قرية الحتانة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


من الحتانه سلاااااااااااااااااااااااااااااااااااااااااااااااااااااااااااااام
 
الرئيسيةالرئيسية  أحدث الصورأحدث الصور  التسجيلالتسجيل  دخولدخول  

 

 حاجات غريبة

اذهب الى الأسفل 
3 مشترك
كاتب الموضوعرسالة
hassan ata elmanan

hassan ata elmanan


عدد المساهمات : 208
تاريخ التسجيل : 12/03/2009
العمر : 51

حاجات غريبة Empty
مُساهمةموضوع: حاجات غريبة   حاجات غريبة I_icon_minitimeالأحد يناير 03, 2010 5:24 pm

هنالك اشياء كثيرة وغريبة فى حياتنا وكلنا نعملها او ننظر اليها ونتكاسل من اصلاحها والغريبة نحن مرات كتيرة ذى بتكون عاجبانا وهى اشياء عادية واذكر لكم جزء منها :
1/ ليه الساعات الحائطية دى معظمها ما شغالة مع انها بتكون محتاجة حجر فقط .
2/ الحاجة الغريبة الثانية تجد النساء هاك ياونسة فى البيت ولما يطلعوا يقدموا الضيف يقيفن فى خشم الباب اكثر من الزمن الكان بداخل البيت .
ومن الرويان سلااااااااااااااااااااااااااااااااام .
الرجوع الى أعلى الصفحة اذهب الى الأسفل
محمد عبدالدائم احمد




عدد المساهمات : 502
تاريخ التسجيل : 26/10/2009
العمر : 62

حاجات غريبة Empty
مُساهمةموضوع: رد: حاجات غريبة   حاجات غريبة I_icon_minitimeالثلاثاء يناير 05, 2010 3:00 pm

دي ثقافات سلبية خالدة عندنا اخونا العزيز حسن .. ونتمني من هذا الجيل بان يبدل كل موروث سلبي بموروث ايجابي ويحافظ علي موروثاتنا الايجابية .. وشكرا علي هذا الموضوع الحي والمعاشر ... ودمت
الرجوع الى أعلى الصفحة اذهب الى الأسفل
نادية حسن عمر
مشرفة قسم المناسبات



عدد المساهمات : 396
تاريخ التسجيل : 20/03/2009

حاجات غريبة Empty
مُساهمةموضوع: رد: حاجات غريبة   حاجات غريبة I_icon_minitimeالخميس يناير 07, 2010 3:21 pm

زكرنى موضوعك يا حسن بموضوع كان وصلنى عبر الايميل من احدى الصديقات: عنوانو تخيل كيف يكون الحال لو ما كنت سوداني.
الموضوع طويل شوية .سوف انزله بالتدريج:
لو ما كنت سودانى

كنت ح تلتزم بالمواعيد - كنت ح تدفع فاتورة المحامي او الطبيب قريبك - كنت قاضيت المهندس الخرب ليك بيتك - كنت عملت مشروعك بنفسك من غير ما تحاكى - كنت بدأت دوامك في الموعد المحدد - كنت حتنطق حرف ال (ق) و ال) غ) كما ينبغي وما كنت حا تقول للتسعة تزعة - كنت بطلت تسف ساعوط - كنت صرت متخصص وعالم في مجالك - كنت حتلبس شيك جدا عند خروجك أمام التلفزيون وأجهزة الاعلام - كنت تتحدث بطلاقة وإنسيابية بدون أ أ أ أ أ أ–

ولو ما كنت سودانى كنت عرفت ان فى الدقيقة 60 ثانية وفى الساعة 60 دقيقة و باليوم 24 ساعة وفي اليوم ممكن تعمل كذا وتنجز كذا وكنت خططت لحياتك ومستقبلك و كنت اخترت المساق التعليمي بنفسك و درست الجامعة بالكلية اللي تناسب مقدراتك ومواهبك ورغباتك المستقبلية مش عشان ود جيرانكم اختار الكلية دى بالذات يعنى اخنق فطس..

كنت ح تتصل بالتلفون قبل زيارة أحد في منزله بدري شويه, مش و أنت في خشم الباب ده طبعا لو اتصلت وما جيت داخل زي قدر الله ... بدون حتي ماتدق الباب وتدقو ليه؟؟مش في سلك تجرو وتدخل!!بدون مراعاة لحرمة البيت..
ولو ما كنت سوداني...كنت انتظرت دورك في الصف وخلصت معاملتك بنظام بدل الململة البتتعمل وكنت ح تنهر أولادك لما يبهدلوا ليهم بيت زول ويعيثوا فيهو فسادا وانت قاعد تضحك ومغرور بأاولادك ورافع لي ناس البيت الضغط والسكري....كنت حا تتوقع بحصل شنو لما ترقد طفلك الصغير بدون بامبرز في سرير في بيت ناس!! واولادك الاكبر شوية بعملو شنو في نباتات وازهار الناس التعبانين عليها وزارعنها وراوينها بي دم قلبهم ...

و كنت ح تتردد في أخذهم معاك المرة الجاية لنفس البيت, علشان يبهدلوه مرة تانية...كنت ح تتردد في إعطاء رقم تلفون أو عنوان شخص ما.. دون إذنه او حتي سؤاله اذا كان عندو رغبة يتواصل مع الناس ديل أو مفهمم انو ما عندوا تلفون من اصلو بدل تورطو وتحرجو كدة!!!.وكنت امتنعت عن السماح بجلوس طفلك الرضيع في المقعد الأمامي على حجر والدته ولمن يحصل حادث الحبيب ياكلها لا لذنب جناهو سوي انو اهلو سودانين!!...

كنت ح تترد في زيارة شخص ما.. أنصاص الليالي و صبحان تاني يوم مدارس و عمل وتساهر بالناس وتطلع روحهم تشرب العصير والشاي ويعملو ليك العشاء علي امل انك تمشي وتخليهم ينومو وانت برضو قاعد تبرأ فيهم وما تحس الإ قبل آذان الفجر بشوية وتقوم تنكشح بعد ما الديك قرب يعوعي!!!

للموضوع بقية


عدل سابقا من قبل نادية حسن عمر في الخميس يناير 07, 2010 3:22 pm عدل 1 مرات (السبب : اضافة)
الرجوع الى أعلى الصفحة اذهب الى الأسفل
محمد عبدالدائم احمد




عدد المساهمات : 502
تاريخ التسجيل : 26/10/2009
العمر : 62

حاجات غريبة Empty
مُساهمةموضوع: رد: حاجات غريبة   حاجات غريبة I_icon_minitimeالخميس يناير 07, 2010 4:01 pm

طيب يا جماعة .. نحن عرفنا الداء .. فاين الدواء ... يبدو لي افضل طريقة وانجح طريقة في تغير هذا الواقع المذكور اعلاه ( سلبياتنا في بعض نواحي الحياة ) بان نعمل ونربي اولادنا علي الاحسن والافضل والمعاكس لما جاء اعلاه .. وده طبعا يتطلب مننا نحن ان نكون القدوة لهم .. ودي مسئوليتنا امام الله ثم امام مجتمعنا .. ومشكورين جدا جدا علي طرح هذا الموضوع الهام والمهم ويا ريت ننقله للمنتدي الجديد حتي ياخذ حظه من الانتشار والتداول ... والله المستعان .. ودمتم ...
الرجوع الى أعلى الصفحة اذهب الى الأسفل
 
حاجات غريبة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قرية الحتانة :: الفئة الأولى :: المنتدى العام-
انتقل الى: