ حيث كتب - باللغة الانجليزية طبعاً ـ جُملة




!


!





!


!





(Omdurman National Bank)


مقتبسه...

الرجوع الى أعلى الصفحة اذهب الى الأسفل
أبو ريناد

أبو ريناد


عدد المساهمات : 406
تاريخ التسجيل : 13/04/2009
العمر : 59

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالثلاثاء أغسطس 11, 2009 10:36 pm

هههههههههههههههههههههههههههههههههههههههههههههههههههههههههه
الرجوع الى أعلى الصفحة اذهب الى الأسفل
http://HOTMAIL.COM
أبو ريناد

أبو ريناد


عدد المساهمات : 406
تاريخ التسجيل : 13/04/2009
العمر : 59

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالثلاثاء أغسطس 11, 2009 10:40 pm

تلاتة محششين راكبين هليكوبتر قالوا واحد يروح الدكان يجيب لينا سجاير صاحبك فتح الباب ونزل المروحة شفططوا وبقي معلق بالمروحة لافي.... اتاخر شديد فتحوا الباب لقوهوا معلق لافي قالوا ليه أقعد لف كده لحدي الدكان ما يقفل
الرجوع الى أعلى الصفحة اذهب الى الأسفل
http://HOTMAIL.COM
السموءل احمد عثمان محمدين

السموءل احمد عثمان محمدين


عدد المساهمات : 35
تاريخ التسجيل : 11/03/2009
العمر : 43

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالأربعاء أغسطس 12, 2009 1:45 am

ههههههههههههههههههههههههههههههه
الرجوع الى أعلى الصفحة اذهب الى الأسفل
وددراش




عدد المساهمات : 9
تاريخ التسجيل : 21/07/2009

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالأربعاء أغسطس 12, 2009 4:26 pm

الاستاذ سال التلميذ لماذ تاخرت لقدضاعة قروش الفطور وسال الاخر لماذتاخرت لان القروش كانت تحت فدمى
الرجوع الى أعلى الصفحة اذهب الى الأسفل
بندرشاه

بندرشاه


عدد المساهمات : 144
تاريخ التسجيل : 24/04/2009
العمر : 41

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالثلاثاء أغسطس 25, 2009 7:16 pm

*مسطول مشي يخطب بت ..
قدمو ليه كباية شاي فيها (كيس لبتون(
قال لي صاحبو : أها من قولة تيت ساوين لينا عمل!!
*مسطول قالو ليهو ما هو أصعب موقف مرة بك ؟
قال: موقف الكلاكلات
*أدروب بغازل في حبيبتو بالمسجات، أهلها ظهرو، قال ليهم والله دا ما خطي
*مسطول اشترا موبايل سوداني لي خطيبتو وقال ليها العرس لمن الاستقبال ينتهي
*مسطول سطلة شديد سمع المعلق بقول فاول لصالح رونالدو... قال أول مرة أعرف انو رونالدو عندو ولد اسمو صالح.......
*مسطول شديد مشى سلاح المظلات .. قال ليهم داير أعمل مظلة للمرحوم الوالد و كده
*مسطول سمع دقة في باب البيت فتح الباب مالقي زول قال ده (مسكول ) ولاشنو؟
*
مسطول قال لي صاحبه أنا حلمان إننا بقينا فنانين ،،،
إنت فنان تشكيلي ... وأنا فنان أشكيلك
*مسطول وزنه زاد .. مشى للدكتور .. الدكتور نصحه يمشي كل يوم 3 كيلو .. بعد إسبوع ضرب للدكتور قاليهو أنا في الحصاحيصا أواصل ولا أرجع
*
واحد نام متأخر لقى الحلم بادي
*
واحد بنى بيته في شكل دائرى لمن سألوهو عن السبب قال: عشان مرتى ما تقول لى حابسنى بين أربعة حيطان
*واحد مزاجى عندو موبايل تلاتين عشرة جدعو في الكوشة لما سألوهو ليه؟ قال ليهم عاوزو ينقلب إلى شيطان
*رباطابي دخل المستشفى سألوه: زيارة؟ رد: لا عمره.
الرجوع الى أعلى الصفحة اذهب الى الأسفل
عبده محمد أحمد المسلمابى
مشرف المنتدى العام
عبده محمد أحمد المسلمابى


عدد المساهمات : 484
تاريخ التسجيل : 19/03/2009
العمر : 54

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالأربعاء أغسطس 26, 2009 7:58 am

والله يابندر مساطيلك عينة بذات المشى الحصحيصا ياربى يكون ماشى لى هسع والله رجع
الرجوع الى أعلى الصفحة اذهب الى الأسفل
نادية حسن عمر
مشرفة قسم المناسبات



عدد المساهمات : 396
تاريخ التسجيل : 20/03/2009

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالخميس أغسطس 27, 2009 3:45 pm

ضحكتنا صحى يا بندرشاه
الرجوع الى أعلى الصفحة اذهب الى الأسفل
بندرشاه

بندرشاه


عدد المساهمات : 144
تاريخ التسجيل : 24/04/2009
العمر : 41

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالثلاثاء سبتمبر 29, 2009 4:50 pm

مسطول دقش ليهو واحدة سمينة جدا في الشارع قالت ليهو ماشايفني قال ليها والله شايفك لكن وين ما متذكر

مسطول بشاغل واحدة بلتلفون..
قالت ليه هي انت مسطول ؟
قال أنعل أبو الكاشف زاتو.............

واحد مسطول مشى لصاحب الدكان قال ليه ادينى سيجارة وعلبة امواس
صاحبنا بتاع الدكان اضانو تقيلة مشى جاب ليه قلم وكراس وقال ليه اديك
بالباقى شنو المسطول عاين ليه وقال ليه ادينى بيه إملاء...


اثنين مساطيل مارين جنب الجامعة , شافو طالب هندسة شايل ليهو مسطرة طويلة جداً ( تي سكوير )
قام المسطول سأل التاني ( لا حولا ولا قوة الابالله دي مسطرة شنو الطويلة دي؟ )
رد التاني : أكيد دي يكون سيف الجامعة البيقولوه دا

مسطول بحب الكتشينة
جاء ساطل سطلة ليها ضل
دخل البيت
امو قالت ليهو يا عثمان غطي البت دي
قال ليها بعرج يا حاجة

مسطول يوم عرسو ساطل سطله شديد، بعد الناس مشت
دخل البيت جوه لقى العروس قاعدة، قال انا كنت
عارف مع جوطتهم دى حينسو ليهم زول

مسطول عضاه دبيب.. قعد يضحك ... سألوه ليه بتضحك قال ليهم الدبيب راح فيها أصلى إنا عندي .. ايدز

مسطول حاقد على احوص الاحوص بعمل لقيمات جلس المسطول جنب الأحوص.......الاحوص يرمى اللقيمات برا الزيت والمسطول يقول تشششش
الرجوع الى أعلى الصفحة اذهب الى الأسفل
عاشق الحتانة
مشرف قسم مرقنبو قرنبو
عاشق الحتانة


عدد المساهمات : 402
تاريخ التسجيل : 27/03/2009

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالخميس أكتوبر 01, 2009 3:24 am



قال ليك وقف الدكتور البروف يشرح أول درس فى التشريح لطلبة السنة الأولى طب .. و كان الدرس عن أساسيات التشريح .. فقال ليهم : عشان تعملوا تشريح لازم تكونوا قادرين على حاجتين .. الأولى ما يكون عندكم أى نوع من الخوف ..

و قام بسرعة أدخل أصبعه فى نخرت الجثة الموجودة أمام الطلبة .. و بعدين قام لحس أصبعو .. و قال كل واحد يعمل زى ما أنا عملت ..

قام كل الطلبه عملوا زي الدكتور ..

فقام قال ليهم : الحاجة الثانية لازم يكون عندكم قوة ملاحظة .. فأنا أدخلت أصبعى السبابة فى نخرة الميت .. لكن لحست الأصبع الجمبو .


الرجوع الى أعلى الصفحة اذهب الى الأسفل
نادية حسن عمر
مشرفة قسم المناسبات



عدد المساهمات : 396
تاريخ التسجيل : 20/03/2009

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالخميس أكتوبر 01, 2009 3:33 pm

ها ها ها ها بايخة
الرجوع الى أعلى الصفحة اذهب الى الأسفل
ايناس فضل الباري




عدد المساهمات : 44
تاريخ التسجيل : 29/04/2009

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالخميس أكتوبر 01, 2009 4:32 pm

والله يانادية مرات النكته البايخه هى البضحك الناس ويبقى الهدف من النكته اتحقق
الرجوع الى أعلى الصفحة اذهب الى الأسفل
hassan ata elmanan

hassan ata elmanan


عدد المساهمات : 208
تاريخ التسجيل : 12/03/2009
العمر : 51

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالخميس أكتوبر 01, 2009 8:05 pm

ها كم دى حقيقية... معانا واحد زميلنا قال عنده حبوبتوا امراة كبيرة لكن عاملة فيها صغيرة , قال لما حضرتها الوفاة ما متوقعة انهاا حاتموت , الجماعة يقولوا ليها لا اله الا الله وهى على حسب انها عاملة فيها شباب تقول لهم ..
بلاى شوف ديل انا بقيت لى ده , وتواصل فى الكلام وتقول وكمان يفولوا لى قولى الشهادة عاين ديل بلاى , شايفين على شنوا ...
قال حتى ماتت لم تنطق بها بل نطقت عاين شوفوا ديل انا مالى يقولوا لى قولى الشهادة ...
الرجوع الى أعلى الصفحة اذهب الى الأسفل
عاشق الحتانة
مشرف قسم مرقنبو قرنبو
عاشق الحتانة


عدد المساهمات : 402
تاريخ التسجيل : 27/03/2009

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالخميس أكتوبر 01, 2009 11:59 pm


حلوه يا حاااسن .. حقيقى الموت ده مافى زول بدورو تب .. و الحمدلله إنو بجى بلا ميعاد ..

**
بعدين شكلو البنات ديل إتفقو إنو نكتتى بايخه ..

أنا داير أعرف البايخ فيها شنو ..؟؟ الحاجة الأولى ولّلا الحاجة الثانية ؟؟

********
قالوا :

دخلَ أبو علقمة النحْوي على الطَّبيب فقال إني أكلتُ من لحوم هذه الجوزال ، فطسئت طسأة ، فأصابني وجع بين الوابلة إلى دأية العنق، فلم يزل ينمو ويربو حتى خالطَ الخلّب، فألـِمت لهُ الشراسف . فهل عندك دواء ؟

فقالَ له الطَّبيب خذ خربقا وشلفقا وشبرَقا فزهزقهُ وزقزقهُ واغسلهُ بماء روث واشربهُ بماء الماء.

فقال أبو علقمة أعد عليَّ ويحك، فإني لم أفهمك .

فقال الطبيب : من أقلنا إفهاماً لصاحبه ؟ وهل فهمتُ منك شيئًا مما قلت ؟


الرجوع الى أعلى الصفحة اذهب الى الأسفل
أيمن فضل الباري
المستشار الفني للمنتدى
أيمن فضل الباري


عدد المساهمات : 186
تاريخ التسجيل : 16/03/2009
العمر : 44

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالسبت أكتوبر 03, 2009 4:51 pm

يا مجدي يا كده يا كده .. نكته وسط ما عندك ؟؟
الرجوع الى أعلى الصفحة اذهب الى الأسفل
بندرشاه

بندرشاه


عدد المساهمات : 144
تاريخ التسجيل : 24/04/2009
العمر : 41

نكات جديدة Empty
مُساهمةموضوع: رد: نكات جديدة   نكات جديدة I_icon_minitimeالسبت أكتوبر 03, 2009 7:48 pm

مسطول اول مرة ياكل علكة .....حلف ما ينوم الا يكملها!!!!!!!!!

مسطول ليلة العرس ما لاقي موضوع يتكلم فيهو ........ قام سال عرستو !!! اهسة اهلك عارفين انك هنا؟؟؟؟؟؟؟؟؟؟

مسطول مرتو قالت ليهو قل لي شيء يحسسني إني مراتك ؟؟؟ قال لها انت طالق

مسطول حلم انو معزوم .... وقاعد ياكل في العزومة... صحا من النوم لقا نفسو اكل نص المخدة

كيف جورج بوش الاب بينيم جورج بوش الابن؟؟؟؟!!!!!!!!!
يلا تنام يلا تنام بدبحلك بكرا صدام


شارون ذهب الي امريكا وقالهم اعملو نسخة مني (استنساخ) اخذو جينات منو و بعدين طلع بغل غضب وقال لهم انتو ما تفهمون وذهب الي فرنسا واخذو منو جينات و طلع نفس الشئي وغضب اكثر وبعدها ذهب الي ايطاليا ووقدرو يطلعو نسخة منو قال لهم كيف فعلتم هذا ؟؟؟ قالو له نحنا ما اغبياء مثل الامركان والفرنسيين ....نحنا اخذنا جينات من البغل وطلع مثلك

في شيئ لهو جنحين و ما بطير وعند عينين وما بشوف ولهو رجلين وما بمشي !!!!!!!!!!!!
ده شنو؟؟؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
 
نكات جديدة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قرية الحتانة :: الفئة الأولى :: المنتدى العام-
انتقل الى: