| مجادعات دار جعل | |
|
+12ذوالفقار الأمين محمد أحمد عبد العزيز الدراش أيمن فضل الباري هاديةعبدالرحمن عثمان احمد أبو ريناد عاشق الحتانة ناجى أبو تسنيم ياسر سليمان عمر سراج الدين عثمان محمدين حذيفه محمد أحمد عثمان عبده محمد أحمد المسلمابى نادية حسن عمر 16 مشترك |
|
كاتب الموضوع | رسالة |
---|
عبده محمد أحمد المسلمابى مشرف المنتدى العام
عدد المساهمات : 484 تاريخ التسجيل : 19/03/2009 العمر : 54
| موضوع: رد: مجادعات دار جعل السبت أبريل 18, 2009 7:07 am | |
| حبيت صغير وريد الجهل ياحليلو
قوز أمونة داك مشتاق أكوس لى شليلو
وكم فى الخط نقيف ياعمى ماك طاريلو
الرمة والحراسة شديت أخوك دليلو | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل السبت أبريل 18, 2009 10:32 pm | |
| لو بتعرفي جد ياعزة . اعملي ليك ملاح لايوق من أم تكشوا... لو بتعرفي ياعزة . عرفي لينا شغل الروب . وشن ماعونوا.. وكيف خشوا... فسري لي كلام شفعنا .. لما يقولوا ليك طقشو ... عرفي لي كدمبسنا.. وقاطوع بيتنا بي هتشوا ... تقولي طلعتي فوق امبور.. ؟ قوز امونة توحلوا فوقوا ما تمشوا... نسوان الحلة بدلن.. بيجي اللصيق مع التيبان.. دحين بتعرفي كيف حشوا؟... دحين زاااتة شن معناها..؟ اوعة تقولي ياعزة دلع لي هيثم او بشوا... هووووي ياعزة ما تناقري.. بتعرفي تشطفي سليمان بدون صابونة في طشوا ؟... تقولي شربتي بقنية..؟ ديل ياعزة ضحكوا عليك بي موية بحر عكرانة ليك غشوا... زرعي ليك زريعة.. كركعي ليك كوز بقنية.. من حلتنا بتطشوا ... بتعرفي تقعدي في المحراكة.. ؟ تطحني ليك عيش آبري.. بتورينا كيف درشوا؟ ... بتعرفي تنجدي اللحفات.. ؟ وكيف القطن بندق.. ؟ وكيف نفشوا ؟... بتعرفي تعوسي بالطايوق.. ؟ صاج اماتنا لما يولع زيك انتي مابهبشوا... هووووي يابنية ما تناقري.. امسكي وليدك الساسوية ماتخرشوا ... امشي اتعلمي الكلمات.. اسعيلك غنم حاحيهن وادي البهم قشوا... | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الأحد أبريل 19, 2009 2:57 am | |
|
يومك التمشى للحتانة يقابلوك بالعصير
مويتو مِـى بارده باقيتن من الزير
تحوم للسلام ما بتشكى من الهجير
قوم ياخى بسراع اوعك من التأخير
| |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الأحد أبريل 19, 2009 3:33 am | |
|
حصل دقيت النبق سمسم ... بعد مرقنو الغنّام
حصل لميت بعر الحمار ... سويتو عبد التام
حصل إتونست فوق القوز ... و مشيت لى قدام
حصل إتعشيت بى بربور ... أحميت الناس تنام
| |
|
| |
حذيفه محمد أحمد عثمان
عدد المساهمات : 21 تاريخ التسجيل : 14/04/2009
| موضوع: رد: مجادعات دار جعل الثلاثاء أبريل 21, 2009 3:29 am | |
| لاحصل دقيت النبق سمسم ... بعد مرقنو الغنّام
ولا حصل لميت بعر الحمار ... سويتو عبد التام
و للبربور خصيم حرّم... أكان بحمي الجماعه تنام
لكن ونسه القوز... والمشيه لي قدام
والسيره والبنوت ... واللوري لمن قام
أسأل نزار يحكيك ... عن تلكم الايام | |
|
| |
عبده محمد أحمد المسلمابى مشرف المنتدى العام
عدد المساهمات : 484 تاريخ التسجيل : 19/03/2009 العمر : 54
| موضوع: رد: مجادعات دار جعل الثلاثاء أبريل 21, 2009 8:15 am | |
| أمس أتصل على ذو الفقار الأمين وكنت مواعدو أمشي ليه ولم أفعل فأرسلت له رسالة قلت ليه
يالزين أخوى صعبت على الجية ماتقول نسيت والله خاتى النية
أنت عارف ريدتى ليكم والبينا ماها شوية
كل ماأقول أجيك زاملتى تحرن بيا
وقلت ليه أيضاً : يالزين أخوى ماشفت الحالة كيف بقت بطالة
لو كان زى زمان ماكان تجيك رسالة
كان تلقانى جنبك ومابرضى قولة لالا
وأنا كان بعدت كأنى فى ملالة
قام رد على قال: النيه قالو واصله
قبلت العذر وقدرت الحالة الحاصلة
إن شاء الله ترضى الزاملة الزيارة تبقى متواصلة
أرواحنا واحدة إيدينا كيف تكون متناصلة
قمت قلت ليه : اليوم فى المنام زارنى طيف من حبى
زى برقاً لمع قال للنجوم إتخبى
بالله يالأصحاب ورونى بس إيه ذنبى
ياريت زمانى يحن محبوبى يصبح جنبى
قام قال : أسبابى الجدى الوسط أماتو متخبى
قالن لى لالا حرمن قربى
يانارفراقو فى الضلع شبى
مادام بقت الحسرة ذادى وشربى
قمت قلت ليه: زى الصيد قدل فى الدايرة وسط أخواتو
شال نورن طفا ده الزول شبيه أماتو
يميل قلبى الرهيف إن مال على جنباتو
حاكى البانة طول والحكمة فى عويناتو
قام قال : ماشفت ياعبده الزول الظريف
عايش فى بهاه فى ظلن وريف
كامل الذوق فات حد التوصيف
ده إن شق البطانة محلا يبقى خريف
قمت قلت ليه: يالزين أخوى ماشفت حد لى وصفو
ده الزول الظريف قتل القلب ظرفو
إحساسو الرهيف جرح الفؤاد رهفو
عينى إن عاينت قلوبنا يترجفو
قام قال : ياعبده أخوى شوف الظبى كيفن وقلن
قلوبنا الشافنهن بهواهن إتملن
ماهماهن حربن على أعلنن
كملن صبرنا وفهمنا يمين كملن
قمت قلت ليه: حبيت صغير وريد الجهل ياحليلو
ومن زمناً بعيد فى قلبى يوت طاريلو
زى صيد الخلا يتهادى أو زى ريلو
وزى نجم السما الحيران بكونلو دليلو
قام قال: ياعبده أخوى الحال العلى ماك عارفو
يومياً عينى لى شوفتو يرفو
مابقدر أبوح بى إسمو مابقدر إجيب حرفو
أمانى فى الحياة مانى عارف ظرفو
وشكراً كانت مبادلة رسايل بالهاتف وبس | |
|
| |
عبده محمد أحمد المسلمابى مشرف المنتدى العام
عدد المساهمات : 484 تاريخ التسجيل : 19/03/2009 العمر : 54
| موضوع: رد: مجادعات دار جعل الإثنين مايو 18, 2009 6:03 pm | |
| ياخالنا الهميم :
أم العيال تلهج كتير بى ذكرك
أشكر كيف فعايلك قول لى أعصر فكرك
رضيانين يمين فوق راسنا أخلف حكرك
المولى الكريم مايجيبولى يوم شكرك
وقلت أيضاً :
طبعك أصلو زين والكل بعرفوا فعالك
تنفق باليمين المابتعرفو شمالك
سائل ربى الكريم فى الدنيا يكتر مالك
لا تضوق الفقر لا يوم يهموا عيالك
وفى يوم المعاد المولى يستر حالك
عدل سابقا من قبل عبده محمد أحمد المسلمابى في الأربعاء مايو 20, 2009 4:05 am عدل 1 مرات | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الأربعاء مايو 20, 2009 4:01 am | |
| حذيفه خُوي .. سبب غيابك مانى دارى
مشغول شديد .. وللا الكلام ماك طارى ؟
ناس عبده و سراج الشعر قايمنبو سدارى
تعال نشاركم النضم ما تقيف بعيد متوارى
| |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الأربعاء مايو 27, 2009 5:20 am | |
| خبارك نضم الشعر خليتو.. آآسراج ؟؟ شيطان شعرك رخّم رقد .. بعد ما هاج إتلخبت فكرو.. و بقى للكلام محتاج إن ما عندك جديد.. كيفنا النشوفلو علاج
| |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الأربعاء مايو 27, 2009 6:28 am | |
| هووووي ياعجووز اتلم 000 كلامك بشوفو حقا ره
احسن ليك تفوت دربي 0000 قبا ل تجيكا شراره
اتمعن حروفي شديييد 000مادام في العيون نظاره
باكر قسم بالله 0000 بتجينا بي دفا ره | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الأربعاء مايو 27, 2009 5:43 pm | |
| كان لى قول المسادير .. عارفنك شديد كتّاب
وإن عمرى أكبر منك .. تبقى زول كضّاب
إلا العمر ما مهم .. مادام النسويهو صواب
الريد للهلال والحمد لى الله .. الما سوّانا مريخاب
| |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الخميس مايو 28, 2009 6:22 am | |
| يا حاج يا عجوز جنيت 0000 بتجيب كلام من راسك
بتذكر ونحن صغاااااار 0000 في ضهرك شا يل فا سك
معقوله انت ند يد نا000000ومقا سنا زاتو مقا سك
خا يفك تكون خرفته 000000 وحا يم كما ن بي لبا سك | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الخميس مايو 28, 2009 7:25 am | |
| لو انت الهلال بتريدو 000 ماتنسي قون اللفه
نحن البلد اسيا دا000000 مريخنا ليها الزفه
يوم النزال ما قرررب 000 اركزو سيبو الرجفه
عارفنك لي سودانا 0000 ماجبت لو كان قفه | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الخميس مايو 28, 2009 1:53 pm | |
| قالوا اخير الزول يستر باللباس حالو من لا يكون عريان
كأسكم زى كلامكم قدييييم .. شوفلك غيرو يا أب عثمان
كان لي غُلبنا ليكم هييين .. و التلاته نقط اصلن ضمان
اصلوا معروف .. اكل الكستر مابدورلو زولاً ليهو أسنان
| |
|
| |
أبو ريناد
عدد المساهمات : 406 تاريخ التسجيل : 13/04/2009 العمر : 59
| موضوع: رد: مجادعات دار جعل الجمعة مايو 29, 2009 11:22 am | |
| يا ياسر أخوي شيل أمريكا ودولارا من راسك وعيش في بلدك مطمئنة انفاسك كدي وقت المغربية شوف احساسك وكتن تجي القوز وتلاقي وناسك عشان كدة خليك في وطنك مجدٌع ورافع راسك | |
|
| |
ياسر سليمان عمر مشرف قسم الصور و الاستشارات
عدد المساهمات : 181 تاريخ التسجيل : 08/03/2009 العمر : 55
| موضوع: رد: مجادعات دار جعل الأحد مايو 31, 2009 5:55 pm | |
| البلد جميلة ....وجاري نيلا ..... هي ساسنا ....وصعب رحيلا ...... منبع جدودنا .....وفي القلب بنشيلا..... الحتانة ....وين نلقى في الكون مثيلا .......
( والله يا ناجى ..قلنا القحة ولا صمة الخشم ) ...رايك شنو ...؟ | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الإثنين يونيو 01, 2009 12:58 am | |
| شعر البكور يا يا سر-------- مشرومه طوبا ت بيتو حقيقه قولك رائع -------- اسماعيل حسن جا ريتو قصا ئد ريدك في الحتا نه ---- ديوانا شن سميتو خشمك نطق با لقحه ------ يا رييت اكان صميتو | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الإثنين يونيو 01, 2009 4:01 am | |
| داير أجيب نَص الكلام ... الإنت كنت ذكرتو
بى كلمة "حقيقة قولك رائع"... ظنينا شعرو شكرتو
إلا لقينا باقى الكلام ... حقيقي زايده عكرتو
يا ود جاره خوى ..منيص الجانا كاشف كرتو
عدل سابقا من قبل عاشق الحتانة في الأحد يونيو 07, 2009 5:33 pm عدل 1 مرات | |
|
| |
عبده محمد أحمد المسلمابى مشرف المنتدى العام
عدد المساهمات : 484 تاريخ التسجيل : 19/03/2009 العمر : 54
| موضوع: رد: مجادعات دار جعل الإثنين يونيو 01, 2009 5:22 am | |
| نقل لى مزمل ود الشيخ ود حمروعن غيره أنه قال :
ياحليل البلد ياحليل جزايرو وطينو
ياحليل البلد ضج ورطن عرزينو
ياحليل البلد طش ورحل مسكينو فجاوبته فقلت :
ياحليل البلد سايقنى ليهو حنينو
ياحليل البلد جميل يعوم وزينو
ياحليل البلد مسكينو الله يعينو | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الإثنين يونيو 01, 2009 6:10 am | |
| يا ياسر ابو سليمان ليك مني سلام
قولك عن الحتانه ما فيهو حرفا سا م
احسا سك من الاعما ق والله ما في كلام
خلي العجوز يكتب في البعره وعبد التا م | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الإثنين يونيو 01, 2009 7:06 am | |
| ود خا لتك يا عجوز بي طبعو اصلو حنون بيكتب كلام مليا ااان جواهو ريد معطون
حب البلد لي نفسو زي الجني المجنون
يا مجدي اكشف ورقك قبا ل تخش الزون
| |
|
| |
ياسر سليمان عمر مشرف قسم الصور و الاستشارات
عدد المساهمات : 181 تاريخ التسجيل : 08/03/2009 العمر : 55
| موضوع: رد: مجادعات دار جعل الإثنين يونيو 01, 2009 6:13 pm | |
| يا جماعة هوووووووووووووي ...كلامكم دا مايفرقنا خلونا النكتب في البلد ...........أصلا مـــالكة عشقنا ود الخالة ...المنيصة ...مي المقصودة ...وماهي هدفنا كيف تمنيص ..(عمك وخالك )..... ..الباقي لينا درعنا | |
|
| |
عاشق الحتانة مشرف قسم مرقنبو قرنبو
عدد المساهمات : 402 تاريخ التسجيل : 27/03/2009
| موضوع: رد: مجادعات دار جعل الأربعاء يونيو 03, 2009 1:31 pm | |
| - ياسر سليمان عمر كتب:
- يا جماعة هوووووووووووووي ...كلامكم دا مايفرقنا
خلونا النكتب في البلد ...........أصلا مـــالكة عشقنا ود الخالة ...المنيصة ...مي المقصودة ...وماهي هدفنا كيف تمنيص ..(عمك وخالك )..... ..الباقي لينا درعنا الدنيا العبوس يا ياسر ... من يومها داك فراقه
الرماد التشوفو عيونك... من تحتو نار حراقه
ما تنخدع يا خويا ... بى كلمات زولك البراقه
بخاف عليك يسيكك ... و ما تلقى ليك مراقه
| |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الجمعة يونيو 05, 2009 7:34 am | |
| واقف كثير يا ياسر .. من الشعر لي مده
شايف براك ود خالتك .. بكتب حرو ف الرده
الليله جاتك تاره.. شوفلك طريق للشرده
ابعد بعيد ياياسر .. خلي الرهيف ينقده | |
|
| |
سراج الدين عثمان محمدين
عدد المساهمات : 254 تاريخ التسجيل : 21/03/2009 العمر : 58
| موضوع: رد: مجادعات دار جعل الجمعة يونيو 05, 2009 8:43 am | |
| انا ليك قبيل حزرته ... ما سمعته مني نصيحه
تكتب ياعجوز سااااكت .....وعامل كمان تفتيحه
نسيت جواب الشيخ ...... .الرجفه واللوليحه
الليله عاد يايا سر ...... زولك بسوي فضيحه | |
|
| |
| مجادعات دار جعل | |
|