من الحتانه سلاااااااااااااااااااااااااااااااااااااااااااااااااااااااااااااام
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 هل مرت بك لحظات شعرت فيها بالحرمان؟.

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبد العزيز الدراش

avatar

عدد المساهمات : 131
تاريخ التسجيل : 08/04/2009

مُساهمةموضوع: هل مرت بك لحظات شعرت فيها بالحرمان؟.   الأحد أغسطس 02, 2009 12:46 am

هل مر عليك يوم وأنت شايف واحد لابس بنطلون جينز آخر موضة وتمنيت انو يكون عندك واحد زيه لكن ظروفك المادية ما كانت بتسمح ليه تشتريه ؟.

هل مر عليك يوم جيت ماشي جنب مطعم وشميت ريحة الدجاج المشوي أو السمك المقلي وكان نفسك تدخل المطعم وتأكل , لكن ظروفك المادية ما ساعدتك علي تحيق أمنيتك؟.

هل مر عليك يوم وأنت شايف واحد شاب سائق عربية آخر موديل , وتمنيت انو يكون ليك عربيتك الخاصة حتي لو كانت موديل 80 , لكن ظروفك ما ساعدتك ؟.

هل مريت بي منزل جميل وتمنيت في نفسك انو يكون ليك منزل خاص حتي لو كان حوش واوضة واحدة بس , لكن ظروفك المادية ما ساعدتك ؟.

أكيد كلنا مرت علينا المواقف دي , لكن الحمد لله كثير مننا تحققت معظم أمانيهم , وآخرين تحققت بعض أحلامهم , والبعض الآخر واقف في الصف عسي ولعل في يوم تتحقق ليه ولو أمنية واحدة من الأماني الكثيرة الكان بمني بيها نفسه في شبابه . لكن يا تري مين فينا بحس بي معاناة الناس الأقل مننا , وهم الآن بيمروا بنفس المواقف التي مرت علينا قبل كده , والواحد فيهم ما قادر يحقق ابسط أمنياته حتي ولو كانت وجبة دجاج مشوي من مطعم البوداي .

-------------------------------

بقولوا انه العايش في مستوي من الرفاهية والنعيم ما بشعر بي معاناة الناس الأقل منه وبفتكر انو كل الناس عايشين في نعيم ذي ما هم عايش . هل الكلام ده صحي ؟.

أنا أقول : نعم صحيح , وأسالوا مجرب .

•الرئيس العايش في القصر الجمهوري , ما بيحس بي معاناة المواطن العادي الما لاقي حتي عشرة ألف عشان يشتري بيها علاج لي ولده المريض .

• المدير العام الموفرين ليه سكن وعربية ما بشعر بي معاناة الموظف العادي الواقف ساعة في الشارع عشان يلقي عربية توصله للمكتب في المواعيد المطلوبة , ولو تأخر خمسة دقائق يقابلوه بي استيضاح .

•الساكن في بيت ملك , أو ساكن في بيت ورثة , أو أهله قاسمين ليه البيت وسكان في النص التاني , أو ساكن مع نسابته , ما بيشعر بي معاناة الساكن في بيت إيجار وتلقاه من نص الشهر شايل هم الإيجار , والمشكلة الأكبر لو جاه صاحب البيت وقال ليه يا إما تزيد الإيجار أو اطلع ممن البيت .

•العنده سيارة خاصة , ما بشعر بي معاناة الناس البيقيفوا ساعات منتظرين المواصلات , أو معاناة الما عنده حق التاكسي أو الأمجاد وجاه خبر وفاة في آخر الليل .

•البيأكل كل يوم بعد يوم دجاج مشوي أو بروست أو سمك , ولما يزهج ويحب يغير يجيب سندوتشات بيرقر جامبو أو بوفتيك , ما بشعر بي معاناة البيأكل كل يوم فول وطعمية ولما يحب يغير يأكل زبادي وطحنية .

•البيشتري كل أسبوع أتنين أو ثلاثة كيلو لحمة , ما بشعر بي معاناة الما بيأكل لحمة إلا مرة أو مرتين في الشهر أو ما يأكلها إلا في المناسبات .

•البيقضي إجازته السنوية في مصر أو بيسافر كل سنة في رمضان للعمرة والاستجمام , ما بيشعر بي معاناة المغتربين البينتظروا سنة أو سنتين عشان يجوا الإجازة , وأول ما تبدأ الإجازة يكون الواحد فيهم شايل هم الرجعة .

معليش لو رأس السوط وصل لي واحد أو مجموعة منكم , لكن دي الحقيقة , والحقيقة لا مفر منها , وزي ما قلت ليكم اسألوا مجرب , وأنا واحد من الناس انطبقت علي بعض الصفات المذكورة في بداية الشباب , وكنت أعيش في مستوي لا بأس به من النعيم , وكنت بفتكر انه كل الناس عايشين زي ما أنا عايش , و بفتكر انه كل واحد لو عاوز يأكل الحاجة الفي نفسه ما عليه إلا يدخل المطعم ويطلب الحاجة العاوزها , ونسيت انه في ناس مكتفين بي وجبة واحدة أو وجبتين في اليوم , ولو أكلوا فواكه ما بيأكلوها إلا مرة في الأسبوع , اما الدجاج والسمك يكفيهم منه الريحة البشموها لما يجو ماشين قدام المطاعم الراقية .

ولتأكيد ما سبق ذكره أنا حا احي قصة حقيقية ذكرها لي خالي حسن الإمام – عليه رحمة الله – قبل فترة طويلة , وكان بيشرح لي في نفس الموضوع وهو انه دائما الأغنياء ما بيشعروا بي حرمان الفقراء .

قال لي في الأربعينات لما كانت بريطانيا خاضت حروب كثيرة وفي جبهات متعددة , حصلت في بريطانيا مجاعة شديدة , و الملكة (اليزا بث) ما جايبة أي خبر للكلام ده , والمستشارين بتاعنها داسين عليها الخبر عشان ما يحصل شوشرة في القصر , تماما زي مستشارين رئيس الجمهورية حققنا , مصورين ليه انه الشعب كله مبسوط وما في أي واحد جيعان , طبعا الشعب البريطاني لما ضاقت عليه الحالة وانعدم الخبز وشعر بالجوع كله طلع الشارع وعملوا مظاهرات وتجمعوا حول القصر الملكي . الملكة لما سمعت صوت المظاهرات طلعت في البلكونة ومعاها مجموعة من المستشارين حقنها , ولما شافت ألاف الناس واقفين تحت القصر وبيهتفوا بي صوت عالي سألت المستشارين وقال ليهم : ديل مالهم جايطين كده ؟.

واحد من المستشارين ما قدر يسكت أكثر من كده , وقال ليها : يا جلالة الملكة الشعب جيعان وما لاقي خبز يأكله .

قامت ردت عليه بكل ثقة وعفوية وقال ليه : طيب ما يأكلوا ( بسبوسة ) .

وفعلا العايش في نعيم الغني ما بشعر بي جحيم الفقر .

انا كتبت الموضوع دا من باب التذكرة لنفسي و للجميع , { من كان له فضل زاد فاليعد به علي من لا زاد له , ومن كان له فضل ظهر فاليعد به علي من لا ظهر له .) وتذكر أن الأيام دول وان دوام الحال من المحال .

والعنده قروش محرقات روحه وما عارف يوديها وين , يوردها لي في حسابي في بنك العمال الوطني فرع ( المعذبين ) اقصد فرع المغتربين . وإنشاء الله حا نردها ليه ومعاها بوسه كمان .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
السموءل احمد عثمان محمدين

avatar

عدد المساهمات : 35
تاريخ التسجيل : 11/03/2009
العمر : 37

مُساهمةموضوع: رد: هل مرت بك لحظات شعرت فيها بالحرمان؟.   الأحد أغسطس 02, 2009 3:46 am

موضوع كارب والله يادراش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نادية حسن عمر
مشرفة قسم المناسبات


عدد المساهمات : 396
تاريخ التسجيل : 20/03/2009

مُساهمةموضوع: رد: هل مرت بك لحظات شعرت فيها بالحرمان؟.   الأحد أغسطس 02, 2009 2:47 pm

شوف يا دراش انا عديل كده بقولها ليك وبكل صراحة بتمنى يكون عندى عربية وما قادرة؟؟؟؟ وبتمنى يكون عندى بيت ملك ( عندى قطعة دلجة دايرة الببنيها) وبرضو ما قادرة.؟؟

والعندو بيت وعربية زايدات عليهو يتنازل لى عن واحدة.. الاتنين بتبقى كتيرة....

فى بعض الدول عنده قوانين حازمة لتنظم توزيع الممتلكات والثروات بتمنع امتلاك اكثر من بيت للاسرة مهما كان عدد افرادها.

لو كان عندنا قانون ذى ده يتخيل لى البيوت حتكون اكثر من عدد الناس.
ولو اتعمل نفس الكلام ده بالنسبة للعربات وغيرها .

شوف الامور ح تتغير كيف....

وسبحان موزع الارزاق والمعطى والمانع.

وبرضو القناعة مطلوبة ... والرضا بالمقسوم عبادة.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مجتبى الزبير Ø

avatar

عدد المساهمات : 81
تاريخ التسجيل : 11/04/2009
العمر : 48

مُساهمةموضوع: رد: هل مرت بك لحظات شعرت فيها بالحرمان؟.   الإثنين أغسطس 03, 2009 3:24 am

يتخيل لي يا عبدالعزيز أي زول بيكون مر بأيام كده, لأنو دوام الحال من المحال, بس مفروض الواحد دايماً يعاين للأحوج منو عشان يستمر التكافل بين الناس, بعدين عين ابن آدم زي ما بقولوا ما بملاها إلا التراب, ومع كده الواحد دايماً في تطلع وده لحد ما شيء كويس بس لو زاد عن حدو بيقلب لي حاجات لا تحمد عقباها,
بس عاوز اصحح معلومة مغلوطة عند ناس كتير, وهي قصة الملكة ماري انطوانيت:
الملكه ( ماري انطوانيت ) ملكة النمسا وزوجة الملك لويس السادس عاشت حياة مترفه ناعمه في الوقت الذي كان فيه الشعب لايجد قوت يومه في فرنسا
تسببت هذه الملكه في قيام الثوره الفرنسيه ... وحوكمت هي وزوجها من قبل الشعب الفرنسي وبقتلهم بالمقصله ...
لانها قالت كلمتها المشهوره للشعب الفرنسي الفقير في ذلك الوقت
( الذي لا يجد الخبز ليأكله ... فليأكل جاتوه )
ودمتم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبو ريناد

avatar

عدد المساهمات : 406
تاريخ التسجيل : 13/04/2009
العمر : 52

مُساهمةموضوع: رد: هل مرت بك لحظات شعرت فيها بالحرمان؟.   الإثنين أغسطس 03, 2009 6:04 am

الاخ الدراش التحية لك موضوعك فيه كثير من الحقائق بس انا شخصيا عمري ما نظرت لاحد لكي اغتنم مثله يعني اعيش بواقعية وبفكر بطموح عالية وبفكر مختلف عن الناس ووضعت لنفسي مخطط لاربعين سنة قدام اذا ربنا مد في الاجال بان امتلك ناطحة سحاب تأويني انا واولادي وسيارة جيب عائلية 18 باب وزوزوكي صغير 6 باب لجيب الخضار وحاجات السوق وقطار لنقل العفش وطيارة للرحلات القريبة وماكوك لازور بيتي في القمر ويخت لاقضي مصيفا في قصري بجزيرة امتلكها وغواصة للقصر داخل البحار وهذه كل الطموح حققتها كلها ...... قبل ما اصحي من نومي وكانت حيلتي بطانية ومخدة متكفي عليها ..... هذه ليست احلامنا نسأل الله حسن الخاتمة ودعاء أمنا إمرأة فرعون ربي ابني لي بيتا في الجنة امين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://HOTMAIL.COM
الدحيش

avatar

عدد المساهمات : 498
تاريخ التسجيل : 08/04/2009

مُساهمةموضوع: رد: هل مرت بك لحظات شعرت فيها بالحرمان؟.   الإثنين أغسطس 03, 2009 2:42 pm

الموضوع جميل جداً ودراش .. وفيهو حكمة وتذكير
والله كلنا مرت بينا في الإحاسيس المذكورة .. لأنو دي طبيعة النفس البشرية .. تتطلع دائماً للأفضل .. لكن يبقى السؤال يا دراش .. لماذا لا يشعر الغني بمعاناة المحروم أو الفقير ؟ .. وأنا أعتقد الإجابة تجدها في حديث الرسول صلى الله عليه وسلم Sadلو كان لأبن آدم واديان من ذهب ، لأبتغى لهما ثالث).. وهو كناية عن عدم إمتلاء عين البني آدم .. لذلك الغني يكون مشغول بأمواله ويطمع في زيادتها .. فليس له زمن للإلتفات لحال الغير
فلا تعتقد أن الأغنياء هم أكثر الناس راحة .. بل هذه الأموال هي إبتلاء من الله سبحانه وتعالى .. لينظر الله كيف يتصرف في هذه الأموال .. ومثال (قارون) ليس ببعيد .. ويعجبني جداً (الشحاذ) في السوق العربي الذي يقول لك (إديني من مال الله الذي أعطاك) .. وفعلاً ده شحاذ فاهم
فإذا تحولت أموال الأغنياء في الدنيا إلى أعمال صالح .. فهذا هو الزاد الحقيقي للدار الآخرة .. فلا سيارة ح تدفن معك في القبر .. ولا عمارة .. ولا .. ولا .. ولا .. فكلها إلى زوال ..
أحييك أخي على الموضوع الجميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد عبدالدائم احمد



عدد المساهمات : 502
تاريخ التسجيل : 26/10/2009
العمر : 55

مُساهمةموضوع: رد: هل مرت بك لحظات شعرت فيها بالحرمان؟.   الثلاثاء مايو 18, 2010 5:07 pm

لك الشكر ابني عمي العزيز / عبد العزيز على طرح هذا الموضوع وبطريقتك الخاصة ... والشكر موصول للاعزاء الكرام الذين اثروا هذا الطرح ولي اضافة بسيطة بعد اذنكم ...

الزكاة وما ادراك ما الزكاة ... والزكاة في مشروعيتها هي ام الحلول للمشاكل .. اذا اسنخرجت حسب اصولها وطريقتها ووزعت على مصارفها المحددة فانا لا اعتقد بان هنالك سوف تكون فى مشكلة فقر او عوز او حاجة في دول الاسلام وده الحل الشافي من الخالق سبحانه وتعالي ...

واضافة اخري ...( ان الاوهام والخرافات والمعجزات لامكان لها مع الناجحين ... انهم الذين ينتقدون انفسهم ويصححوها ولا يعشون خيالات ابتدعوها .. وهم ينظرون الى الاعلي دائما ولكن بواقعية بحيث تكون احلامهم قريبة من التحقيق وممكنة التحقيق ) ...
لكم التحايا جميعا ودمتم ....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبو ريناد

avatar

عدد المساهمات : 406
تاريخ التسجيل : 13/04/2009
العمر : 52

مُساهمةموضوع: رد: هل مرت بك لحظات شعرت فيها بالحرمان؟.   الثلاثاء مايو 18, 2010 6:53 pm

كلام مليان يا أبو ليلى ... تحياتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://HOTMAIL.COM
وداد محمد عبدالسلام

avatar

عدد المساهمات : 9
تاريخ التسجيل : 08/05/2009

مُساهمةموضوع: رد: هل مرت بك لحظات شعرت فيها بالحرمان؟.   السبت مايو 29, 2010 4:33 am

الاخ عبد العزيز مشكورعلى الموضوع الجميل اكيد مرت علبنا هذه الظروف لكن سبحان مقسم الارزاق ففى تقسيمه للرزق حكمة يعلمه هو وربنا يجعلنا من الذين اذا أعطاهم حمدو وشكرو واذاقدر عليهم حمدو وصبرو
سلمت يداك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هل مرت بك لحظات شعرت فيها بالحرمان؟.
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قرية الحتانة :: الفئة الأولى :: المنتدى العام-
انتقل الى: