| مجادعات دار جعل | |
|
+12ذوالفقار الأمين محمد أحمد عبد العزيز الدراش أيمن فضل الباري هاديةعبدالرحمن عثمان احمد أبو ريناد عاشق الحتانة ناجى أبو تسنيم ياسر سليمان عمر سراج الدين عثمان محمدين حذيفه محمد أحمد عثمان عبده محمد أحمد المسلمابى نادية حسن عمر 16 مشترك |
|
كاتب الموضوع | رسالة |
---|
عبده محمد أحمد المسلمابى مشرف المنتدى العام
عدد المساهمات : 484 تاريخ التسجيل : 19/03/2009 العمر : 54
| موضوع: رد: مجادعات دار جعل الإثنين يونيو 15, 2009 2:23 am | |
| ياأخوانا هوى ماممكن نقيف فراجة
للقول الرصين بلدنا يوت محتاجة
دايرين العم يكون للحلة ديما سراجا
ومجدى حافظ عشقو مافى يوماً جاجا
وقلت أيضاً :
عاجبنى النضم كشتينة أو فى الكورة
بس تلاتة ضد واحد يازمرة مى معقولة
الخاين وقت يكتب كلماتو ديمة خجولة
ده مجدى الهلال فاكرنوا زول ماسورة
وقلت لأيمن :
إيديك شايفة تكتب شوية وترعش
ياأيمن أقيف حالف يمين ماتهبش
تاكل عرض أخوك تكشف معايبو وتنبش
ده إن صدع شوية عينيك شهر مابترمش
عدل سابقا من قبل عبده محمد أحمد المسلمابى في الأربعاء يونيو 17, 2009 6:09 am عدل 2 مرات (السبب : وزن ناقص) | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الثلاثاء يونيو 16, 2009 1:55 am | |
| [b]راكز يمين ما بخا ف من غا ره..
انا اخو البنا ت الدقن النقا ره..
يا عجوز راجيك وراجي احفا د جا ره..
جدي انا المجذوب ما دح ودق الطا ره | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الثلاثاء يونيو 16, 2009 2:04 am | |
| [b] راكز كالجبل. الما بتهزو هبوب
انا الصنديد لبست العجوز التوب
ما بضا را في ود خالي . الماسك للقلم يادوب
بصارع فيكم بجدع شعري . لامن تجروا و تقولوا الروب
عدل سابقا من قبل سراج الدين عثمان محمدين في الثلاثاء يونيو 16, 2009 4:44 am عدل 1 مرات | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الثلاثاء يونيو 16, 2009 2:20 am | |
| [b] عمك يا الزبير راكز في الاراضي الصلبه
مابخاف من ديل .بحشو السندوتش . كسره ومعاها مربه
انا المر . قارش القرض . وبسف معاهو الحلبه
مليون من زي العجوز. مابسو.. الحبه .. | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الثلاثاء يونيو 16, 2009 2:34 am | |
| [b] عمك يا الزبير .. عندو الشعر احساس
وكت الحرابه تقوم .. بيكتب حروف رصاص مابضارا زي العجوز .. اتحاما بين الناس
عمك جاهز لي الثلاثه .. لامن يعلنو الافلاس
عدل سابقا من قبل سراج الدين عثمان محمدين في الثلاثاء يونيو 16, 2009 4:45 am عدل 1 مرات | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الثلاثاء يونيو 16, 2009 2:46 am | |
| [b]بقولوا ليك يا ايمن.. كلام امام عينيك ابعد بعيد من دربي .. ابوك محتاج ليك
اصلو العجوز معروف . . باكر بيغدر بيك
حرم اجيك دافر .. شيخ زوفه ما يحميك | |
|
| |
ذوالفقار الأمين محمد أحمد
عدد المساهمات : 9 تاريخ التسجيل : 27/05/2009
| موضوع: رد: مجادعات دار جعل الثلاثاء يونيو 16, 2009 4:15 am | |
| ياسلام علي مجاداعاتكم الحلوة ياهو دا نفسنا الطيب الحابانا بيهو المولي سر ناظرنا قال ماشالله ماقال لاحول كلكم منتصرين كاسبين الجولة | |
|
| |
أيمن فضل الباري المستشار الفني للمنتدى
عدد المساهمات : 186 تاريخ التسجيل : 16/03/2009 العمر : 44
| موضوع: رد: مجادعات دار جعل الأربعاء يونيو 17, 2009 12:29 am | |
| حذاراك يا سراج ما تكتر النضمي والحلبة قدامك اركز عديل ما تجري اسعالك سيوف و اوعاك بس لا تشري والكضاب دوام ما بعرفو غير الشتمي | |
|
| |
أيمن فضل الباري المستشار الفني للمنتدى
عدد المساهمات : 186 تاريخ التسجيل : 16/03/2009 العمر : 44
| موضوع: رد: مجادعات دار جعل الأربعاء يونيو 17, 2009 12:30 am | |
| الزول السمح بالخير دوام متعلي والزول الكعب للقول حديثو مجلي الناس العزاز دايماً سماها مضوي في كبد السماء واقف هلالا بضوي مليانة الأرض بي نور ضياهو .. محلي والنجم الصغار ما فيهو حيلاً يسوي شامخ زي ملك جعلي وعظيمة اوصافو من حولو العبيد واقفين حرس عند راسو | |
|
| |
عبده محمد أحمد المسلمابى مشرف المنتدى العام
عدد المساهمات : 484 تاريخ التسجيل : 19/03/2009 العمر : 54
| موضوع: رد: مجادعات دار جعل الأربعاء يونيو 17, 2009 2:29 am | |
| أمبارح رسلت رسالة فى الجوال لذو الفقار قلت ليه: رف القليب حن لى واحدة ماها عجولة ست اللهيج حالى كلماتا معسولة حرقت شغاف قلبى والحكمة مشغولة لو جن العقل فارق مريودتى مسئولة رد قال : هام الفؤاد على كالمزن فى رحولة لهيجة أحلى من عجوه المحوس المشتولة محروق تشفيهوالزفره قصره وطوله قبلى قيس جننته ليلى أنا اسبابى هذى الزولة قلت ليه: لو قيس زمان جن أسبابو معقولة أنا مالى يالأخوان مالكانى مجهولة خلت شغاف قلبى دوايرومشغولة وبى ريد فريع البان جزايرو ماهولة رد قال : البحسبوا النجوم إن شافوا حالتى يعطفولا مشغول فؤادى بيه من زمن الطفولة صعب عليكم وصول دياراياالبتناوطولا دى شتلة بى سبعة بحور مقفولة قلت ليه : يفرح يطير قلبى أقول ده مسكولا مع أنو ياصاحبى زولتنا مجهوله يمكن تكون غلطت قايلانى بس زولا دى الجننت عقلى ياأخوانى بى قولا رد قال : ياأبو عروة شوف الخلوق كيف مزهولا فى حب الصيده الراتعة فى سهولا زى شهر رمضان نترغب مسكولا شباب وشيب حتى الكهوله قلت ليه : الحير بنات فكرى خلاها مذهولة نون حاجبا المقرون وعينيها مكحولا لو قبلت تمشى خطواتا بى ميلا خلتنى ياخلان حالتى يرثولا
رد قال : ساهى ساهر حالتى يبكولا أفكارى تحت هلاله جوه ود عينة مقفوله ياأطبا الغرام كدى فتشولا الغرام كم ضيع زى فى القرون الأولى
قلت ليه : من وراء القمرة ضفايرو مسدولة وفوق صدير عالى رمانة مشتولة قواما يتنى حق عاجة مصقولة لحاظا زى الريل سهاما مسلولة رد قال : دى لؤلؤ الخليج المامز قولا مانطق فاها بى ملحتا مسقولا هميمة للضيفان ماها الخملة المهمولة السمايم تنقلب نسيم لو جسيمة مسولا
ختمت وقلت : بتظلموا التمرة لو قلتوا معسولة داير أختم الجولة ولى بكرة مقفولة فى درب الغرام والريد كم أمة مخبولة رادار حبيبى الزين سلوكو محلولة
عدل سابقا من قبل عبده محمد أحمد المسلمابى في الأربعاء يونيو 17, 2009 6:06 am عدل 5 مرات (السبب : خطا مطبعى) | |
|
| |
عبده محمد أحمد المسلمابى مشرف المنتدى العام
عدد المساهمات : 484 تاريخ التسجيل : 19/03/2009 العمر : 54
| موضوع: رد: مجادعات دار جعل الأربعاء يونيو 17, 2009 2:45 am | |
| ياأخوانا هوى يافاكهة المجادعات أكتبوا كلام رصين بعدين فى إستفتاء مفتوح عن أجمل مجادعة وأفضل من يكتب فى المجادعات وأجمل قصيدة فى المنتدى أوزنوا النضم | |
|
| |
أبو ريناد
عدد المساهمات : 406 تاريخ التسجيل : 13/04/2009 العمر : 59
| موضوع: رد: مجادعات دار جعل الجمعة يونيو 19, 2009 6:58 am | |
| يا خوانا كدي في شعركم فجو لي شوية *** أنا باقي أخش معاكم وعاقد النية
نحن ناس الحتانة ناس كرم والفينا محرية *** وناس حارة نفزع الغرقانة في الشنقية
[ color=red] ( تعريف الشنقية هي جزيرة فيها اراضينا)[/color] | |
|
| |
نادية حسن عمر مشرفة قسم المناسبات
عدد المساهمات : 396 تاريخ التسجيل : 20/03/2009
| موضوع: رد: مجادعات دار جعل الثلاثاء يونيو 30, 2009 3:21 pm | |
| ياعبده المحاولة دى مكتوبة فى مكان اخر من المنتدى وقلت احسن تكون بى جاى .
الكلام الفصيح مو محتاجلو لكراسة والحديث السمح والزين مو دايرلو دراسة والبحر الغريق بترسوهو بلا غواصة... اقيف يا زول ........... اسمع حديثا عابق فايح عطر كلماتو نحنا السم النجوع كم شتت قبايلا جاتو نحنا الرعد الضرب الصعيد وشرقت مطراتو اهل الكرم والجود وقت الضيق يمد جنحاتو ويا الحتانة حبك فى القلوب كم غرس ونبتت شوكاتو.......... | |
|
| |
نادية حسن عمر مشرفة قسم المناسبات
عدد المساهمات : 396 تاريخ التسجيل : 20/03/2009
| موضوع: رد: مجادعات دار جعل الثلاثاء يونيو 30, 2009 5:44 pm | |
| يا ود الخال الليلة الشباب وين راحو خلو البلد الوريفة ضربو البنادر تاهو راقدين قفا رايق دمهم نامو وارتاحو خلوك يا الحتانة ذى المريض كاوياهو جراحو اه يا البلد.. يا البى فراقك الجوف انهرد هداها السموم والروم خراب راقد لبد لبد فقدنا العشم خلاص قطعنا الرجعة للابد حالفين برب الكعبة الا نعيدو نشيدا ويارب ياكريم اكرمنا فى تشييدا ترجع تعود اياما حلوه جديدا وانا في رجا الباقين نعيد للبلد الجميلة افراحا وعيدا
عدل سابقا من قبل نادية حسن عمر في الثلاثاء يونيو 30, 2009 5:55 pm عدل 1 مرات (السبب : خطأ لغوى) | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الأربعاء يوليو 01, 2009 7:27 am | |
| - عبد العزيز الدراش كتب:
- يا ناس هوي خلاص استوب كفي ..
وكدي صلوا وسلموا علي الحبيب المصطفي..
وخليكم زي اخونا معتصم محمد مصطفي ....
زولاً رزين ما بحب المزاح وكتر الكلام والسفسفه...
شيخاً ود شيوخاً عزاز سلاسة ابونا الشيخ مصطفي ... إلهي صلى على النبى المافى زول بسواهو يا ود الشيخ محمد ليك منى السلام تلقاهو ود دراش زهجان هناك فى البلد البعيدة براهو معذور أخوك يا عبده الغربة حارقة حشاهو
عدل سابقا من قبل عاشق الحتانة في الأربعاء يوليو 01, 2009 8:08 am عدل 1 مرات | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الأربعاء يوليو 01, 2009 7:33 am | |
|
ود جابر خبارك فوق درب الصغار تنجرّ
كيف تاكل من قدحنا و تدّى وشيك صرّه
الأكل البتضوقو براك ماهو لذيذ بالمرّه
أوعاك تكاكى عـِن ناس جاره و تبيض برّه
عدل سابقا من قبل عاشق الحتانة في الأحد يوليو 26, 2009 10:21 pm عدل 2 مرات | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الأربعاء يوليو 01, 2009 7:49 am | |
|
أب عثمان فى شيل حالنا ... لمّي القوافى وصاغ
ينهش فى لحمنا ... ولى جلودنا باقي دبّاغ
إلا ما يلومنا وكتين ... نعصْرو لامن يسوى الغاغ
أصلو معروف ... السعن أب مويتن شويه جلباغ
عدل سابقا من قبل عاشق الحتانة في الأحد يوليو 26, 2009 10:22 pm عدل 2 مرات (السبب : مع خالص الشكر للأخ عبده) | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الجمعة يوليو 03, 2009 5:31 pm | |
| [b]ولي زمان الهلال واليوم يادراش في عهدٍ كلنا مريخ كنا فعل ماضي مفردٌ من كان فلابد لك من الاَن ان تذاكر التاريخ
تريد يادراش تذكيرنا بالكنتين ما اشترينا يوما غير فضلات الاسماك تسمي بالفسيخ
ان تباهت نفسك باكل التسالي فهو في النهايه حبٌ مزبول من البطيخ | |
|
| |
الدحيش
عدد المساهمات : 498 تاريخ التسجيل : 08/04/2009
| موضوع: رد: مجادعات دار جعل السبت يوليو 04, 2009 4:15 pm | |
| زمن الهلال .. كضاب من يقول قد ولىّ يا أبو عثمان أخوي .. هلالنا دوبا هلاّ وكان عندك حديثاً قاصدوا.. أخير تقول ما دلّ وابعد عن هلالاً .. ما بتطولو .. أي والله | |
|
| |
الدحيش
عدد المساهمات : 498 تاريخ التسجيل : 08/04/2009
| موضوع: رد: مجادعات دار جعل السبت يوليو 04, 2009 7:15 pm | |
| كتبت شعراً .. وبالقوافي ماني ضليع .. إلا ود عثمان .. حرك فيا شيطان قِيع .. كُجار حلتنا .. والجوارنا ما بنزيدو حريق .. إلا هلالنا ما بنسيبو .. لي اللسانو طليق ..
مع تحياتي يا ود عثمان
| |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الأحد يوليو 05, 2009 7:22 pm | |
|
يوم القرعة وزعنا البارد .. عشان نصف النهائى ضمنا
يوم النزال راجين " المرخرخ " .. لى سيفنا السنين سنـّنا
بى طمبلنا ولّلا عجبكم .. ما ظنيت تقدروها حربنا
" الضل" عمرو ما يعضّى .. خابزنو دقيقكم نحن ليهو عجنا
| |
|
| |
نادية حسن عمر مشرفة قسم المناسبات
عدد المساهمات : 396 تاريخ التسجيل : 20/03/2009
| موضوع: رد: مجادعات دار جعل الثلاثاء يوليو 07, 2009 3:45 pm | |
| يا عاشق الحتانة حبيت اكسر النغمة بأروع مجادعات والحقيقة الابيات دى من اميز واعمق الاشعار القريتها وبقول :
نحن الشينْ ونحن الزين ونحن العقبه والعتمور ونحن القِبله .. والقرعانْ ونحن الشانْ ونحن النانْ أتينا عشانْ نسوى الدّنيا للإنسانْ نحن الصّافى والوَافى ونحن الشّافى والكافِى ونحن الزادْ ونحن العِينه والزِيّنه ، ونحن – يمين – أهالينا أهلى سرورْ ووكَتين ينزل المستورْ تَرَانَه النور نحن الجبنه واللبريقْ ونحن قداحنا سَاوات ضيقْ ونحن بيوتنا مفتوحاتْ مَسَاىْ .. وَصباحْ ونحن وشُوشنا مطروحاتْ مَسَاىْ وصباحْ ونحن السَمحه والقَمحه ونحن الطله .. واللمحه ونحن الصِيدْ ونحن العيدْ ،
ونحن الهِجره .. والأوبه ، ونحن كُتَارْ ونحن كُبَارْ ، ونحن – يمين – جُمَال الشيلْ ونحن – يمين –كلامنا قليلْ ، نحن السورْ ونحن الحُورْ ، ونحن بناتنا محروساتْ ونحن وِلادنا ضُلالاتْ ونحن أُماتنا ياهِنْ .. ديلْ ، وجِيب ورينى زيىِّ منو ، نحن العَاجْ ونحن الصَاجْ ونحن البوشْ ونحن الحوشْ ونحن الناسْ وكتين الديارا ..يباس وإن درت العديل والزين
تعال يا زول ، وإن كست الكعب والشين أرح .. يا زول | |
|
| |
ذوالفقار الأمين محمد أحمد
عدد المساهمات : 9 تاريخ التسجيل : 27/05/2009
| موضوع: رد: مجادعات دار جعل الخميس يوليو 09, 2009 2:57 am | |
| با أبو عثمان شنو ديل الطرش كل واحد ملى سعنو هوا وداير يخش نحنا أصلنا للهلال الجنازة ما بننبش قول لدراش صحي النوم وأخدلك دش | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الثلاثاء يوليو 21, 2009 2:22 pm | |
| - سراج الدين عثمان محمدين كتب:
- [b] راكز كالجبل. الما بتهزو هبوب
انا الصنديد لبست العجوز التوب
ما بضا را في ود خالي . الماسك للقلم يادوب
بصارع فيكم بجدع شعري . لامن تجروا و تقولوا الروب جينا راكبين خيولنا ... المتل الجبال راسيات لابسين عزيمة أبواتنا ... عزة أمات و حبوبات كيف يفرقنا عازل ... و تبقى دروبنا متفرقات و الله عيب إن شردن خيولنا ... و حمير سراج قاعدات ** | |
|
| |
نادية حسن عمر مشرفة قسم المناسبات
عدد المساهمات : 396 تاريخ التسجيل : 20/03/2009
| موضوع: رد: مجادعات دار جعل الثلاثاء يوليو 21, 2009 5:58 pm | |
| نجى بحروفنا وننبهل نسن سيوفنا وننمهل امسك دربك وفى الطريق انعدل
سمح الكلام الا من غير زعل
** وكت ننضم كلامنا حروفو مكربات
بنركب خيولنا خيول حوبات
نحنا الطريقنا كلو عقبات
الا عيب خيولك يعركسن قاعدات وخيولنا يرقصن واقفات
* | |
|
| |
| مجادعات دار جعل | |
|